လံာ်ဃဘးကူာ် 1:13 - Sgaw Karen Common Bible

¹³ ဘၣ်ဆၣ်ဒီးပှၤလီတၢ်ဝ့ၤတၢ်, ပှၤအၢပှၤသီတဖၣ်အံၤ, နဝံသးစူၤအီၤကဲဒ်လဲၣ်. နမဲာ်ချံတဖၣ်စီဆှံဒိၣ်မးလၢ နကကွၢ်ဃီၤတၢ်အၢတၢ်သီ, ဒီးနကွၢ်ပှၤဂီၢ်မုၢ်လၢ အမၤကမၣ်တၢ်န့ၣ်တကဲဘၣ်. မၤသးဒ်န့ၣ်ဒီးဘၣ်မနုၤလၢ နအိၣ်ဘှီၣ်ကလာ်ဖဲအဝဲသ့ၣ်မၤဟးဂီၤပှၤဂီၢ်မုၢ်လၢ အတီန့ၢ်လိၤန့ၢ်ဒံးအဝဲသ့ၣ်တဖၣ်အခါန့ၣ်လဲၣ်.

လံာ်ဃဘးကူာ် 1:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 4:11

ပှၤအၢဖိတဖၣ်လၢအမၤသံကွံာ် ပှၤတဂၤလၢအတၢ်ကမၣ်တအိၣ်ဘၣ်ဒီးမံဘၣ်အသးလၢအဟံၣ်ဒၣ်ဝဲအပူၤန့ၣ်, တၢ်ကဘၣ်အီၤနးန့ၢ်အန့ၣ်တက့ၢ်ဆံးဒိၣ်လဲၣ်. ခဲအံၤယကဟ့ၣ်ကၣ်သုလၢသုတၢ်မၤသံအီၤအဃိဒီး တြူာ်ကွံာ်သုလၢဟီၣ်ခိၣ်အမဲာ်ဖံးခိၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

လံာ်စီၤယိၤဘး 15:15

ကွၢ်ကွၢ်, ကစၢ်ယွၤတနာ်ဘၣ်အမူခိၣ်ကလူးတဖၣ်ဒၣ်လဲာ်ဘၣ်. ဒီးအဝဲသ့ၣ်ဒၣ်လဲာ်တကဆှီဘၣ်လၢအမဲာ်ညါဘၣ်.

လံာ်စီၤယိၤဘး 21:7

ကစၢ်ယွၤပျဲပှၤတၢ်ဒဲးဘးဖိတဖၣ်မူဝဲ, သးပှၢ်ထီၣ်ဝဲဒီးဘီၣ် ထီၣ်ညီထီၣ်န့ၣ်ဘၣ်မနုၤလဲၣ်.

လံာ်စီၤယိၤဘး 24:23

ကစၢ်ယွၤမ့ၢ်ပျဲအအိၣ်မူလၢတၢ်ပူၤဖျဲးအပူၤဒၣ်လဲာ်အမဲာ်ကွၢ် စူၣ်အီၤထီဘိန့ၣ်လီၤ.

စံးထီၣ်ပတြၢၤ 10:15

မၤကၢ်ပှၤတတီတလိၤဒီးပှၤမၤတၢ်အၢဖိတဖၣ်အစု, စံၣ်ညီၣ်အဝဲသ့ၣ်လၢ တၢ်ကမၣ်လၢ မၤတ့ၢ်ဝဲအဃိ, တုၤလၢအတမၤလၢၤဝဲနီတစုတက့ၢ်.

စံးထီၣ်ပတြၢၤ 18:26

နကဆှီဝဲလၢပှၤလၢအကဆှီတဖၣ်အဂီၢ်, ဘၣ်ဆၣ်နထီဒုၣ်ဒါပှၤအၢပှၤသီတဖၣ်န့ၣ်လီၤ.

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 35:17

ယွၤဧၢ, မ့ၢ်နကကွၢ်ဒၣ်တၢ်ဒ်အံၤဆံးယံာ်လဲၣ်. မၤပူၤမၤဖျဲးယၤလၢအဝဲသ့ၣ်အတၢ် မၤဟးဂူာ်ဟးဂီၤတၢ်တဖၣ် ဒီးယသးသမူလၢခ့ယုၢ်တဖၣ်န့ၣ်တက့ၢ်.

