လံာ်ဃဘးကူာ် 2:13 - Sgaw Karen Common Bible

¹³ ပှၤကလုာ်တဖၣ်လၢသုမၤနၢၤတ့ၢ်အီၤန့ၣ်မၤလီၤ ဘှံးလီၤဘှါအသးလၢတၢ်မၤတဂိာ်တသီၣ်ဘၣ်အပူၤ, ဒီးကယဲၢ်တၢ်လၢအသူၣ်ထီၣ်ဝဲတဖၣ်န့ၣ်လၢာ်ကွံာ်လၢမ့ၣ်အူ အပူၤလီၤ. ယွၤသ့တၢ်လၢာ်မၤတ့ၢ်လံတၢ်အံၤလံ.

လံာ်ဃဘးကူာ် 2:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 50:11

သုဝဲခဲလၢာ်လၢအကူၣ်ထီၣ်မၤဟးဂီၤကွံာ်ပှၤတဖၣ်န့ၣ်, သုကဘၣ်တၢ်မၤဟးဂီၤကွံာ်သုလၢသုတၢ်ကူၣ်ဟးဂီၤဒၣ်ဝဲ တဖၣ်န့ၣ်လီၤ. ယွၤအကစၢ်ဒၣ်ဝဲကဒုးကဲထီၣ်တၢ်အံၤလီၤ. သုကတူၢ်ဘၣ်တၢ်ဟဲဝံနးနးကျံးကျံးန့ၣ်လီၤ.

လံာ်ယၡါယၤ 55:2

ဘၣ်မနုၤအဃိသုကဘၣ်မၤလၢာ်ကျိၣ်လၢာ်စ့လၢတၢ်တတံၤ သူၣ်တံၤသးအဂီၢ်န့ၣ်လဲၣ်. ဘၣ်မနုၤအဃိသုကဘၣ်မၤလၢာ်သုဘူးသုလဲဒီးသူၣ်ဝံၤသၣ်စ့ၤဒံး ဒၣ်တၢ်န့ၣ်လဲၣ်. ဒိကနၣ်ယၤဒီးမၤတၢ်လၢယစံးဘၣ်သုန့ၣ်တက့ၢ်. အန့ၣ်ဒီး, သုကမုာ်လၤသးခုလၢတၢ်အီၣ်အဂ့ၤကတၢၢ်လၢ တၢ်အီၣ်ခဲလၢာ်အကျါလီၤ.

လံာ်ယံးရမံယၤ 51:58

ဝ့ၢ်ဘၤဘူၤလိၣ်အခိၣ်ဒူဖးလဲၢ် ကဘၣ်တၢ်မၤလီၤ ပှီၢ်အီၤဆူဟီၣ်ခိၣ်လိၤ ဒီးအတြဲၤဖးထီတဖၣ်မ့ၣ်အူကအီၣ်ကွံာ်အီၤလီၤ. ပှၤကလုာ်တဖၣ်အတၢ်မၤကကဲထီၣ်တၢ်ကလီကလီ ဒီးအတၢ်ကျဲးစၢးခဲလၢာ်ကကဲထီၣ်မ့ၣ်အူဆၣ်န့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံၤ. ”

လံာ်ယံးရမံယၤ 51:64

ဒီးစံး, ‘တၢ်အံၤမ့ၢ် တၢ်လၢအကမၤအသးဒီး ကီၢ်ဘၤဘူၤလိၣ်န့ၣ် လီၤ. ကလီၤဒးဝဲဒီၤ တထီၣ်ဖီကဒီးလၢၤ နီတစုဘၣ်, မ့ၢ်လၢတၢ်ဟးဂီၤလၢ ယွၤကဒုးလီၤဘၣ်အီၤလၢအလိၤအဃိန့ၣ်လီၤ.’ ” စီၤယံးရမံယၤ အတၢ်ကတိၤတဖၣ် ကတၢၢ်ကဝဲဖဲအံၤလီၤ.

လံာ်မၤလကံ 1:4

စီၤဧ့ၡီၤအစၢၤအသွဲၣ်လၢအမ့ၢ်ပှၤအဒိၣ်ဖိမ့ၢ်စံးဝဲ, “ပခူပဝ့ၢ်တဖၣ်ဘၣ်တၢ်မၤဟးဂီၤအီၤဘၣ်ဆၣ် ပကဘှီထီၣ်ကဒါက့ၤအီၤလီၤ.” ဒီး, ယွၤကစံးဆၢဝဲ, “မ်အဝဲသ့ၣ်ဘှီထီၣ်ကဒါက့ၤတက့ၢ်. ဒီးယကမၤလီၤပှီၢ်ကွံာ်ကဒီးတဘျီလီၤ. ဒီးပှၤကကိးအဝဲသ့ၣ်လၢ, ထံကီၢ်လၢအအၢအသီဒီးပှၤဂီၢ်မုၢ်လၢယွၤသးထီၣ်ဘၣ်အီၤလီၤ စိၤလီၤထီလီၤ.”