လံာ်တၢ်ကဲထီၣ်အခီၣ်ထံး 8:20 - Sgaw Karen Common Bible

²⁰ ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ.

လံာ်တၢ်ကဲထီၣ်အခီၣ်ထံး 8:20 Iomraidhean Croise

လံာ်တၢ်ကဲထီၣ်အခီၣ်ထံး 13:18

မၤသးဒ်န့ၣ်ဒီး, စီၤအၤဘြၣ်သုးအဒဲဒီးသူၣ်လီၤအတၢ်အိၣ်တၢ် ဆိးအလီၢ်ဘူးဒီးမးမရ့အသ့ၣ်စီဆှံတဖၣ်လၢအအိၣ်ဖဲဝ့ၢ်ဃ့ ဘြိၣ်န့ၣ်လီၤ. ဒီးမၤထီၣ်ဝဲတၢ်လုၢ်လီၢ်တခါလၢယွၤအဂီၢ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 13:4

ဒီးမၤတ့ၢ်ဝဲတၢ်လုၢ်လီၢ်တတီၤ, ဒီးဘူၣ်ထီၣ်ဘါထီၣ်ယွၤဖဲ န့ၣ်လီၤ.

လံာ်တၢ်ကဲထီၣ်အခီၣ်ထံး 22:2

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 22:9

အကတီၢ်ဖဲန့ၣ်အဝဲသ့ၣ်ဟဲတုၤတၢ်လီၢ်လၢကစၢ်ယွၤစံးဘၣ်တ့ၢ်အီၤ လၢအဂ့ၢ်န့ၣ်, စီၤအၤဘြၤဟၣ်မၤထီၣ်ဝဲတၢ်လုၢ်တခါဒီးကျဲၤလီၤသ့ၣ်မုၣ်လၢ အဖီခိၣ်န့ၣ်လီၤ. အဝဲစၢဃာ်အဖိခွါဒီးပာ်ထီၣ်ဝဲလၢတၢ်လုၢ်လီၢ်အဖီခိၣ်လၢသ့ၣ် မုၣ်အဖီခိၣ်လီၤ.

လံာ်တၢ်ကဲထီၣ်အခီၣ်ထံး 26:25

ဒီးစီၤအံၤစဲးမၤထီၣ်တၢ်လုၢ်လီၢ်တခါဖဲန့ၣ်ဒီးဘူၣ်ထီၣ်ဘါ ထီၣ်ယွၤလီၤ. အန့ၣ်ဝံၤဒီး, သူၣ်ထီၣ်အဒဲဖဲန့ၣ်ဒီးအခ့အပှၤတဖၣ်ခူၣ်ထံပူၤ အဂၤတပူၤဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 33:20

ဒီးဖဲန့ၣ်မၤထီၣ်ဝဲတၢ်လုၢ်လီၢ်တခါဒီးကိးဝဲအမံၤလၢ “အ့ၤလံ,” ဒ်ပစံးတၢ်အသိး, “အံၣ်စရ့လးအကစၢ်ယွၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 35:1

ကစၢ်ယွၤစံးဘၣ်စီၤယၤကိာ်, “လဲၤဆူဝ့ၢ်ဘ့ၤသ့လးခဲအံၤ တဘျီဃီ, ဒီးအိၣ်ဆိးဖဲန့ၣ်တက့ၢ်. ဖဲန့ၣ်ဘှီထီၣ်တၢ်လုၢ်လီၢ်တခါလၢ ယၤ, ကစၢ်ယွၤလၢအလီၣ်ဖျါတ့ၢ်အသးလၢနၤအဂီၢ်ဖဲ နဃ့ၢ်ထီၣ်ကွံာ်တ့ၢ်လၢနဒီပုၢ်ဝဲၢ်ခွါစီၤဧ့ၡီၤအအိၣ်အခါ, န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 35:7

အဝဲဘှီထီၣ်တၢ်လုၢ်လီၢ်တခါဖဲန့ၣ်ဒီးကိးထွဲတၢ်လီၢ်န့ၣ် အမံၤဒ်ဝ့ၢ်ဘ့ၤသ့လးအကစၢ်ယွၤ, မ့ၢ်လၢကစၢ်ယွၤလီၣ်ဖျါတ့ၢ်အသးဒီးအီၤဖဲန့ၣ်, ဖဲအဝဲဃ့ၢ်ထီၣ်ကွံာ်လၢအဝဲၢ်အအိၣ်အခါအဃိ န့ၣ်လီၤ.

