လံာ်တၢ်ကဲထီၣ်အခီၣ်ထံး 8:22 - Sgaw Karen Common Bible

²² ဟီၣ်ခိၣ်အိၣ်ဂၢၢ်ကျၢၤဒံးဝဲအကတီၢ်ပူၤန့ၣ်, တၢ်သူၣ်လီၤဖျးလီၤဒီးတၢ်ကူးဘုအကတီၢ်ကအိၣ်ဝဲလီၤ. တၢ်ခုၣ်ဒီးတၢ်ကိၢ်, တၢ်ကိၢ်ခါအကတီၢ်ဒီးတၢ်ဂိၢ်ခါအကတီၢ်, မုၢ်နံၤဒီးမုၢ်နၤကအိၣ်ဝဲတဘိယူၢ်ဃီလီၤ.”

လံာ်တၢ်ကဲထီၣ်အခီၣ်ထံး 8:22 Iomraidhean Croise

လံာ်တၢ်ကဲထီၣ်အခီၣ်ထံး 45:6

ခဲအံၤမ့ၢ်ဒံးဒၣ်ခံနံၣ်တနံၣ်လၢတၢ်သၣ်ဝံၤလီၤဒိမၤအသးလၢ ထံကီၢ်အံၤအပူၤလီၤ. ကအိၣ်ဒံးဝဲဆူမဲာ်ညါယဲၢ်နံၣ်လၢတၢ်ထဲၣ်တၢ်မ့ၢ်ဂ့ၤ, တၢ်ကူးတၢ်မ့ၢ်ဂ့ၤတအိၣ်ဘၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 34:21

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးဖဲထူစံာ်မ့ၢ်ဂ့ၤကူးဘုမ့ၢ်ဂ့ၤအကတီၢ်ဒၣ်လဲာ်န့ၣ် မၤတၢ်လၢနွံသီတသီန့ၣ်တဂ့ၤ.

လံာ်ယံးရမံယၤ 31:35

ယွၤဟ့ၣ်မုၢ်လၢကကပီၤထီၣ်လၢ မုၢ်ဆါခီ, ဒီးလါဒီး ဆၣ်တဖၣ်လၢ ကကပီၤထီၣ်လၢ မုၢ်နၤန့ၣ်လီၤ. အဝဲထိၣ်ဂဲၤထီၣ်ပီၣ်လဲၣ်ဒီး ဒုးသီၣ်ထီၣ်အလပီတဖၣ်ရုၢ်ရုၢ်လီၤ. အဝဲအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ.

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

ယၤကိာ် 5:7

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.