လံာ်တၢ်ကဲထီၣ်အခီၣ်ထံး 9:5 - Sgaw Karen Common Bible

⁵ ဒီးကယဲၢ်ပှၤတဂၤလၢ်လၢ်လၢအဟံးန့ၢ်ပှၤအသးသမူန့ၣ်ကဘၣ်တၢ်စံၣ် ညီၣ်အီၤလီၤ. ကယဲၢ်ဆၣ်ဖိကီၢ်ဖိတဒုဒုလၢအဟံးန့ၢ်ပှၤကညီအသးသမူန့ၣ် ယကစံၣ်ညီၣ်အီၤလၢတၢ်သံန့ၣ်လီၤ.

လံာ်တၢ်ကဲထီၣ်အခီၣ်ထံး 9:5 Iomraidhean Croise

လံာ်တၢ်ကဲထီၣ်အခီၣ်ထံး 42:22

စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 4:11

ပှၤအၢဖိတဖၣ်လၢအမၤသံကွံာ် ပှၤတဂၤလၢအတၢ်ကမၣ်တအိၣ်ဘၣ်ဒီးမံဘၣ်အသးလၢအဟံၣ်ဒၣ်ဝဲအပူၤန့ၣ်, တၢ်ကဘၣ်အီၤနးန့ၢ်အန့ၣ်တက့ၢ်ဆံးဒိၣ်လဲၣ်. ခဲအံၤယကဟ့ၣ်ကၣ်သုလၢသုတၢ်မၤသံအီၤအဃိဒီး တြူာ်ကွံာ်သုလၢဟီၣ်ခိၣ်အမဲာ်ဖံးခိၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:6

နသ့ၣ်ညါတၢ်လၢနကဘၣ်မၤန့ၣ်လီၤ. တကြၢးနပျဲအဝဲသံဒ်န့ဆၢၣ် အလုၢ်အလၢ်တမံၤအသိးန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 11:1

ဖဲစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲဒၣ်လၢအဖိခွါ ဘၣ်တၢ်မၤသံအီၤတဘျီဃီန့ၣ်အဝဲဟ့ၣ်လီၤအကလုၢ်လၢစီၤပၤအဟံၣ် ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:22

စီၤပၤသးပ့ၤနီၣ်ကွံာ်စီၤစကၤရယၤအပၢ်စီၤယဟိယဒါအတၢ်သးတီ အတၢ်မၤလၢအဟ့ၣ်တ့ၢ်အီၤ, ဒီးမၢပှၤမၤသံကွံာ်စီၤစကၤရယၤန့ၣ်လီၤ. ဖဲစီၤစကၤရယၤကသံအဆၢန့ၣ်, အဝဲကိးထီၣ်ဝဲ, “မ်ယွၤထံၣ်တၢ်လၢနမၤအီၤဒီးစံၣ်ညီၣ်နၤတ က့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 33:24

စီၤအၤမိၣ်အပဒိၣ်ပပှၢ်တဖၣ်ကူၣ်ထီၣ်တၢ်အၢထီဒါအီၤဒီးမၤသံ ကွံာ်အီၤလၢနီအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:25

ကီၢ်ယူဒၤအပှၤဂီၢ်မုၢ်မၤသံကွံာ်ပှၤတဖၣ်လၢအမၤသံစီၤအၤ မိၣ်, ဒီးဒုးကဲထီၣ်အဖိခွါစီၤယိၤၡံယၤလၢစီၤပၤ န့ၣ်လီၤ.

စံးထီၣ်ပတြၢၤ 9:12

ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

လံာ်တၢ်ဟးထီၣ်ကွံာ် 20:13

မၤသံတၢ်တဂ့ၤ.

