လံာ်ဃဘးကူာ် 1:12 - Sgaw Karen Common Bible

¹² ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်ဃဘးကူာ် 1:12 Iomraidhean Croise

လံာ်တၢ်ကဲထီၣ်အခီၣ်ထံး 21:33

အန့ၣ်ဒီးစီၤအၤဘြၤဟၣ်သူၣ်သ့ၣ်တဖုဖဲဘ့ၢ်ၡဘၤဒီးဘူၣ်ထီၣ်ဘါ ထီၣ်ယွၤ, ကစၢ်ယွၤလီၤထူလီၤယိာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:25

မ့ၢ်နတနၢ်ဟူဘၣ်တ့ၢ်နီတစုလၢ, ယကူၣ်ကျဲၤတ့ၢ်တၢ်အံၤလၢပျၢၤ လံၤလံၤန့ၣ်ဘၣ်ဧါ. ဒီးခဲကနံၣ်အံၤယမၤလၢထီၣ်ပှဲၤထီၣ်အီၤလံ. ယဟ့ၣ်လီၤနၤတၢ်စိတၢ်ကမီၤလၢအကဘိးဃၣ်ကွံာ်ဝ့ၢ်တဖၣ်လၢအဘၣ်တၢ် မၤခၢၣ်သနၢၣ်အီၤဆူတၢ်ဟးဂီၤအပူၣ်တဖၣ်န့ၣ်လီၤ.

စံးထီၣ်ပတြၢၤ 102:24

ကစၢ်ယွၤဧၢ, တချုးလၢယသးပှၢ်ထီၣ်ဒံးဘၣ်န့ၣ် ဟံးထီၣ်ကွံာ်ယၤတဂ့ၤ. ယွၤဧၢ, နမူဝဲလီၤစိၤလီၤထီလီၤ.

စံးထီၣ်ပတြၢၤ 118:17

ယတသံဘၣ်. မ့ၢ်ယကမူဒီး စံၣ်တဲၤတဲလီၤယွၤအတၢ်မၤတဖၣ်လီၤ.

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

စံးထီၣ်ပတြၢၤ 17:13

ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး, မၤနၢၤအဝဲသ့ၣ်န့ၣ်တက့ၢ်. မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ် လၢနနးန့ၣ်တက့ၢ်.

စံးထီၣ်ပတြၢၤ 18:1

ယွၤဧၢ, ယအဲၣ်နၤဆံးဒိၣ်လဲၣ်, နမ့ၢ်ယဂံၢ်ယဘါလီၤ.

စံးထီၣ်ပတြၢၤ 74:12

ကစၢ်ယွၤမ့ၢ်ယစီၤပၤလၢပျၢၤ, လၢအမၤတၢ်အုၣ်က့ၤခီၣ်က့ၤလၢ ထံဧိၤကီၢ်ဧိၤအပူၤလီၤ.

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

စံးထီၣ်ပတြၢၤ 90:2

တချုးလၢကစၢၢ်ကလိအိၣ်ထီၣ်ဒံးဘၣ်, မ့တမ့ၢ်တချုးလၢနဒုးအိၣ်ထီၣ်ဟီၣ်ခိၣ်ဒံးဘၣ်န့ၣ်, နမ့ၢ်ကစၢ်ယွၤအစိၤစိၤအဃၣ်ဃၣ်ဒီး နကမ့ၢ်ဒံးနဲလီၤစိၤထီလီၤ.

စံးထီၣ်ပတြၢၤ 93:2

ယွၤဧၢ, နလီၢ်ပစိာ်အိၣ်ဂၢၢ်ဆိးကျၢၤတ့ၢ်လံလၢ အခီၣ်ထံးလံၤလံၤ ဒီးနအိၣ်တ့ၢ်လံနဲလၢပျၢၤလၢကစၢၤ လီၤထူလီၤယိာ်န့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 37:26

မ့ၢ်နတနၢ်ဟူတ့ၢ်နဲနီတစုလၢယကူၣ်ကျဲၤတၢ်အံၤယံာ်တ့ၢ်လံ န့ၣ်ဘၣ်ဧါ. ဒီးခဲအံၤ, ယမၤထွဲတ့ၢ်အီၤလံ. ယဟ့ၣ်တ့ၢ်နၤတၢ်စိကမီၤလၢနကဒုးကဲထီၣ်ဝ့ၢ်တဖၣ်လၢအအိၣ်ဒီး တိာ်ဧိၤတာ်ဧိၤဆူတၢ်လီၤပှီၢ်ဟးဂီၤအတၢ်ပာ်ဖှိၣ်တဖၣ်န့ၣ်လီၤ.

