လံာ်တၢ်ကဲထီၣ်အခီၣ်ထံး 9:3 - Sgaw Karen Common Bible

³ သုအီၣ်အဝဲသ့ၣ်ဒီးတၢ်မဲတၢ်မါအသံကစဲာ်စ့ၢ်ကီးသ့ဝဲန့ၣ် လီၤ. ယဟ့ၣ်လီၤတၢ်န့ၣ်ခဲလၢာ်လၢသုတၢ်အီၣ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:3 Iomraidhean Croise

လံာ်တၢ်ကဲထီၣ်အခီၣ်ထံး 9:2

ကယဲၢ်ဆၣ်ဖိကီၢ်ဖိခဲလၢာ်, ထိၣ်ဖိလံာ်ဖိဒီးဒ့ၣ်ဖိညၣ်ဖိတဖၣ် ကအိၣ်မူလၢတၢ်ပျံၤတၢ်ဖုးသုန့ၣ်လီၤ. အဝဲသ့ၣ်ဘၣ်တၢ်ပာ်အီၤလၢသုတၢ်စိတၢ်ကမီၤအဖီလာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:8

တဘၣ်အီၣ်ဝဲတၢ်ဖံးတၢ်ညၣ်လၢဆၣ်ဖိကီၢ်ဖိလၢအသံဒၣ်ဝဲ မ့တမ့ၢ်ဘၣ်တၢ်မၤသံအီၤလၢတၢ်မံၤလာ်အဒူတဖၣ်န့ၣ်ဘၣ်. ကဒုးကဲထီၣ်အီၤလၢတၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

ရိမ့ၤ 14:14

ဒ်ယအိၣ်လၢကစၢ်ယ့ၣ်ၡူးအပူၤအသိးန့ၣ်, ယသ့ၣ်ညါလီၤတံၢ်လၢတၢ်အီၣ်လၢအတကဆှီဒၣ်အတၢ်တအိၣ်နီ တမံၤဘၣ်. ဘၣ်ဆၣ်ဒီး, တုၤပှၤတဂၤနာ်ဝဲလၢတၢ်တမံၤမံၤအံၤ တကဆှီဘၣ်ဒီး, တၢ်တမံၤန့ၣ်ကဲထီၣ်တၢ်တကဆှီဘၣ်လၢအဝဲဒၣ် အဂီၢ်န့ၣ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 14:20

လၢတၢ်အီၣ်အဃိန့ၣ်, တဘၣ်မၤဟးဂီၤတၢ်လၢကစၢ်ယွၤမၤတ့ၢ် လံဝဲန့ၣ်တဂ့ၤ. တၢ်အီၣ်ခဲလၢာ်ကဆှီဝဲဒီးပအီၣ်သ့လီၤ. ဘၣ်ဆၣ်ဒီး ပအီၣ်တၢ်တမံၤဂ့ၤတမံၤဂ့ၤမ့ၢ်ကဲထီၣ်တၢ်ဒဲးဘးလၢပှၤအဂၤ တဂၤအဂီၢ်ဒီးမ့ၢ်တၢ်လၢအကမၣ်န့ၣ်လီၤ.

ရိမ့ၤ 14:3

ပှၤတဂၤလၢကအီၣ်တၢ်ကိးမံၤဒဲးန့ၣ်, မ်အသုတကွၢ်တလီၤပှၤလၢအတအီၣ်တၢ်န့ၣ်တဂ့ၤ. ဒီးပှၤလၢအအီၣ်ထဲတၢ်ဒိးတၢ်လၣ်တဂၤန့ၣ်, မ်အသုတစံၣ်ညီၣ် ပှၤလၢအအီၣ်တၢ်ခဲလၢာ်တဂၤန့ၣ်တဂ့ၤ. အဂ့ၢ်ဒ်အံၤ, ကစၢ်ယွၤတူၢ်လိာ်တ့ၢ်လံအီၤလံ.

1 ကရံၣ်သူး 10:23

“တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ,” အဝဲသ့ၣ်စံးဝဲဒ်န့ၣ်, ဒီးမ့ၢ်ဝဲတီဝဲလီၤ. ဘၣ်ဆၣ်ဒီးတၢ်ခဲလၢာ်ခဲဆ့တမ့ၢ်တၢ်လၢအဂ့ၤဘၣ်. “တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ.” ဘၣ်ဆၣ်ဒီးတၢ်ကိးမံၤဒဲးတအိၣ်ဒီးအဘျုးအဖှိၣ်ဘၣ်.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

လံာ်သိၣ်လီၤသီလီၤတၢ် 12:15

ဘၣ်ဆၣ်ဒီးသုအိၣ်ဒီးတၢ်သဘျ့လၢသုကမၤသံဒီးအီၣ်သု ဆၣ်ဖိကီၢ်ဖိတဖၣ်ဖဲသုအိၣ်သုဆိးတပူၤလၢ်လၢ်န့ၣ်လီၤ. သုကအီၣ်ဘၣ်အီၤအါထဲသိးယွၤဟ့ၣ်သုန့ၣ်လီၤ. သုဝဲခဲလၢာ်, ဒ်တၢ်ဘူၣ်တၢ်ဘါအလုၢ်အလၢ်အသိးပှၤကဆှီမ့ၢ်ဂ့ၤ, ပှၤတကဆှီဘၣ်မ့ၢ်ဂ့ၤကအီၣ်အီၤဒ်သိးဒၣ်သုကအီၣ်တၤဃီၤမ့ၢ်ဂ့ၤ, တၤယုၢ်မ့ၢ်ဂ့ၤအညၣ်န့ၣ်လီၤ.

ကလီးစဲ 2:16

လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.