လံာ်တၢ်ဟးထီၣ်ကွံာ် 21:12

ပှၤတဂၤလၢ်လၢ်လၢအဒိအတီၢ်ပှၤတဂၤဒီးမၤသံအီၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:16

သုတရၤလီၤတၢ်ကတိၤကဘျံးကဘျၣ်ဘၣ်ဃးပှၤတဂၤလၢ်လၢ်အဂ့ၢ်တဂ့ၤ. ဖဲပှၤတဂၤဂၤဘၣ်ကွၢ်ဆၢၣ်မဲာ်ဒီးကွီၢ်လၢအ သးသမူကပူၤဖျဲးအဂီၢ်န့ၣ်သုတၢ်အုၣ်သးကဘၣ်မ့ၢ်တၢ်မၤစၢၤလၢအဂီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 24:17

ဒီးကယဲၢ်ပှၤတဂၤလၢ်လၢ်လၢအမၤသံပှၤတဂၤဂၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:21

ဒီးပှၤတဂၤလၢ်လၢ်လၢအမၤသံဆၣ်ဖိကီၢ်ဖိတဒုန့ၣ်ကဘၣ်လိးက့ၤဝဲ, မ့မ့ၢ်ပှၤတဂၤ လၢ်လၢ်လၢအမၤသံပှၤကညီန့ၣ်ကဘၣ်တၢ်မၤသံကွံာ်အီၤန့ၣ်လီၤ.

လံာ်တၢ်ဂံၢ် 35:16

ဒ်လဲၣ်ဒ်လဲၣ်ဂ့ၤန့ၣ်, ပှၤတဂၤမ့ၢ်သူတၢ်စုကဝဲၤထးမ့ၢ်ဂ့ၤ, လၢၢ်မ့ၢ်ဂ့ၤ, သ့ၣ်မ့ၢ်ဂ့ၤဒ်သိးကမၤသံဘၣ်ပှၤတဂၤဂၤဒီး, အဝဲအတၢ်ကမၣ်အိၣ်လၢအမၤသံတၢ်အဃိ, ဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 35:21

ပသီတံၢ်အီၤလၢအစုခိၣ်မ့ၢ်ဂ့ၤန့ၣ်ဒီးအဝဲအတၢ်ကမၣ်အိၣ်လၢတၢ် မၤသံတၢ်ဒီးကဘၣ်တၢ်မၤသံကွံာ်အီၤန့ၣ်လီၤ. ပှၤသံတဂၤအဘူးအတံၢ်အဘူးကတၢၢ်အိၣ်ဒီးအမူအဒါလၢကမၤသံကွံာ် ပှၤမၤသံတၢ်န့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံအီၤန့ၣ်လီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 19:11

ဘၣ်ဆၣ်ဒီး, ဘၣ်သ့ၣ်သ့ၣ်ပှၤတဂၤကကူၣ်ထီၣ်ဖးလီၤမၤသံ အဒုၣ်အဒါလၢအသွံၣ်ခုၣ်အပူၤ, ဝံၤဒီးကဃ့ၢ်ပူၤဖျဲးအသးဆူ ဝ့ၢ်တဖၣ်န့ၣ်အကျါတဖျၢၣ်လၢတၢ်ဒီဒၣ်အိၣ်ပှိၤအဂီၢ်လီၤ.

လံာ်သိၣ်လီၤသီလီၤတၢ် 19:12

လၢတၢ်ဂ့ၢ်ဒ်န့ၣ်အသိးအဂီၢ်န့ၣ်, အဝဲအနီၢ်ကစၢ်ဒၣ်ဝဲအဝ့ၢ်အပှၤ ခိၣ်ပှၤနၢ်တဖၣ်ကဘၣ်မၤလိာ်က့ၤအီၤဒီးဟ့ၣ်လီၤအီၤဆူ ဘူးတံၢ်အိၣ်မူအိၣ်ဒါလၢကဟ့ၣ်ကၣ်က့ၤတၢ်မၤသံအဂီၢ်အစုပူၤ, ဒ်သိးအဝဲကဘၣ်တၢ်မၤသံကွံာ်အီၤအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:56

လၢကျဲဒ်အံၤန့ၣ်, ကစၢ်ယွၤဟ့ၣ်ကၣ်စီၤအဘံၤမ့လ့းလၢအမၤတၢ်ကမၣ်ထီဒါအပၢ် ခီဖျိတၢ်မၤသံကွံာ်အဒီပုၢ်ဝဲၢ်အဂၤနွံဆံအဃိန့ၣ်လီၤ.