လံာ်ယၡါယၤ 40:28

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

လံာ်ယၡါယၤ 43:15

ယမ့ၢ်ယွၤ, သုကစၢ်ယွၤစီဆှံတဂၤလီၤ. ကီၢ်အံၣ်စရ့လးဧၢ, ယတ့လီၤပာ်လီၤနၤဒီး ယမ့ၢ်နစီၤပၤလီၤ.”

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 4:27

(ယွၤစံးတ့ၢ်ဝဲလၢဟီၣ်ခိၣ်ဒီဘ့ၣ်ညါကကဲထီၣ်တၢ်လီၢ်အိၣ်သယုၢ်, ဘၣ်ဆၣ်, အဝဲတမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်)

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 5:18

ယွၤစံးဝဲဒၣ်, “လၢမုၢ်နံၤဒ်န့ၣ်အသိးအပူၤတဖၣ်ဒၣ်လဲာ်, ယတမၤ ဟးဂီၤကွံာ်ယပှၤဂီၢ်မုၢ်လၢာ်လၢာ်ဆ့ဆ့ဘၣ်.

လံာ်သးသယုၢ်တၢ် 5:19

မ့မ့ၢ်နဲဒၣ်, ယွၤဧၢ, နမ့ၢ်စီၤပၤအထူအယိာ်, ဒီးကပၢတၢ်အစိၤစိၤအဃၣ်ဃၣ်လီၤ.

လံာ်ယဃ့းစက့လး 30:25

မ့ၢ်လီၤ, ယကမၤစၢ်လီၤကွံာ်အဝဲအဂံၢ်အဘါဒီးမၤဆူၣ်ထီၣ် ကီၢ်ဘၤဘူၤလိၣ်အစီၤပၤအဂံၢ်အဘါန့ၣ်လီၤ. ဖဲယဟ့ၣ်ဃီၤ အီၤယနးဒီးအဝဲယူာ်ဃီၤဝဲဆူကီၢ်အဲၤကူပတူးန့ၣ်, ပှၤကိးဂၤဒဲး ကသ့ၣ်ညါလၢယမ့ၢ်ယွၤန့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

လံာ်ဃဘးကူာ် 3:6

တုၤအအိၣ်ကတီၢ်ဒီးဟီၣ်ခိၣ်ဟူးဝးဝဲ, ကွၢ်ဃီၤတၢ်ဒီးပှၤကလုာ်တဖၣ်ကနိးကစုာ်န့ၣ်လီၤ. ကစၢၢ်ကလိအထူအယိာ်တဖၣ်သ့ၣ်ဖးလီၤကလဲ, တၢ်စိခိၣ်အထူအယိာ်တဖၣ်, တၢ်စိခိၣ်လၢအယီၢ်လီၤတ့ၢ်ဝဲလၢပျၢၤလၢကစၢၤ သ့ၣ်တဖၣ်လီၤယၢၣ်ကွံာ်ဝဲလီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မၤလကံ 3:6

ဒီးယဲဒၣ်အံၤယမ့ၢ်ယွၤ, ဒီးယတကဒံကဒါဘၣ်. မၤသးဒ်န့ၣ်ဒီးသုဝဲ, ပှၤလၢအဟဲလီၤစၢၤလီၤသွဲၣ်လၢစီၤယၤကိာ်သ့ၣ်ဧၢ, သုတတုၤဘၣ်လၢတၢ်ဟးဂူာ်ဟးဂီၤဘၣ်.

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်သိၣ်လီၤသီလီၤတၢ် 33:27

ထီဘိကစၢ်ယွၤမ့ၢ်သုတၢ်အိၣ်တဒၢအလီၢ်, အဝဲအစုတီၤအထူအယိာ်တဖၣ် မ့ၢ်တၢ်လၢအမၤစၢၤသုန့ၣ်လီၤ. အဝဲနီၣ်ထီၣ်ဟီထီၣ်ကွံာ်သုဒုၣ်သုဒါတဖၣ်ဖဲသုလဲၤထီၣ် ဒုးတၢ် ဒီးတဲဘၣ်သုလၢသုကမၤဟးဂီၤကွံာ်အဝဲသ့ၣ်ခဲလၢာ်န့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.