လံာ်တၢ်ကဲထီၣ်အခီၣ်ထံး 9:1 - Sgaw Karen Common Bible

¹ ကစၢ်ယွၤဆိၣ်ဂ့ၤစီၤနိအၤဒီးအဖိခွါတဖၣ်ဒီးစံးဝဲ, “အိၣ်ဒီးသုဖိသုလံၤအါဂၤဒ်သိးသုစၢၤသုသွဲၣ်တဖၣ်ကအိၣ် မူအိၣ်ဂဲၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

လံာ်တၢ်ကဲထီၣ်အခီၣ်ထံး 9:1 Iomraidhean Croise

လံာ်တၢ်ကဲထီၣ်အခီၣ်ထံး 1:22

ဒီးကစၢ်ယွၤဆိၣ်ဂ့ၤအဝဲသ့ၣ်ခဲလၢာ်ဒီးတဲဘၣ်တၢ်ဘၣ်တ့တဖၣ်လၢအမူဟူးဂဲၤ လၢထံကျါဒ်သိးကဖှံလီၤဖးထီၣ်အါထီၣ်လၢကမၤပှဲၤပီၣ်လဲၣ်, ဒီးတဲဘၣ်ထိၣ်ဧိၤလံာ်ဧိၤလၢကအါထီၣ်လၢအနီၣ်ဂံၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:28

ဆိၣ်ဂ့ၤအဝဲသ့ၣ်, ဒီးစံးဝဲဒၣ်, “မ်သုထီၣ်ဖိအါအါဂီၢ်ဂီၢ်, ဒ်သိးသုစၢၤသုသွဲၣ်တဖၣ် ကအိၣ်မူလၢဟီၣ်ခိၣ်ဒီဖျၢၣ်ညါအချၢဒီး ပၢဘၣ်အီၤတက့ၢ်. ယပာ်သုဒ်ပှၤလၢအကပၢဘၣ်ဒ့ၣ်ဧိၤညၣ်ဧိၤ, ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 10:32

ကယဲၢ်ပှၤဂီၢ်မုၢ်ခဲလၢာ်အံၤမ့ၢ်စီၤနိအၤအစၢၤအသွဲၣ်တဖၣ်, တကလုာ်ဘၣ်တကလုာ်ဒ်အတၢ်လီၤစၢၤလီၤဆီလိာ်အသးဒၣ်ဝဲအသိးန့ၣ်လီၤ. ထံလုၣ်ဘၢတၢ်ဝံၤအလီၢ်ခံကယဲၢ်ပှၤကလုာ်ခဲ လၢာ်လၢဟီၣ်ခိၣ်ချၢန့ၣ်မ့ၢ်ပှၤလီၤစၢၤလၢစီၤနိအၤအဖိခွါ တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 2:3

အဝဲဆိၣ်ဂ့ၤတ့ၢ်မုၢ်နွံနံၤတနံၤဒီးပာ်လီၤဆီဝဲဒ်အမ့ၢ်မုၢ်နံၤလီၤဆီတနံၤအသိးလီၤ. အဂ့ၢ်ဒ်အံၤ, တုၤမုၢ်နံၤအဝဲန့ၣ်န့ၣ်, အဝဲမၤဝံၤကွံာ်အတၢ်တ့လီၤပာ်လီၤဒီးဆိကတီၢ်လၢအတၢ်မၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:60

ဒီးအဝဲသ့ၣ်ဆိၣ်ဂ့ၤနီၢ်ရံးဘကၤ လၢတၢ်ကတိၤတဖၣ်အံၤလီၤ. “နဲဒၣ်ပဒီပုၢ်ဝဲၢ်မုၣ်ဧၢ, မ်နကကဲထီၣ်ပှၤအကကွဲၢ်တဖၣ်အမိၢ်တက့ၢ်. မ်နစၢၤနသွဲၣ်တဖၣ်မၤန့ၢ်မၤနၢၤအဒုၣ်အဒါတဖၣ်အဝ့ၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 8:17

ဟံးထီၣ်ကယဲၢ်ထိၣ်ဧိၤလံာ်ဧိၤဒီးဆၣ်ဖိကီၢ်ဖိခဲလၢာ်ဃုာ်ဒီး နၤဒ်သိးကလိၣ်ထီၣ်ဖးထီၣ်ဒီးရၤလီၤအသးလၢဟီၣ်ခိၣ်ဒီဘ့ၣ် န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 9:19

စီၤနိအၤအဖိခွါသၢဂၤအံၤမ့ၢ်ကယဲၢ်ပှၤဟီၣ်ခိၣ်ဖိခဲလၢာ် အပၢ်လၢပျၢၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:2

ကယဲၢ်ဆၣ်ဖိကီၢ်ဖိခဲလၢာ်, ထိၣ်ဖိလံာ်ဖိဒီးဒ့ၣ်ဖိညၣ်ဖိတဖၣ် ကအိၣ်မူလၢတၢ်ပျံၤတၢ်ဖုးသုန့ၣ်လီၤ. အဝဲသ့ၣ်ဘၣ်တၢ်ပာ်အီၤလၢသုတၢ်စိတၢ်ကမီၤအဖီလာ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:7

သုကဘၣ်အိၣ်ဒီးသုဖိသုလံၤအါအါဂီၢ်ဂီၢ်ဒ်သိးသုစၢၤသု သွဲၣ်တဖၣ်ကအိၣ်မူလၢဟီၣ်ခိၣ်ဒီဘ့ၣ်ညါန့ၣ်လီၤ.”

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.