လံာ်တၢ်ကဲထီၣ်အခီၣ်ထံး 9:6 - Sgaw Karen Common Bible

⁶ ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 9:6 Iomraidhean Croise

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

လံာ်တၢ်ကဲထီၣ်အခီၣ်ထံး 42:22

စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်တၢ်ကဲထီၣ်အခီၣ်ထံး 5:1

အအံၤမ့ၢ်တၢ်ကွဲးနီၣ်ဘၣ်ဃးစီၤအၤဒၣ်အစၢၤအသွဲၣ်န့ၣ်လီၤ. (ဖဲကစၢ်ယွၤတ့လီၤပာ်လီၤပှၤဟီၣ်ခိၣ်ဖိန့ၣ်မၤဝဲဒ်အဂီၤဒၣ် ဝဲအသိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:11

ပှၤအၢဖိတဖၣ်လၢအမၤသံကွံာ် ပှၤတဂၤလၢအတၢ်ကမၣ်တအိၣ်ဘၣ်ဒီးမံဘၣ်အသးလၢအဟံၣ်ဒၣ်ဝဲအပူၤန့ၣ်, တၢ်ကဘၣ်အီၤနးန့ၢ်အန့ၣ်တက့ၢ်ဆံးဒိၣ်လဲၣ်. ခဲအံၤယကဟ့ၣ်ကၣ်သုလၢသုတၢ်မၤသံအီၤအဃိဒီး တြူာ်ကွံာ်သုလၢဟီၣ်ခိၣ်အမဲာ်ဖံးခိၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:9

ဘၣ်ဆၣ်ပျဲပူၤကွံာ်အီၤလၢတၢ်စံၣ်ညီၣ်တဂ့ၤ. နသ့ၣ်ညါတၢ်လၢနကဘၣ်မၤအီၤလီၤ. ဒီးနကဘၣ်ကူၣ်ကျဲၤဒ်သိးအဝဲကဘၣ်တၢ်မၤသံအီၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:1

ဖဲစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲဒၣ်လၢအဖိခွါ ဘၣ်တၢ်မၤသံအီၤတဘျီဃီန့ၣ်အဝဲဟ့ၣ်လီၤအကလုၢ်လၢစီၤပၤအဟံၣ် ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:16

အဝဲသ့ၣ်ဖီၣ်န့ၢ်အီၤ, လဲၤကိးအီၤဆူနူၢ်ဧိၤစီၤဧိၤဒီးဖဲ န့ၣ်အဝဲသ့ၣ်မၤသံကွံာ်အီၤလၢကသ့ၣ်လဲၤထီၣ်က့ၤလီၤအကျဲန့ၣ် လီၤ.

လံာ်စီၤပၤခံဘ့ၣ်တဘ့ၣ် 11:20

ကယဲၢ်ပှၤဂီၢ်မုၢ်ခဲလၢာ်ပှဲၤဝဲဒီးတၢ်သူၣ်ဖှံသးညီ, ဒီးဝ့ၢ်န့ၣ်အိၣ်ဘှ့ၣ်အိၣ်ဘှီၣ်ဝဲမ့ၢ်လၢခဲအံၤနီၢ်ပၤမုၣ်ဧသၤလယၤ ဘၣ်တၢ်မၤသံကွံာ်အီၤလၢနူၢ်ပူၤစီၤပူၤလံအဃိန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:24

စီၤအၤမိၣ်အပဒိၣ်ပပှၢ်တဖၣ်ကူၣ်ထီၣ်တၢ်အၢထီဒါအီၤဒီးမၤသံ ကွံာ်အီၤလၢနီအပူၤန့ၣ်လီၤ.

စံးထီၣ်ပတြၢၤ 51:4

ယမၤကမၣ်ဘၣ်တ့ၢ်လံနၤ, ထဲနၤတဂၤဧိၤ, ဒီးမၤတၢ်အၢလၢနမဲာ်ညါလံ. မၤသးဒ်န့ၣ်ဒီး, နမၤတၢ်တီတၢ်လိၤလၢ နတၢ်စံၣ်ညီၣ်ယၤအပူၤ ဒီးတၢ်ပာ်တၢ်ကမၣ်အလီၢ်တအိၣ်လၢ နတၢ်စံၣ်ညီၣ်အပူၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 20:13

မၤသံတၢ်တဂ့ၤ.

