လံာ်ဃဘးကူာ် 2:1 - Sgaw Karen Common Bible

¹ ယကလဲၤထီၣ်ဆူယခိးကွၢ်တၢ်အလီၢ်ဒီးအိၣ်ခိးဒ်သိး ယကထံၣ်ဘၣ်တၢ်လၢယွၤကစံးဘၣ်ယၤတၢ်လၢယကဘၣ်တဲ, ဒီးတၢ်စံးဆၢလၢအကဟ့ၣ်ယၤဘၣ်ဃးဒီးယတၢ်ကဒူး ကဒ့ၣ်န့ၣ်လီၤ.

လံာ်ဃဘးကူာ် 2:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:24

စီၤဒၤဝံးဆ့ၣ်နီၤဝဲဖဲတၢ်လီၢ်လီၤပျီအိၣ်ဝဲဖဲဝ့ၢ်အတြဲၤ လၢတၢ်အိပူၤဒီးတြဲၤလၢတၢ်ချၢအဘၢၣ်စၢၤန့ၣ်လီၤ. ပှၤခိးကွၢ်တၢ်ဖိတဂၤလဲၤထီၣ်ဆူဝ့ၢ်ခိၣ်ဒူ, ဒီးဆၢထၢၣ်ဝဲဖဲတိာ်လၢကျဲစၢၤအဖီခိၣ်အခိၣ်ဒုးလိၤန့ၣ်လီၤ. အဝဲကွၢ်စိဃီၤဆူတၢ်ချၢဒီးထံၣ်ဘၣ်ဝဲပှၤတဂၤဃ့ၢ်ဝဲထဲတဂၤ ဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:9

ပှၤအံၣ်စရ့လးဖိတဖၣ်မၤတ့ၢ်တၢ်တဖၣ်လၢယွၤ, အဝဲသ့ၣ်အကစၢ်ယွၤတဘၣ်အသးန့ၣ်လီၤ. အဝဲသ့ၣ်ဘှီထီၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် အလီၢ်တဖၣ်လၢကယဲၢ်အဝဲသ့ၣ်အဝ့ၢ်ခဲလၢာ်အပူၤ, စးထီၣ်လၢသဝီအဆံးကတၢၢ်ဖိတုၤလီၤလၢဝ့ၢ်အဒိၣ်ကတၢၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:17

ပှၤခိးတၢ်အိၣ်မူအိၣ်ဒါတဂၤလၢပှၤခိးကွၢ်တၢ်အလီၢ်အပူၤလၢ ဝ့ၢ်ယံးစရ့လးထံၣ်ဘၣ်စီၤယ့ၤဟူဒီးအပှၤတဖၣ်ဟဲသုးဘူးအသး န့ၣ်လီၤ. ကိးထီၣ်ဝဲ, “ယထံၣ်ပှၤတနီၤ, ဟဲဒိးဝဲကသ့ၣ်န့ၣ်လီၤ.” စီၤယဟိရၣ်စံးဆၢဝဲ, “ဆှၢလီၤပှၤဒိးကသ့ၣ်တဂၤလၢကလဲၤဃု သ့ၣ်ညါဝဲမ့ၢ်အဝဲသ့ၣ်မ့ၢ်တံၤသကိးတဖၣ်ဧါ, မ့တမ့ၢ်ဒုၣ်ဒါတဖၣ်ဧါ.”

လံာ်စီၤယိၤဘး 31:35

ပှၤတအိၣ်နီတဂၤလၢကဒိကနၣ်ယတၢ်ကတိၤဘၣ်ဧါ. ယဆိၣ်လီၤယသးလၢတၢ်လၢယစံးယဲကိးဘီဒဲးန့ၣ်မ့ၢ်အမ့ၢ် အတီလီၤ. မ်သ့တၢ်လၢာ်ကစၢ်ယွၤစံးဆၢယၤန့ၣ်တက့ၢ်. ယဒုၣ်ယဒါတဖၣ်မ့ၢ်ဟဲစိာ်အတၢ်ကွဲးထီဒါယၤဒ်သိးယကထံၣ် ဘၣ်အီၤဒီး,

လံာ်စီၤယိၤဘး 31:37

ယကတဲကစၢ်ယွၤလၢတၢ်ခဲလၢာ်လၢယမၤတ့ၢ်လံယဲ တဖၣ်ဒီးယကသုးဘူးယသးဆူအမဲာ်ညါဒ်စီၤပၤဖိခွါတဂၤအသိး န့ၣ်လီၤ.

စံးထီၣ်ပတြၢၤ 5:3

ယွၤဧၢ, လၢမုၢ်ဂီၤန့ၣ်နနၢ်ဟူယကလုၢ်, ဒီးလၢမုၢ်ဟဲထီၣ်အကတီၢ်န့ၣ် ယလုၢ်ထီၣ်ယတၢ်ထုကဖၣ်ဒီးခိးကွၢ်လၢ်နၤလီၤ.

