လံာ်တၢ်ကဲထီၣ်အခီၣ်ထံး 8:4 - Sgaw Karen Common Bible

⁴ ဒီးလၢလါနွံလါတလါ, ထီၣ်တဆံနွံသီတသီအနံၤန့ၣ်ကဘီအိၣ် ထီၣ်ထီတ့ၢ်လၢကစၢၢ်အရၤရးအလူၢ်အလိၤန့ၣ်လီၤ.

လံာ်တၢ်ကဲထီၣ်အခီၣ်ထံး 8:4 Iomraidhean Croise

လံာ်တၢ်ကဲထီၣ်အခီၣ်ထံး 7:20

ဒီးထံထီၣ်ဝဲဆူညါတုၤအကစီၤထီၣ်ဝဲလၢကစၢၢ်တဖၣ်အဒီ ခိၣ်တဆံယဲၢ်ပျၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 8:5

ထံလီၤက့ၤဝဲပှီၢ်ပှီၢ်ဒီးလၢတဆံလါတလါထီၣ်အခီၣ်ထံးတသီ အနံၤန့ၣ်ကစၢၢ်အစိခိၣ်တဖၣ်အိၣ်ဖျါထီၣ်ဝဲဒၣ်လီၤ.

လံာ်စီၤပၤခံဘ့ၣ်တဘ့ၣ် 19:37

ဘၣ်မုၢ်တနံၤဖဲအဝဲဘူၣ်တၢ်ဘါတၢ်လၢအကစၢ်နံစရိးအတၢ်လုၢ်ဟံၣ် အပူၤအခါန့ၣ်အဖိခွါခံဂၤလၢအမ့ၢ်စီၤအဒြၤမ့လ့းဒီးစီၤ ၡၢ်အ့စ့ၢ်တဖၣ်မၤသံကွံာ်အီၤလၢအဝဲသ့ၣ်အနးတဖၣ်, ဝံၤဃ့ၢ်ပူၤဖျဲးကွံာ်အသးဆူကီၢ်အရၤရးန့ၣ်လီၤ. အဝဲအဖိခွါတဖၣ်အဂၤတဂၤလၢအမ့ၢ်စီၤအ့ၤစၢ်ဃးဒိၣ်ကဲထီၣ်စီၤ ပၤဖးဒိၣ်လၢအဝဲအလီၢ်န့ၣ်လီၤ.

လံာ်ယၡါယၤ 37:38

ဘၣ်တနံၤဖဲအဝဲဘူၣ်တၢ်ဘါတၢ်လၢအကစၢ်နံးစရိးအတၢ် လုၢ်ဟံၣ်ပူၤအဖၢမုၢ်ဒီးအဖိခွါခံဂၤလၢအမ့ၢ်ဝဲစီၤအဒြၤမ့ၤလးဒီးစီၤ ၡၢ်အ့စ့ၢ်, မၤသံကွံာ်အီၤလၢအဝဲသ့ၣ်အနးတဖၣ်, ဒီးဃ့ၢ်ပူၤဖျဲးကွံာ်ဆူ ကီၢ်အရၤရးန့ၣ်လီၤ. အဖိခွါအဂၤတဂၤလၢအမ့ၢ်ဝဲစီၤအ့ၤစၢ်ဃးဒိၣ် ကဲထီၣ်စီၤပၤဖးဒိၣ်လၢအလီၢ်န့ၣ်လီၤ.

လံာ်ယံးရမံယၤ 51:27

ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.