လံာ်ဃဘးကူာ် 2:10 - Sgaw Karen Common Bible

¹⁰ သုမၤဟးဂူာ်ဟးဂီၤပှၤအါကလုာ်သတးဒီး သုဟဲစိာ်တၢ်မဲာ်ဆှးလၢသုဟံၣ်ဖိဃီဖိအဂီၢ်ဒီးတၢ်လီၤပှီၢ် လၢသုတၢ်အိၣ်မူအဂီၢ်လီၤ.

လံာ်ဃဘးကူာ် 2:10 Iomraidhean Croise

လံာ်စီၤပၤအခီၣ်ထံးတဘ့ၣ် 2:23

အန့ၣ်ဒီး, စီၤၡလိၤမိၤမၤတၢ်အၢၣ်လီၤသမှံၤသပှၢ်တမံၤလၢယွၤ အမံၤအပူၤစံးဝဲ, “ယမ့ၢ်တမၢဘၣ်စီၤအဒိနံၤယၤလၢအက ဟ့ၣ်အသးသမူဒ်တၢ်အပှ့ၤလၢအဃ့ဝဲတမံၤအဃိဘၣ်ဒီး, မ်ကစၢ်ယွၤမၤသံယၤတက့ၢ်.

လံာ်စီၤပၤခံဘ့ၣ်တဘ့ၣ် 10:7

တုၤစီၤယ့ၤဟူအလံာ်ပရၢဘၣ်တၢ်ဒိးန့ၢ်အီၤန့ၣ်, ၡၤမရံအပှၤခိၣ်အပှၤနၢ်တဖၣ်မၤသံကွံာ်စီၤအၤဃာ်အစၢၤအသွဲၣ် နွံဆံဂၤလၢာ်, ဒီးဒၢနုာ်ဝဲအခိၣ်တဖၣ်ဆူနာ်တဖၣ်အပူၤ, ဒီးဆှၢလီၤအီၤဆူစီၤယ့ၤဟူအအိၣ်ဖဲဝ့ၢ်ယံးစရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:26

“ယထံၣ်တ့ၢ်တၢ်မၤသံစီၤနၤဘိးဒီးအဖိခွါတဖၣ်မဟါတနံၤန့ၣ် လီၤ. ဒီးယအၢၣ်လီၤယသးလၢယကစံၣ်ညီၣ်နၤဖဲအံၤ, လၢပျီတဘ့ၣ်ဃီအံၤအပူၤန့ၣ်လီၤ.” စီၤယ့ၤဟူမၤလိာ်အပှၤကွၢ်ထွဲမၤစၢၤအီၤ, “လၢတၢ်န့ၣ်အဃိ, ဟံးထီၣ်စီၤယဟိရၣ်အစိၣ်ဒီးတ့ၢ်လီၤကွံာ်အီၤဆူစီၤနၤဘိး အပျီပူၤလၢတၢ်မၤလၢထီၣ်ပှဲၤထီၣ်ယွၤအတၢ်အၢၣ်လီၤအဂီၢ်န့ၣ် တက့ၢ်.

တၢ်ကတိၤဒိ. 1:18

ဘၣ်ဆၣ်ဒီးပှၤဒ်အံၤတဖၣ်ပာ်လီၤထုလၢအဂီၢ်ဒၣ်ဝဲ, ထုလၢအဝဲသ့ၣ်ကသံလၢအပူၤန့ၣ်လီၤ.

တၢ်ကတိၤဒိ. 20:2

ပျံၤစီၤပၤတဂၤလၢအသူၣ်ဒိၣ်သးဖျိးဒ်နပျံၤခ့ယုၢ်တဒုလၢ အကညီၤရူၢ်ရူၢ်အသိးန့ၣ်တက့ၢ်. နမ့ၢ်ထိၣ်ဂဲၤအတၢ်သးထီၣ်ဒီး, မ့ၢ်ဒၣ်နမၤသံလီၤနသးလီၤ.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်ယၡါယၤ 33:11

သုမၤတၢ်ကူၣ်ကျဲၤလၢအလုၢ်အပှ့ၤတအိၣ်တဖၣ်, ဒီးတၢ်လၢသုမၤခဲလၢာ်န့ၣ်မ့ၢ်တၢ်လၢအဘျုးတအိၣ်ဘၣ်လီၤ. ယသးလီၤဂာ်ဒီးမ့ၣ်အူတခါလၢအကမၤဟးဂီၤသုန့ၣ်လီၤ.

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 26:19

စီၤပၤဃံးစကံယၤဒီး ကီၢ်ယူဒအပှၤဂီၢ်မုၢ်တမၤသံကွံာ်ဝံမံကၤဘၣ်. အခိၣ်တလိာ်စီၤဃံးစကံယၤ ယူးယီၣ်မၤလၤကပီၤတ့ၢ်ယွၤဒီး ကျဲးစၢးမၤန့ၢ် ယွၤအတၢ်ကွၢ်မဲာ်န့ၣ်လီၤ. ဒီးယွၤလဲလိာ်တၢ်ပာ်လီၤအသး ဘၣ်ဃးတၢ်တတၢး တနါလၢ အစံးတ့ၢ်ဝဲလၢ အကဒုးဘၣ်လီၤက့ၤ ပသးလၢ တၢ်တတၢးတနါလၢ အလီၤပျံၤလီၤဖုးဒိၣ်မးတမံၤန့ၣ်လီၤ.”

