လံာ်တၢ်ကဲထီၣ်အခီၣ်ထံး 8:21 - Sgaw Karen Common Bible

²¹ တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်တၢ်ကဲထီၣ်အခီၣ်ထံး 8:21 Iomraidhean Croise

လံာ်တၢ်ကဲထီၣ်အခီၣ်ထံး 3:17

ဒီးအဝဲစံးဘၣ်ပိာ်ခွါန့ၣ်, “နဒိကနၣ်နမါအကလုၢ်ဒီးအီၣ်သ့ၣ် သၣ်လၢယမၤလိာ်နၤအီၣ်အီၤတဂ့ၤန့ၣ်လီၤ. မ့ၢ်လၢနမၤတ့ၢ်တၢ်အံၤအဃိဟီၣ်ခိၣ်ကအိၣ်လၢတၢ်ဆိၣ်အၢတမံၤအဖီလာ်လီၤ. နကဘၣ်မၤတၢ်ဆူၣ်ဆူၣ်တစိၤနသးဒ်သိးနကမၤန့ၢ်တၢ်အီၣ်လၢလၢလီၣ်လီၣ်လၢအပူၤ, လၢနဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 4:12

နမ့ၢ်ဂုာ်ကျဲးစၢးသူၣ်လီၤတၢ်မုၢ်တၢ်ဘိတဖၣ်ဘၣ်ဆၣ်ဒီးဟီၣ်ခိၣ် တဟ့ၣ်ထီၣ်တၢ်နီတမံၤဘၣ်. နကကဲထီၣ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢန့ၣ် လီၤ.”

လံာ်တၢ်ကဲထီၣ်အခီၣ်ထံး 5:29

ဒီးစံးဝဲဒၣ်, “ဖိသၣ်အံၤကဟဲစိာ်န့ၢ်ပှၤတၢ်ထူၣ်ဖျဲးလၢ ကယဲၢ်ပတၢ်မၤအကီအခဲလၢဟီၣ်ခိၣ်လၢယွၤပာ်တၢ်ဆိၣ်အၢတမံၤအဖီခိၣ် န့ၣ်လီၤ.” လၢတၢ်န့ၣ်အဃိယုၢ်န့ၢ်ဝဲအမံၤလၢစီၤနိအၤန့ၣ် လီၤ.

လံာ်တၢ်ကဲထီၣ်အခီၣ်ထံး 6:13

ဒီးကစၢ်ယွၤစံးဘၣ်စီၤနိအၤ, “ယပာ်လီၤလံယသးလၢယကမၤဟးဂီၤ ကွံာ်ကယဲၢ်ပှၤဟီၣ်ခိၣ်ဖိခဲလၢာ်န့ၣ်လီၤ. ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့လီၤ. အဂ့ၢ်ဒ်အံၤ, ဟီၣ်ခိၣ်အံၤပှဲၤဝဲဒီးအဝဲသ့ၣ်အစုဆူၣ်ခီၣ်တကးအတၢ်မၤ တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:17

ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်တၢ်ကဲထီၣ်အခီၣ်ထံး 6:7

တုၤဒၣ်လဲာ်အစံးဝဲ, “ယကတြူာ်ကွံာ်ပှၤဂီၢ်မုၢ်အံၤလၢယတ့ လီၤတ့ၢ်အီၤ, ဒီးဆၣ်ဖိကီၢ်ဖိဒီးထိၣ်ဖိလံၣ်ဖိသ့ၣ်တဖၣ်စ့ၢ်ကီးန့ၣ်လီၤ. အဂ့ၢ်ဒ်အံၤ, ယသးအုးလၢယတ့လီၤအဝဲသ့ၣ်တဂၤလၢ်လၢ်အဃိန့ၣ်လီၤ.”

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

စံးထီၣ်ပတြၢၤ 58:3

ပှၤတတီတလိၤလဲၤကမၣ်တၢ်လၢအမိၢ်ဒၢလီၢ်အပူၤ, အဝဲသ့ၣ်မၤကမၣ်တၢ်ဒီးကတိၤကဘျံးကဘျၣ် တၢ်လၢအအိၣ်ဖျဲၣ်လံၤလံၤန့ၣ်လီၤ.

