လံာ်တၢ်ကဲထီၣ်အခီၣ်ထံး 9:25 - Sgaw Karen Common Bible

²⁵ အဝဲစံး, “တၢ်ဆိၣ်အၢအိၣ်လၢစီၤကနၤဧၣ်အလိၤလီၤ. အဝဲကကဲထီၣ်အဒီပုၢ်ဝဲၢ်ခွါတဖၣ်အကုၢ်လီၤ.

လံာ်တၢ်ကဲထီၣ်အခီၣ်ထံး 9:25 Iomraidhean Croise

လံာ်တၢ်ကဲထီၣ်အခီၣ်ထံး 3:14

တုၤနုၤတစုယွၤ, ကစၢ်ယွၤစံးဘၣ်ဂုၢ်, “နကဘၣ်တၢ်စံၣ်ညီၣ်လၢ နမၤတၢ်အံၤအဃိလီၤ. လၢကယဲၢ်ဆၣ်ဖိကီၢ်ဖိအကျါန့ၣ်, ထဲနၤဧိၤန့ၣ်, နကဘၣ်တူၢ်တၢ်ဆိၣ်အၢအံၤလီၤ. တုၤအံၤဆူညါနကဘၣ်စွါလၢနဟၢဖၢဒီးနကဘၣ်အီၣ်ဟီၣ်ခိၣ်အကမူၣ် တစိၤနသးသမူန့ၣ်လီၤ.

လံာ်တၢ်ကဲထီၣ်အခီၣ်ထံး 4:11

နဘၣ်တၢ်ပာ်နၤလၢတၢ်ဆိၣ်အၢအဖီလာ်ဒီးနသူၣ်နဖျးတၢ်လၢဟီၣ်ခိၣ် တသ့လၢၤဘၣ်န့ၣ်လီၤ. တၢ်လီၤဂာ်ဒ်ဟီၣ်ခိၣ်အိးထီၣ်အထးခိၣ်လၢကတူၢ်လိာ်ယူၢ်လီၤနပုၢ် အသွံၣ်ဖဲနမၤသံအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 49:7

မ်တၢ်ဆိၣ်အၢတမံၤကလီၤဘၣ်အဝဲသ့ၣ်အတၢ်သူၣ်ဒိၣ်သးဖျိးတက့ၢ်. အဂ့ၢ်ဒ်အံၤ, အတၢ်သူၣ်ဒိၣ်သးဖျိးန့ၣ်, လီၤပျံၤလီၤဖုးဒိၣ်မးလီၤ. မ်တၢ်ဆိၣ်အၢကအိၣ်လၢအဝဲသ့ၣ်အတၢ်သးဒိၣ်တပျုာ်တပျီၤအလိၤတ က့ၢ်. အဂ့ၢ်ဒ်အံၤ, အၢဝဲသီဝဲဒိၣ်မးလီၤ. ယကရၤလီၤအဝဲသ့ၣ်လၢကီၢ်အံၣ်စရ့လးဒီကီၢ်ညါလီၤ. ယကမၤလီၤပြံလီၤပြါအဝဲသ့ၣ်လၢအပှၤဂီၢ်မုၢ်တဖၣ်အကျါန့ၣ် လီၤ.

လံာ်တၢ်ကဲထီၣ်အခီၣ်ထံး 9:18

စီၤနိအၤအဖိခွါတဖၣ်လၢအဟးထီၣ်လၢကဘီပူၤန့ၣ်မ့ၢ်ဝဲ စီၤၡ့ၣ်, စီၤဃၣ်ဒီးစီၤယ့ဖ့းသးတဖၣ်လီၤ. (စီၤဃၣ်န့ၣ်မ့ၢ်စီၤကနၤဧၣ်အပၢ်န့ၣ်လီၤ.)

လံာ်တၢ်ကဲထီၣ်အခီၣ်ထံး 9:22

ဖဲစီၤကနၤဧၣ်အပၢ်စီၤဃၣ်ထံၣ်ဝဲလၢအပၢ်အိၣ်ဘ့ၣ်ဆ့န့ၣ်အဝဲဟး ထီၣ်ကွံာ်ဝဲဒီးတဲဘၣ်အဒီပုၢ်ဝဲၢ်ခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 9:24

ဒီးတုၤစီၤနိအၤပၢၢ်ထီၣ်က့ၤလၢအတၢ်မူၤသံးဒီးသ့ၣ်ညါဝဲ တၢ်လၢအဖိခွါအဆံးကတၢၢ်မၤအီၤဒ်လဲၣ်န့ၣ်ဒီး,

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်ယိၤဟၣ် 8:34

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်သုတီတီလိၤလိၤလီၤ. ပှၤတဂၤလၢ်လၢ်လၢအမၤတၢ်ဒဲးဘးန့ၣ်, မ့ၢ်တၢ်ဒဲးဘးအကုၢ် အပှၤလီၤ.”

လံာ်သိၣ်လီၤသီလီၤတၢ် 27:16

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 28:18

ယွၤကဆိၣ်အၢသုခီဖျိဟ့ၣ်သုလၢဖိတဖၣ်ထဲစှၤဂၤ, တၢ်မုၢ်တၢ်ဘိ, တၤသူတၤသၣ်ထဲတဆံးတက့ၢ်ဒီးဂီၤဘုၣ်ဂီၤဖံး ဒီးသိထဲစှၤကိာ်ဧိၤန့ၣ်လီၤ.

လံာ်စီၤယိၤၡူ 9:23

မ့ၢ်လၢသုမၤတၢ်ဒ်အံၤအဃိ, သုဘၣ်တၢ်ဆိၣ်အၢဒီးသုကမ့ၢ်ဒၣ်ကုၢ်ထီဘိဒီးသုကဘၣ်ကျီ သ့ၣ်မုၣ်ဒီးဒၢၣ်ထံလၢယကစၢ်ယွၤအဟံၣ်အဂီၢ်န့ၣ်လီၤ.”

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.