လံာ်တၢ်ကဲထီၣ်အခီၣ်ထံး 4:4

ဒီးစီၤဟ့းဘ့းလးဟဲစိာ်စ့ၢ်ကီးသိဝဲၢ်ကိလၢအဖှံလီၤလၢအသိ အကျါတဒုဒီးမၤသံဝဲဝံၤနီၤဖးဝဲတၢ်ဖံးတၢ်ညၣ်အဂ့ၤကတၢၢ် တနီၤဒီးဟ့ၣ်ထီၣ်ဝဲဒ်တၢ်လုၢ်တၢ်ပာ်တမံၤအသိးန့ၣ်လီၤ. ယွၤဘၣ်သူၣ်ဘၣ်သးလၢစီၤဟ့းဘ့းလးဒီးအတၢ်လုၢ်တၢ်ပာ်န့ၣ်လီၤ.

လံာ်တၢ်ကဲထီၣ်အခီၣ်ထံး 7:2

မၤန့ၢ်ကယဲၢ်ဆၣ်ဖိကီၢ်ဖိလၢအကဆှီဒ်တၢ်ဘူၣ်တၢ်ဘါအလုၢ်အလၢ်အိၣ် ဝဲအသိးအကျါနွံဒုနွံဒုအမိၢ်ဒီးအဖါ, ဒီးဆၣ်ဖိကီၢ်ဖိလၢအတကဆှီဘၣ်အကျါခံဒုခံဒုအမိၢ်ဒီးအဖါ ဒီးလဲၤစိာ်ဃုာ်ဒီးနၤတက့ၢ်.

လံာ်တၢ်ကဲထီၣ်အခီၣ်ထံး 7:3

ဟံးန့ၢ်ဃုာ်ထိၣ်ဖိလံာ်ဖိနွံဘ့ၣ်နွံဘ့ၣ်အမိၢ်ဒီးအဖါဒ် အကလုာ်ဒၣ်ဝဲအသိးစ့ၢ်ကီးတက့ၢ်. မၤတၢ်ဒ်အံၤဒ်သိးကယဲၢ်ဆၣ်ဖိကီၢ်ဖိထိၣ်ဧိၤလံာ်ဧိၤကမူဝဲဒ် အကလုာ်ဒၣ်ဝဲအသိးဒီးကလိၣ်ထီၣ်ဖးထီၣ်ကဒါက့ၤကဒီးလၢဟီၣ်ခိၣ် ချၢအဂီၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 8:19

ဒီးကယဲၢ်ဆၣ်ဖိကီၢ်ဖိဒီးထိၣ်ဧိၤလံာ်ဧိၤခဲလၢာ်ဟးထီၣ်လၢ ကဘီလိၤလၢအကရူၢ်ဒၣ်ဝဲဒီးအကလုာ်ဒၣ်ဝဲစုာ်စုာ်န့ၣ်လီၤ.

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

လံာ်တၢ်ဟးထီၣ်ကွံာ် 10:25

စီၤမိၤၡ့စံးဆၢဝဲဒၣ်, “နကဘၣ်ဟ့ၣ်လီၤပှၤလၢဆၣ်ဖိကီၢ်ဖိ တဖၣ်လၢတၢ်လုၢ်တၢ်ပာ်ဒီးတၢ်လုၢ်မ့ၣ်အူအဂီၢ်, ဒ်သိးပကလုၢ်ထီၣ်အီၤဆူယွၤ, ပကစၢ်ယွၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်တၢ်ဟးထီၣ်ကွံာ် 29:25

အန့ၣ်ဝံၤဒီးဟံးန့ၢ်တၢ်တဖၣ်အံၤလၢအဝဲသ့ၣ်အအိၣ်ဒီးဆူးကဲၤ ထီၣ်အီၤလၢတၢ်လုၢ်လီၢ်အဖီခိၣ်, ပာ်အီၤလၢတၢ်လုၢ်မ့ၣ်အူ ခဲလၢာ်အဖီခိၣ်ဒ်တၢ်လုၢ်တၢ်အီၣ်တမံၤလၢယဂီၢ်တက့ၢ်. တၢ်လုၢ်အံၤအတၢ်နၢမူမၤမုာ်ယသးလီၤ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ဧ့ၤဘြံၤ 13:10

ပှၤလုၢ်တၢ်အခိၣ်တဖၣ်လၢအမၤတၢ်လၢပှၤယူဒၤဖိအတၢ် ဘူၣ်တၢ်ဘါအလီၢ်န့ၣ်, တအိၣ်ဘၣ်ဒီးတၢ်အခွဲးအယာ်လၢအကအီၣ်တၢ်လၢပပာ်ထီၣ် ဝဲလၢပတၢ်လုၢ်လီၢ်အဖီခိၣ်န့ၣ်ဘၣ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.