စံးထီၣ်ပတြၢၤ 58:4

အဝဲသ့ၣ်အစုၣ်လီၤဂာ်ဒ် ဂုၢ်သ့ၣ်တဖၣ်လၢအအိၣ်ဒီးအစုၣ် မၤအသးလီၤဂာ်ဒီးဂုၢ်သီ လၢအနၢ်တအၢ, ဆွံတံာ်အနၢ်ပူၤ,

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်တၢ်ဟးထီၣ်ကွံာ် 29:25

အန့ၣ်ဝံၤဒီးဟံးန့ၢ်တၢ်တဖၣ်အံၤလၢအဝဲသ့ၣ်အအိၣ်ဒီးဆူးကဲၤ ထီၣ်အီၤလၢတၢ်လုၢ်လီၢ်အဖီခိၣ်, ပာ်အီၤလၢတၢ်လုၢ်မ့ၣ်အူ ခဲလၢာ်အဖီခိၣ်ဒ်တၢ်လုၢ်တၢ်အီၣ်တမံၤလၢယဂီၢ်တက့ၢ်. တၢ်လုၢ်အံၤအတၢ်နၢမူမၤမုာ်ယသးလီၤ.

တၢ်ကတိၤဒိ. 20:9

မ့ၢ်ပှၤတဂၤစံးတီတီလၢ, အသးလၢအသ့ၣ်ညါဒၣ်တၢ်လၢအဂ့ၤန့ၣ် ကဆှီလံဒီးအဝဲတြူာ်ကွံာ်လံအတၢ်ဒဲးဘးလံန့ၣ်ကသ့ဧါ.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ယၡါယၤ 47:12

ပၢၤဃာ်ကယဲၢ်နတၢ်မၤကဒါပှၤအမဲာ်, ဒီးနတၢ်အူတၢ်သမူတၢ်တဖၣ်တက့ၢ်. နသူတ့ၢ်တၢ်တဖၣ်န့ၣ်စးထီၣ်လၢနသးစၢ်အကတီၢ်လံၤလံၤန့ၣ်လီၤ. ဘၣ်သ့ၣ်သ့ၣ်, တၢ်တဖၣ်န့ၣ်ကမ့ၢ်တၢ်မၤစၢၤလၢနဂီၢ်တနီၤနီၤဒီး နမၤပျံၤမၤဖုးနဒုၣ်နဒါတဖၣ်ကသ့န့ၣ်လီၤ.

လံာ်ယၡါယၤ 47:15

တၢ်န့ၣ်ကမ့ၢ်ကယဲၢ်တၢ်အဂ့ၤလၢအဝဲသ့ၣ်မၤဘၣ်နၤ, ပှၤဖးဆၣ်ဧိၤဖီဧိၤတဖၣ်လၢနကူၣ်လိာ်တ့ၢ်တၢ် ဒီးအီၤလၢနသးသမူဒီစိၤန့ၣ်လီၤ. အဝဲသ့ၣ်ခဲလၢာ်ကလဲၤသဒၣ်နၤဒီးကလဲၤဝဲ လၢအကျဲဒၣ်ဝဲ ဒီးပှၤကအုၣ်က့ၤခီၣ်က့ၤနၤတအိၣ်တီၢ် နီတဂၤလၢၤဘၣ်.”

လံာ်ယၡါယၤ 48:8

ယသ့ၣ်ညါတ့ၢ်လၢတၢ်နာ်န့ၢ်သုတသ့ဘၣ်. သုဘၣ်တၢ်သ့ၣ်ညါတ့ၢ်သုထီဘိဒ်ပှၤပူထီၣ် တၢ်အသိးလီၤ. တၢ်န့ၣ်မ့ၢ်လၢသုတနၢ်ဟူတ့ၢ်တၢ်ဂ့ၢ်အံၤနီတဘျီနီတစုဘၣ်အဃိ ဒီး မ့ၢ်လၢတၢ်ကတိၤတတုၤအိၣ်သုနၢ်တဖၣ်နီတဖျၢၣ်နီတဘျီဘၣ်အဃိ န့ၣ်လီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 65:6

ယပာ်လီၤတ့ၢ်တၢ်စံၣ်ညီၣ်လၢအဝဲသ့ၣ်အဂီၢ်, ဒီးအဝဲသ့ၣ် အတၢ်စံၣ်ညီၣ်အဂ့ၢ်ဘၣ်တၢ်ကွဲးလီၤအီၤလံလီၤ. ယတကွၢ်ကပာ်ကွံာ်တၢ်လၢအဝဲသ့ၣ်မၤတ့ၢ်ဝဲဘၣ်, မ့မ့ၢ်ယကဟ့ၣ်ကၣ်အဝဲသ့ၣ်,