တၢ်ကတိၤဒိ. 28:17

ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

လံာ်ပှၤစံၣ်တဲၤတဲလီၤတၢ် 3:3

တၢ်အကတီၢ်လၢတၢ်မၤသံတၢ်အဂီၢ်, ဒီးတၢ်အကတီၢ်လၢတၢ်မၤဘျါက့ၤ တၢ်အဂီၢ်, တၢ်အကတီၢ်လၢတၢ်ဂုၤလီၤပှီၢ်တၢ်အဂီၢ်, ဒီးတၢ်အကတီၢ်လၢတၢ်သူၣ် ထီၣ်ဘှီထီၣ်တၢ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 17:4

လုၢ်သ့ၣ်ခါပတာ်တၢ်သိၣ်တၢ်ဘျၢန့ၣ်လီၤ. အဝဲမ့ၢ်ပှၤတဂၤလၢအဂၢ်လီၤတၢ်သွံၣ်, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 24:17

ဒီးကယဲၢ်ပှၤတဂၤလၢ်လၢ်လၢအမၤသံပှၤတဂၤဂၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 35:16

ဒ်လဲၣ်ဒ်လဲၣ်ဂ့ၤန့ၣ်, ပှၤတဂၤမ့ၢ်သူတၢ်စုကဝဲၤထးမ့ၢ်ဂ့ၤ, လၢၢ်မ့ၢ်ဂ့ၤ, သ့ၣ်မ့ၢ်ဂ့ၤဒ်သိးကမၤသံဘၣ်ပှၤတဂၤဂၤဒီး, အဝဲအတၢ်ကမၣ်အိၣ်လၢအမၤသံတၢ်အဃိ, ဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 35:25

ကမျၢၢ်ဒူၣ်ထၢကဘၣ်အုၣ်က့ၤခီၣ်က့ၤပှၤတဂၤလၢအမၤကမၣ်တၢ်လၢ အမၤသံဘၣ်ပှၤအဃိန့ၣ်, လၢပှၤသံတဂၤအဘူးအတံၢ်အစုပူၤ, ဒီးအဝဲသ့ၣ်ကဘၣ်ဆှၢကဒါက့ၤအီၤဆူဝ့ၢ်တၢ်ပူၤဖျဲးလၢ အဝဲအိၣ်ပူၤဖျဲးအလီၢ်န့ၣ်လီၤ. အဝဲကဘၣ်အိၣ်ဖဲန့ၣ်တုၤလၢ, ပှၤတဂၤလၢဖဲန့ၣ်အခါမ့ၢ်ပှၤလုၢ်တၢ်အခိၣ်အဒိၣ်, သံဝဲတစုန့ၣ်လီၤ.

လံာ်တၢ်ဂံၢ် 35:33

သုမ့ၢ်ပျဲတၢ်အံၤဒီး, သုကမၤဘၣ်အၢကီၢ်လၢသုအိၣ်ဝဲန့ၣ် လီၤ. တၢ်မၤသံတၢ်န့ၣ်မၤဘၣ်အၢကီၢ်ဒီးမ့တမ့ၢ်ဘၣ်လၢပှၤမၤသံတၢ်, သံဝဲဘၣ်ဒီးကျဲတအိၣ်နီတဘိလၢကီၢ်တဘ့ၣ်န့ၣ်အဂီၢ်, ဖဲပှၤတဂၤဘၣ်တၢ်မၤသံအီၤလၢတၢ်ကမၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.

လံာ်မးသဲ 26:52

ယ့ၣ်ၡူးစံးဘၣ်အီၤ, “ပာ်က့ၤနနးလၢအလီၢ်ဒၣ်ဝဲတက့ၢ်. အဂ့ၢ်ဒ်အံၤပှၤလၢအဖီၣ်ထီၣ်နးန့ၣ်ကသံလၢနးခဲလၢာ်လီၤ.

