လံာ်တၢ်ကဲထီၣ်အခီၣ်ထံး 9:27 - Sgaw Karen Common Bible

²⁷ မ်ကစၢ်ယွၤဒုးအိၣ်ထီၣ်တၢ်ဘၣ်ဘျုးအါထီၣ်လၢစီၤယ့ဖ့းသး အဂီၢ်တက့ၢ်. မ်အစၢၤအသွဲၣ်ကအိၣ်မူသကိးဒီးစီၤၡ့ၣ်အပှၤဂီၢ်မုၢ်န့ၣ်တက့ၢ်. စီၤကနၤဧၣ်ကမ့ၢ်စီၤယ့ဖ့းသးအကုၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 9:27 Iomraidhean Croise

လံာ်တၢ်ကဲထီၣ်အခီၣ်ထံး 10:2

ဒီးစီၤယ့းဖ့းသးအစၢၤအသွဲၣ်တဖၣ်န့ၣ်မ့ၢ်ဝဲ စီၤကိမၢၤ, စီၤမါကူး, စီၤမၤဒဲ, စီၤယၤဝၣ်, စီၤတူၤဘလး, စီၤမ့ၤၡ့းဒီးစီၤတံရ့းန့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ် လၢပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်တၢ်ကဲထီၣ်အခီၣ်ထံး 9:28

ထံလုၣ်ဘၢတၢ်ဝံၤအလီၢ်ခံန့ၣ်စီၤနိအၤအိၣ်မူဝဲအနံၣ်သၢကယၤ ယဲၢ်ဆံ,

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ဟိၤၡ့ 2:14

လၢတၢ်န့ၣ်အဃိ, ယကက့ၤကိးကဒါက့ၤကဒီးအီၤဆူပှၢ်မုၢ်ကနၢ အပူၤန့ၣ်လီၤ. ဖဲန့ၣ်ယကမၤန့ၢ်ကဒါက့ၤအီၤလၢတၢ်အဲၣ်တၢ်ကွံအတၢ်ကတိၤတဖၣ် န့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

မၤတၢ် 17:14

တဘျီဃီဖဲန့ၣ်, ပှၤစူၢ်က့ၤနာ်က့ၤတၢ်တဖၣ်ဆှၢစီၤပီလူးဒီးပှၤ အဂၤတနီၤဆူပီၣ်လဲၣ်ကၢၢ်နံၤ, မ့မ့ၢ်စီၤစံလၤဒီးစီၤတံၤမသ့းခံဂၤလၢာ်အိၣ်တ့ၢ်ဝဲဖဲ ဝ့ၢ်ဘ့းရံၤန့ၣ်လီၤ.

ရိမ့ၤ 11:12

ပှၤယူဒၤဖိတဖၣ်အတၢ်ဒဲးဘးဟဲစိာ်တၢ်ဆိၣ်ဂ့ၤအထူး အတီၤတဖၣ်ဆူဟီၣ်ခိၣ်ချၢ, ဒီးအဝဲသ့ၣ်အတၢ်ဖှီၣ်တၢ်ယာ်လၢသူၣ်လၢသးဟဲစိာ်တၢ်ဆိၣ်ဂ့ၤ အထူးအတီၤတဖၣ်ဆူပှၤကလုာ်ဂၤတဖၣ်အအိၣ်န့ၣ်လီၤ. မ့မ့ၢ်ဒ်န့ၣ်ဒီး, ပှၤယူဒၤဖိတဖၣ်မ့ၢ်တုၤက့ၤလၢတၢ်အုၣ်က့ၤခီၣ်က့ၤခဲလၢာ်ဒီး ကကဲထီၣ်တၢ်ဆိၣ်ဂ့ၤအါန့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 15:12

ဒီးမၤကဒီးတစု, ဝံယၡါယၤစံးဝဲ, စီၤယံးၡဲအစၢၤအသွဲၣ်ကဟဲတဂၤ, ယွၤကဒုးဂဲၤဆၢထၢၣ်အီၤလၢ ကပၢပှၤကလုာ်ဂၤတဖၣ်အဂီၢ်, ဒီးအဝဲသ့ၣ်ကပာ်အတၢ်မုၢ်လၢ်လၢအပူၤလီၤ.

အ့းဖ့းစူး 2:19

လၢတၢ်န့ၣ်အဃိ, သုဝဲလၢအမ့ၢ်ပှၤကလုာ်အဂၤတဖၣ်န့ၣ် သုတမ့ၢ်ပှၤတခီထံတခီကီၢ်ဖိဒီးပှၤသမှံၤတဖၣ်လၢၤဘၣ်. မ့မ့ၢ်သုမ့ၢ်ပှၤထံဖိကီၢ်ဖိသကိးဒီးကစၢ်ယွၤအပှၤဂီၢ်မုၢ်ဒီး ကစၢ်ယွၤအဒူၣ်ဖိထၢဖိတဖၣ်န့ၣ်လီၤ.

အ့းဖ့းစူး 3:13

လၢတၢ်န့ၣ်အဃိ, ယဃ့ကညးသုဒ်သိးသုသးအသု တဟးဂီၤလၢယတူၢ်တၢ်လၢသုခၢၣ်စးအဃိန့ၣ်တဂ့ၤ. တၢ်ခဲလၢာ်မ့ၢ်ဒၣ်လၢသုတၢ်န့ၢ်ဘျုးန့ၢ်ဖှိၣ်အဂီၢ်လီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.