လံာ်တၢ်ကဲထီၣ်အခီၣ်ထံး 8:12 - Sgaw Karen Common Bible

¹² တုၤနုၤတစုစီၤနိအၤအိၣ်ခိးကဒီးဆူညါနွံသီဝံၤပျၢ်လီၤ ကဒီးထိၣ်လွံၢ်လၢခံတဘျီန့ၣ်လီၤ. တဘျီအံၤထိၣ်လွံၢ်တဟဲက့ၤလၢၤဘၣ်.

လံာ်တၢ်ကဲထီၣ်အခီၣ်ထံး 8:12 Iomraidhean Croise

လံာ်တၢ်ကဲထီၣ်အခီၣ်ထံး 8:10

ဒီးစီၤနိအၤအိၣ်ခိးကဒီးဝဲဆူညါနွံသီဒီးပျၢ်လီၤကဒီး ထိၣ်လွံၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 8:11

ဒီးထိၣ်လွံၢ်ဟဲက့ၤဆူအအိၣ်လၢမုၢ်ဟါဃုာ်ဒီးသ့ၣ်စၤယံးအလၣ် သံကစဲာ်တဘ့ၣ်အိၣ်လၢအနိာ်ပူၤန့ၣ်လီၤ. လၢတၢ်န့ၣ်အဃိစီၤနိအၤသ့ၣ်ညါလၢထံလီၤသံးလံန့ၣ်လီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 26:8

ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယံးရမံယၤ 48:28

သုဝဲပှၤဂီၢ်မုၢ်လၢ အအိၣ်ဆိးလၢ ကီၢ်မိၤအးအပူၤ သ့ၣ်ဧၢ, ဟးထီၣ်လၢသုဝ့ၢ်တဖၣ်အပူၤတက့ၢ်. လဲၤဒီးအိၣ်ဆိးလၢ လ့ကဘျၣ်ဖးထီတဖၣ်အလိၤတက့ၢ်. မၤသုသးဒ် ထိၣ်လွံၢ်လၢ အမၤအသွံလၢ တၢ်တြိအကပၤ အသိးန့ၣ်တက့ၢ်.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”