စံးထီၣ်ပတြၢၤ 35:22

နထံၣ်ဘၣ်တ့ၢ်လံယွၤဧၢ, အိၣ်ဘှီၣ်ကလာ်တဂ့ၤ. ယွၤဧၢ, အိၣ်ယံၤဒီးယၤတဂ့ၤ.

စံးထီၣ်ပတြၢၤ 35:25

တဘၣ်ပျဲအဝဲသ့ၣ်စံးလီၤအသးဒၣ်ဝဲလၢ, “အၣ်ဟါ, ပတၢ်အလိၣ်လၢပှဲၤလံ.” မ်အသုတစံးပယူၢ်လီၤကွံာ်လံအီၤလံန့ၣ်တဂ့ၤ.

စံးထီၣ်ပတြၢၤ 50:21

နမၤတ့ၢ်တၢ်သ့ၣ်တဖၣ်အံၤဒီးယအိၣ်ဃိကလာ်လီၤ. နဆိကမိၣ်လၢယဒ်သိးဒီးနကစၢ်ဒၣ်နဲလီၤ. ဘၣ်ဆၣ်ယသိၣ်ဃီၣ်နၤခဲအံၤ ဒီးပာ်လီၤတၢ်ကမၣ်လၢနမဲာ်ညါလီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

စံးထီၣ်ပတြၢၤ 83:1

ကစၢ်ယွၤဧၢ, အိၣ်ဘှ့ၣ်အိၣ်ဘှီၣ်တဂ့ၤ. အိၣ်ဂၢၢ်တပၢၢ်တဂ့ၤ အိၣ်ဃိကလာ်တဂ့ၤ

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 24:16

လၢတၢ်လီၢ်အယံၤကတၢၢ်တဖၣ်လၢဟီၣ်ခိၣ်ချၢန့ၣ်, ပကနၢ်ဟူဘၣ်တၢ်သးဝံၣ်စံးထီၣ်ပတြၢၤအံၣ်စရ့လးပှၤအတီ အလိၤတကလုာ်အဂ့ၢ်န့ၣ်လီၤ. ဘၣ်ဆၣ်လၢယဂီၢ်န့ၣ်တၢ်မုၢ် လၢ်တအိၣ်ဘၣ်. ယဖှံၣ်လီၤဃဲၤလီၤပှီၢ်ပှီၢ်လီၤ. ပှၤလၢအသးတတီတဖၣ်န့ၣ်, သမၢဒံးဒၣ်တၢ်, ဒီးအဝဲသ့ၣ် သူၣ်တတီသးတလိၤန့ၣ်ယံာ်ထီၣ်အၢထီၣ်ဒီးအၢထီၣ်ဝဲလီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယၡါယၤ 64:12

ယွၤဧၢ, မ့ၢ်နသးတဘၣ်ဒိဘၣ်ထံးလၢတၢ်အံၤအဃိဘၣ်ဧါ. မ့ၢ်နတမၤတၢ်နီတမံၤဒီးဒုးတူၢ်ဘၣ်ပှၤတၢ်အါန့ၢ်ပတူၢ်အီၤ ကဲဒီးသ့တက့ၢ်န့ၣ်ဧါ.

လံာ်သးသယုၢ်တၢ် 3:36

ဖဲတၢ်စံၣ်ညီၣ်တီဘၣ်တၢ်ဘိးကဒါကွံာ်အီၤလၢကွီၢ်ဘျီၣ်ပူၤန့ၣ် အဝဲသ့ၣ်ညါဝဲလီၤ.

လံာ်ဃဘးကူာ် 1:14

နမၤပှၤဂီၢ်မုၢ်ဒ်ညၣ်မ့တမ့ၢ်ဒ်တၢ်ဖိဃၢ်အဖုအဂီၢ် လၢပှၤပၢအီၤဆှၢအီၤတအိၣ်ဘၣ်နီတဂၤအသိးန့ၣ်ကသ့ဒ်လဲၣ်.

လံာ်စကၤရယၤ 8:17

ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

လံာ်သိၣ်လီၤသီလီၤတၢ် 23:15

ကုၢ်တဂၤမ့ၢ်ဃ့ၢ်ထူၣ်ဖျဲးကွံာ်လၢအကစၢ်အအိၣ်, ဒီးဟဲဆူသုအိၣ်လၢတၢ်ကဟုကယာ်အဂီၢ်န့ၣ်, သုတဘၣ်ဆှၢကဒါက့ၤအီၤဘၣ်.