လံာ်ဃဘးကူာ် 1:15 - Sgaw Karen Common Bible

¹⁵ ပှၤဘၤဘူၤလိၣ်ဖိတဖၣ်ဖီၣ်န့ၢ်ပှၤဂီၢ်မုၢ်လၢ တခွဲတဖၣ်ဒ်အဝဲသ့ၣ်မ့ၢ်ညၣ်တဖၣ်အသိးန့ၣ်လီၤ. ထုးထီၣ်အီၤလၢပှာ်တဖၣ်အပူၤဒီးကိးထီၣ်လၢတၢ်သးခုလၢအဖီၣ် န့ၢ်တၢ်အဃိန့ၣ်လီၤ.

လံာ်ဃဘးကူာ် 1:15 Iomraidhean Croise

စံးထီၣ်ပတြၢၤ 10:9

အိၣ်ခိးဝဲလၢတၢ်ခူသူၣ်အပူၤဒ် ခ့ယုၢ်လၢတပှီာ်အကျါအသိး, အိၣ်ခိးဝဲဒ်သိးကဖီၣ်န့ၢ်ပှၤဖှီၣ်ဖိယာ်ဖိ ဒီးဖီၣ်န့ၢ်အဝဲသ့ၣ်လၢအပျံၤသကွီၤအပူၤ ဒီးထုးတြူာ်ကွံာ်အီၤန့ၣ်လီၤ.

လံာ်ယၡါယၤ 19:8

ပှၤခဲလၢာ်လၢအလုၢ်အီၣ်အသးသမူခီဖျိတၢ်မၤအီၣ်ညၣ်လၢ ထံကျိနံၤလါအပူၤန့ၣ်ကအုကစွါဒီးကဟီၣ်ဝဲယၢၤဝဲလီၤ. အတခွဲတဖၣ်ဒီးအပှာ်ဧိၤစၤဧိၤကကဲထီၣ်တၢ်လၢပှၤသူတသ့ဘၣ် တဖၣ်လီၤ.

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 5:26

ပှၤအၢပှၤသီတဖၣ်အိၣ်ဆိးဝဲလၢယပှၤဂီၢ်မုၢ်အကျါလီၤ. အဝဲသ့ၣ်အိၣ်ခိးခူသူၣ်တၢ်ဒ်ပှၤတဖၣ်လၢအသလၣ် လီၤအပှာ်ဧိၤစၤဧိၤလၢအကဖီၣ်န့ၢ်ထိၣ်တဖၣ်အဂီၢ်အသိး, ဘၣ်ဆၣ်ဒီးအဝဲသ့ၣ်ပာ်လီၤအထုတဖၣ်လၢကဖီၣ်န့ၢ်ပှၤကညီတဖၣ် အဂီၢ်တခီန့ၣ်လီၤ.

လံာ်ယံးရမံယၤ 50:11

ယွၤစံးဝဲဒၣ်, “ကီၢ်ဘၤဘူၤလိၣ်အပှၤဂီၢ်မုၢ်သ့ၣ်ဧၢ, သုဂုာ်ဆူၣ်ပျီဆူၣ်တ့ၢ်ယပှၤကလုာ်န့ၣ်လီၤ. သုသူၣ်ဖှံသးညီဒီး သူၣ်ခုသးခုဒီး သုဝ့ၤဝီၤသုသးဒ်ဂီၤဖံးမိၢ်တဒုလၢ အယီၢ်ဘုအသိးမ့ၢ်ဂ့ၤ, ကသ့ၣ်လၢအကဟဲးမ့ၢ်ဂ့ၤ

လံာ်ယဃ့းစက့လး 25:6

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.

လံာ်ယဃ့းစက့လး 26:2

အဒ်မ်ဝဲစံးဝဲဒၣ်, “ပှၤကညီလၢအသံသ့ဧၢ, အအံၤမ့ၢ်တၢ်လၢပှၤဂီၢ်မုၢ်လၢဝ့ၢ်ထါယၢၣ်အပူၤကိး ပသူထီၣ်တၢ်သူၣ်ဖှံသးညီအပူၤအဂ့ၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, ဝ့ၢ်ယရူၤၡလ့ၣ်ဟးဂီၤလီၤပြံလီၤပြါ ကွံာ်လံ. အပနံၣ်တၢ်ကၤတၢ်အတၢ်မၤအစိကမီၤန့ၣ်ဟးဂီၤကွံာ်လံ. အဝဲတမ့ၢ်လၢၤပှၤပြၢလိာ်အသးဒီးပှၤနီတစုလၢၤဘၣ်.