ရိမ့ၤ 13:4

အဂ့ၢ်ဒ်လဲၣ်န့ၣ်, အဝဲမ့ၢ်ကစၢ်ယွၤအခ့အပှၤလၢအမၤတၢ်လၢ သုတၢ်ဂ့ၤအဂီၢ်န့ၣ်လီၤ. ဘၣ်ဆၣ်ဒီး, သုမ့ၢ်မၤတၢ်အၢတၢ်သီဒီး ပျံၤအီၤတက့ၢ်. အဂ့ၢ်ဒ်အံၤအတၢ်စိတၢ်ကမီၤလၢကစံၣ်ညီၣ် တၢ်န့ၣ်မ့ၢ်တၢ်နီၢ်နီၢ်လီၤ. အဝဲဒၣ်မ့ၢ်ကစၢ်ကစၢ်ယွၤအခ့အပှၤ ဒီးဒုးလီၤဘၣ်ယွၤအတၢ်သးထီၣ်လၢပှၤလၢအမၤတၢ်အၢတၢ်သီ တဖၣ်အလိၤလီၤ.

1 ကရံၣ်သူး 11:7

ပှၤပိာ်ခွါတဂၤန့ၣ်အလီၢ်တအိၣ်လၢအကဖၢၣ်ဘၢဃာ်အခိၣ် ဘၣ်. အဂ့ၢ်ဒ်အံၤ, အဝဲဒၣ်မၤဖျါထီၣ်ကဒါက့ၤအကစၢ်ယွၤ အက့ၢ်အဂီၤဒီးအလၤကပီၤန့ၣ်လီၤ. မ့မ့ၢ်, ပိာ်မုၣ်န့ၣ်မၤဖျါက့ၤပိာ်ခွါအလၤကပီၤလီၤ.

လံာ်သိၣ်လီၤသီလီၤတၢ် 19:11

ဘၣ်ဆၣ်ဒီး, ဘၣ်သ့ၣ်သ့ၣ်ပှၤတဂၤကကူၣ်ထီၣ်ဖးလီၤမၤသံ အဒုၣ်အဒါလၢအသွံၣ်ခုၣ်အပူၤ, ဝံၤဒီးကဃ့ၢ်ပူၤဖျဲးအသးဆူ ဝ့ၢ်တဖၣ်န့ၣ်အကျါတဖျၢၣ်လၢတၢ်ဒီဒၣ်အိၣ်ပှိၤအဂီၢ်လီၤ.

လံာ်သိၣ်လီၤသီလီၤတၢ် 5:17

မၤသံတၢ်တဂ့ၤ.

ယၤကိာ် 3:9

ပသူအီၤလၢတၢ်စံးထီၣ်ပတြၢၤပကစၢ်ဒီးပပၢ်, ဒီးပသူစ့ၢ်ကီးအီၤလၢတၢ်ဆိၣ်အၢပပှၤကညီကဒဲကဒဲလၢ အဘၣ်တၢ်တ့လီၤအီၤဒ်ကစၢ်ယွၤအက့ၢ်အဂီၤအသိး န့ၣ်လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်ပှၤစံၣ်ညီၣ်ကွီၢ် 9:56

လၢကျဲဒ်အံၤန့ၣ်, ကစၢ်ယွၤဟ့ၣ်ကၣ်စီၤအဘံၤမ့လ့းလၢအမၤတၢ်ကမၣ်ထီဒါအပၢ် ခီဖျိတၢ်မၤသံကွံာ်အဒီပုၢ်ဝဲၢ်အဂၤနွံဆံအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:33

စီၤၡမူၤအ့လးစံးဝဲ, “ဒ်နနးမၤဘၣ်တ့ၢ်မိၢ်အါအါဂီၢ်ဂီၢ် ဒ်သိးအဖိသုတအိၣ်တဂ့ၤအသိးန့ၣ်ခဲအံၤနမိၢ်ကကဲထီၣ် ပှၤလၢအဖိတအိၣ်ဘၣ်တဂၤန့ၣ်လီၤ.” ဒီးအဝဲကျီတဲာ်ကွံာ်စီၤအၤကးတကူာ်တကူာ်လၢတၢ်လုၢ်လီၢ်အိၣ်လၢ ဝ့ၢ်ကံးလကၤလးအမဲာ်ညါန့ၣ်လီၤ.