လံာ်ယံးရမံယၤ 36:31

ယကစံၣ်ညီၣ်နၤ, နစၢၤနသွဲၣ်တဖၣ်, ဒီးနပဒိၣ်ပပှၢ်တဖၣ်မ့ၢ်လၢ တၢ်ဒဲးဘးတဖၣ်လၢ သုဝဲခဲလၢာ်မၤတ့ၢ်အီၤအဃိန့ၣ်လီၤ. နၤမ့ၢ်ဂ့ၤ, ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကီၢ်ယူဒၤအပှၤဂီၢ်မုၢ်မ့ၢ်ဂ့ၤ, တကနၣ်ဃုာ်ယတၢ်ဟ့ၣ်ပလီၢ်တဖၣ်နီတမံၤဘၣ်. ဒီးယကဒုးလီၤဘၣ်တၢ်တတၢးတနါလၢ ကမၤပျံၤမၤဖုးတၢ်န့ၣ်လၢ သုလိၤလီၤ.

လံာ်ယံးရမံယၤ 44:7

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, သံကွၢ်သုခဲအံၤလၢ ဘၣ်မနုၤအဃိလၢ သုမၤတၢ်အၢတၢ်သီဒ်သိးအံၤ တမံၤထီဒါသုကစၢ်ဒၣ်သုဝဲန့ၣ်လဲၣ်. မ့ၢ်သုသးအိၣ်ဒုးလီၤဘၣ်တၢ်တတၢးတနါလၢ ပှၤပိာ်ခွါတဖၣ်, ပှၤပိာ်မုၣ်တဖၣ်, ဖိသၣ်တဖၣ်ဒီၤ ဖိသၣ်အီၣ်နုၢ်ထံ တဖၣ်အလိၤ, ဒ်သိးပှၤဂီၢ်မုၢ်အသုတအိၣ် တီၢ်လၢၤဘၣ် နီတဂၤအဂီၢ်န့ၣ်ဧါ.

လံာ်နၤဃူၣ် 1:14

ဒီးအအံၤမ့ၢ်တၢ်လၢယွၤခါလီၤအကလုၢ်ဘၣ်ဃးဒီးပှၤအၤၡူၢ်ဖိ တဖၣ်န့ၣ်လီၤ. “အဝဲသ့ၣ်တမ့ၢ်ကအိၣ်ဒီးအစၢၤအသွဲၣ်နီ တဂၤလၢကစိာ်အမံၤဆူညါန့ၣ်ဘၣ်. ယကမၤဟးဂီၤကွံာ်အတၢ်ဂီၤတၢ်ဖီၣ်တဖၣ်လၢအအိၣ်လၢအကစၢ် တဖၣ်အတၢ်လုၢ်ဟံၣ်တဖၣ်အပူၤန့ၣ်လီၤ. ယကတဲာ်ကတီၤလံတၢ်သွၣ်ခိၣ်လၢပှၤအၤၡူၢ်ဖိတဖၣ်အဂီၢ်လီၤ. အဂ့ၢ်ဒ်အံၤအဝဲသ့ၣ်တကြၢးဒီးတၢ်အိၣ်မူဘၣ်.”

လံာ်ဃဘးကူာ် 2:16

သုကဘၣ်တၢ်ကျၢၢ်ဘၢကဒါက့ၤသုဒီးတၢ်မဲာ်ဆှးလၢတၢ်လၤကပီၤ အလီၢ်လီၤ. သုနီၢ်ကစၢ်ဒၣ်သုဝဲသုကအီတၢ်ဒီးလဲၤကနုၤကပၤလီၤ. ယွၤကဒုးအီက့ၤသုလၢသုတၢ်စံၣ်ညီၣ်အလီခီဒၣ်သုဝဲ, ဒီးသုတၢ်လၤကပီၤကဃၣ်ကဒါက့ၤအသးဆူတၢ်လီၤမဲာ်ဆှးလီၤ.

လံာ်တၢ်ဂံၢ် 16:38

အဝဲသ့ၣ်ကဲထီၣ်တ့ၢ်တၢ်စီဆှံဖဲအဘၣ်တၢ်ဟ့ၣ်ထီၣ်အီၤဆူယွၤ အတၢ်လုၢ်လီၢ်အကတီၢ်န့ၣ်လီၤ. မၤသးဒ်န့ၣ်ဒီး, ဟံးထီၣ်ကွံာ်ပှၤတဖၣ်လၢအဘၣ်တၢ်မၤသံအီၤအ သပၢၤမ့ၣ်အူလၢအဝဲသ့ၣ်အတၢ်ဒဲးဘးအဂီၢ်ဒီးပိာ်ကဲထီၣ်အီၤဆူ လီခီအဘူဒီးမၤတၢ်ခိၣ်ကျၢၢ်တခါလၢတၢ်လုၢ်လီၢ်အဂီၢ်တက့ၢ်. တၢ်န့ၣ်ကမ့ၢ်တၢ်ဟ့ၣ်ပလီၢ်တမံၤဆူကီၢ်အံၣ်စရ့လးအပှၤဂီၢ်မုၢ် န့ၣ်လီၤ.”

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”