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

လံာ်ယၡါယၤ 21:5

လၢတၢ်ထံၣ်လၢညါခီအပူၤန့ၣ်ယထံၣ်ဘၣ်တၢ်အီၣ်အစီၢ်နီၤခိၣ် အိၣ်ကတဲာ်ကတီၤအသးဒီးလီၢ်ဒါတဖၣ်သလၣ်လီၤအသး လၢသမှံၤတဖၣ်ကဆ့ၣ်နီၤလၢအဖီခိၣ်အဂီၢ်လီၤ. အဝဲသ့ၣ်အီၣ်တၢ်ဒီးအီတၢ်လီၤ. သတူၢ်ကလာ်န့ၣ်တၢ်ကိးသတြီထီၣ်ဝဲ, “သုးခိၣ်သုးနၢ်တဖၣ်ဧၢ, ကတဲာ်ကတီၤထီၣ်သုကတီၤတဖၣ်တက့ၢ်.”

လံာ်ယၡါယၤ 21:6

အန့ၣ်ဒီးယွၤစံးဘၣ်ယၤ, “လဲၤဒီးပာ်လီၤပှၤခိးတၢ်တဂၤ, ဒီးတဲဘၣ်အီၤလၢကတဲဖျါက့ၤတၢ်လၢအထံၣ်ဝဲတက့ၢ်.

လံာ်ယၡါယၤ 21:8

ပှၤခိးတၢ်ဖိကိးထီၣ်ဝဲ, “တၢ်ဒိၣ်ဧၢ, ယဆၢထၢၣ်ခိးတ့ၢ်တၢ် လၢယလီၢ်မနၤနၤမဆါဆါလီၤ.”

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 6:17

အန့ၣ်ဒီး, ယွၤဃုထၢပာ်လီၤပှၤပၢၤတၢ်ဖိတဖၣ်လၢအဝဲသ့ၣ်အဖီခိၣ်, ဒ်သိးအဝဲသ့ၣ်ကကနၣ်တၢ်ဟ့ၣ်ပလီၢ်အကွဲၤကသီၣ်ထီၣ်အဂီၢ်လီၤ. ဘၣ်ဆၣ်အဝဲသ့ၣ်စံးဝဲ, “ပတကနၣ်ဘၣ်.”

လံာ်ယဃ့းစက့လး 3:17

“ပှၤကညီလၢ အသံသ့ဧၢ, ယဒုးကဲထီၣ်နၤလၢ ပှၤခိးကွၢ်တၢ်ဖိ တဂၤလၢ ကီၢ်အံၣ်စရ့လး အပှၤတကလုာ်အဂီၢ်လီၤ. တၢ်ပလီၢ် ပဒီတဖၣ်လၢ ယဟ့ၣ်လီၤနၣ်, နကဘၣ်ဟ့ၣ်ခီဟ့ၣ်နီၤဆူအဝဲသ့ၣ် အအိၣ်န့ၣ်တက့ၢ်.

လံာ်ယဃ့းစက့လး 33:7

ခဲကနံၣ်အံၤ, ပှၤကညီလၢအသံသ့ဧၢ, ယဒုးကဲထီၣ်နၤပှၤခိးကွၢ်တၢ်ဖိတဂၤလၢအံၣ်စရ့လး အပှၤကလုာ်အဂီၢ်န့ၣ်လံ. နကဘၣ်တဲဘၣ်အဝဲသ့ၣ် လၢတၢ်ဟ့ၣ်ပလီၢ်တဖၣ်လၢယဟ့ၣ်လီၤနၤန့ၣ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

၂ ကရံၣ်သူး 13:3

သုကဒိးန့ၢ်ဘၣ်တၢ်အုၣ်အသးလၢသုသးလီသုဝဲခဲလၢာ်လၢ ခရံာ်ကတိၤတၢ်ခီဖျိယၤအဂ့ၢ်န့ၣ်လီၤ. ဖဲအဝဲဒၣ်ထံၣ်လိာ်ဖံးမၤတၢ်ဘၣ်ဃးဒီးသုန့ၣ်, အဝဲအဂံၢ်အဘါ တစၢ်ဘၣ်. အခိၣ်တလိာ်အဝဲပာ်ဖျါထီၣ်အတၢ်စိတၢ်ကမီၤလၢ သုသိးသုကျါလီၤ.

ကလၤတံ 1:16

လၢအကလီၣ်ဖျါထီၣ်အဖိခွါလၢယၤ, ဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးဒီးအီၤဆူပှၤကလုာ်ဂၤတဖၣ်န့ၣ်, ယတဃ့ပှၤကညီအတၢ်ဟ့ၣ်ကူၣ်ဟ့ၣ်ဖးနီတဂၤဘၣ်.