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်ယံးရမံယၤ 18:12

အဝဲသ့ၣ်ကစံးဆၢဝဲ, ‘ပတမၤဘၣ်. ဘၣ်မနုၤအဃိပဘၣ်မၤလဲၣ်. ပဝဲခဲလၢာ်ပခိၣ်ကကိၤဒီးပ ကအၢသီဒံးဒၣ်တၢ်ဒ်ပသးအိၣ်အၢသီအသိးန့ၣ်လီၤ.’ ”

လံာ်ယံးရမံယၤ 8:6

ယဒိကနၣ်တၢ်လီၤတံၢ်လီၤဆဲး, ဘၣ်ဆၣ်ဒီးသုတကတိၤတၢ်မ့ၢ်တၢ်တီဘၣ်. သုတသးအုးလၢသုတၢ်အၢတၢ်သီအဃိနီတဂၤဘၣ်. သုတသံကွၢ်တ့ၢ်နီတဂၤလၢ ‘မ့ၢ်ယမၤကမၣ်တၢ်မနုၤလဲၣ်’ န့ၣ်ဘၣ်. ပှၤကိးဂၤဒဲးလဲၤဒၣ်လၢအကျဲဒၣ်ဝဲ, ဒ်ကသ့ၣ် တဒုဃ့ၢ်သဖှိဃီၤဆူတၢ်ဒုးအပူၤအသိးန့ၣ်လီၤ.

လံာ်ယဃ့းစက့လး 20:41

ဖဲယစိာ်ထီၣ်ကွံာ်သုလၢထံကီၢ်တဖၣ် လၢသုဘၣ်တၢ်မၤလီၤပြံလီၤပြါသု ဒီးပာ်ဖှိၣ်က့ၤသုတပူၤဃီဝံၤအလီၢ်ခံန့ၣ်, ယကတူၢ်လိာ်တၢ်လုၢ်တၢ်ပာ်တဖၣ်လၢသုဆိၣ်ကဲၤထီၣ်အီၤဒီးပှၤကလုာ် တဖၣ်ကထံၣ်ဝဲလၢယမ့ၢ်တၢ်စီဆှံတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:17

ဒီးကဘၣ်ဖီၣ်ဝဲလၢအဒံးဆ့ဒီးဖှီသ့ၣ်ဖးအီၤဘၣ်ဆၣ်, တဘၣ်မၤတဲာ်ကွံာ်အဒံးဆ့ဘၣ်. ဒီးကဘၣ်ဆိၣ်ကဲၤထီၣ်အီၤခဲလၢာ် လၢတၢ်လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 8:28

အန့ၣ်ဝံၤဒီး, စီၤမိၤၡ့ဟံးက့ၤတၢ်အီၣ်တဖၣ်လၢအဝဲသ့ၣ်အစု ပူၤဒီးဆိၣ်ကဲၤထီၣ်ဝဲလၢတၢ်လုၢ်လီၢ်အဖီခိၣ်ဃုာ်ဒီးတၢ်လုၢ် မ့ၣ်အူဒ်အမ့ၢ်တၢ်ဒိးပာ်စုအတၢ်လုၢ်တၢ်ပာ်တမံၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဂံၢ် 15:3

ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်ယိၤဟၣ် 3:6

ပှၤကညီတဂၤအိၣ်ဖျဲၣ်ထီၣ်ဝဲနီၢ်ခိနီၢ်ခီလၢမိၢ်ပၢ်လၢအအိၣ် ဒီးသွံၣ်ထံဖံးညၣ်လီၤ. ဘၣ်ဆၣ်ဒီး, အဝဲအိၣ်ဖျဲၣ်ထီၣ်လၢသူၣ် လၢသး, လၢယွၤအသးန့ၣ်လီၤ.

ရိမ့ၤ 1:21

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

၂ ကရံၣ်သူး 2:15

အဂ့ၢ်ဒ်အံၤ, ပလီၤဂာ်ဒီးတၢ်နၢမူနၢဆှီတမံၤလၢခရံာ်လုၢ်ထီၣ် ပာ်ထီၣ်ဝဲဆူကစၢ်ယွၤအအိၣ်, ဒီးရၤလီၤအသးဆူပှၤဒိးန့ၢ်တၢ်အုၣ်က့ၤခီၣ်က့ၤဒီးပှၤလီၤ မၢ်တဖၣ်အသိးအကျါလီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.