လံာ်ယဃ့းစက့လး 35:15

ဒ်သိးဒၣ်, သုသူၣ်ဖှံသးညီသုဝဲလၢကီၢ်အံၣ်စရ့လးလၢအမ့ၢ်ယတၢ် ဒၣ်ယဲအတၢ်မၤဟးဂူာ်ဟးဂီၤအဃိန့ၣ်လီၤ. စ့ဧၢ်အကစၢၢ်ကလိတဖၣ် မ့ၢ်မး, ကီၢ်အဒိၣ်ဒီဘ့ၣ်ညါမ့ၢ်ဂ့ၤကအိၣ်သယုၢ်လီၤဃီန့ၣ်လီၤ. အန့ၣ်တစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ဧၤမိၣ် 4:2

ဒ်တၢ်စိတၢ်ကမီၤခဲလၢာ်အယွၤမ့ၢ်တၢ်စီတၢ်ဆှံအသိးန့ၣ်, အဝဲအၢၣ်လီၤတ့ၢ်ဝဲလၢ, မုၢ်နံၤတဖၣ်ကဟဲဝဲလၢသုကဘၣ်တၢ်ထုးသု လၢထးကွးတဖၣ်, ဒီးသုဝဲကိးဂၤဒဲးသုကလီၤဂာ်ဒီးညၣ်အိၣ် လၢတခွဲကနၣ်အလိၤန့ၣ်လီၤ.

လံာ်ဃဘးကူာ် 1:14

နမၤပှၤဂီၢ်မုၢ်ဒ်ညၣ်မ့တမ့ၢ်ဒ်တၢ်ဖိဃၢ်အဖုအဂီၢ် လၢပှၤပၢအီၤဆှၢအီၤတအိၣ်ဘၣ်နီတဂၤအသိးန့ၣ်ကသ့ဒ်လဲၣ်.

လံာ်ဃဘးကူာ် 2:5

တၢ်ထူးတၢ်တီၤန့ၣ်ပှဲၤဒီးတၢ်လီတၢ်ဝ့ၤလီၤ. ပှၤသူၣ်လီသးကွံတၢ်တဖၣ်န့ၣ်အသးထီၣ်ထီ ဒီးတအိၣ်ဘၣ်ဒီးသးအတၢ်ဃူတၢ်ဖိးဘၣ်. ဒီးဒ်တၢ်သံအသိး, အတၢ်သူၣ်မံသးမံတအိၣ်နီတဘျီဘၣ်. တၢ်န့ၣ်မ့ၢ်တၢ်ဂ့ၢ်လၢအဝဲသ့ၣ်မၤနၢၤပှၤကလုာ်တကလုာ် ဝံၤတကလုာ်လၢအဂီၢ်န့ၣ်လီၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 17:27

ဘၣ်ဆၣ်ဒီး, ဒ်သိးပသုတမၤတမုာ်ဘၣ်အဝဲသ့ၣ်အသးတဂ့ၤအဂီၢ်န့ၣ်, လဲၤဆူပီၣ်လဲၣ်, ဒီးစဲၤလီၤနတခွဲဘိတက့ၢ်. ဟံးန့ၢ်ညၣ်အဆိကတၢၢ်လၢနတခွဲန့ၢ်အီၤတဘ့ၣ်, ဒီးအိးထီၣ်အကိာ်ပူၤ, ဒီးနကထံၣ်န့ၢ်စ့တဘ့ၣ်လၢအကလၢဝဲလၢတၢ်လုၢ်ဟံၣ်အခိအသွဲလၢနဂီၢ်, ဒီးလၢယဂီၢ်လီၤ. ဟံးန့ၢ်စ့အဝဲန့ၣ်ဒီး, ဟ့ၣ်လီၤတၢ်လုၢ်ဟံၣ်အခိအသွဲလၢယၤဒီးနၤအဂီၢ်တက့ၢ်.”

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.