လံာ်တၢ်ကဲထီၣ်အခီၣ်ထံး 8:1 - Sgaw Karen Common Bible

¹ ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 8:1 Iomraidhean Croise

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:22

ဒီးကစၢ်ယွၤသ့ၣ်နီၣ်နီၢ်ရၤဃ့လး, ဒီးစံးဆၢအတၢ်ထုကဖၣ် လၢကအိၣ်ဒီးအဖိ အဂီၢ်လီၤ.

လံာ်တၢ်ကဲထီၣ်အခီၣ်ထံး 9:10

ဒီးကယဲၢ်တၢ်အိၣ်ဒီးတၢ်အမူအသါခဲလၢာ်, ကယဲၢ်ထိၣ်ဖိ လံာ်ဖိဒီးဆၣ်ဖိကီၢ်ဖိတဖၣ်, ကယဲၢ်တၢ်ခဲလၢာ်လၢအဟးထီၣ်လၢ ကဘီပူၤဃုာ်ဒီးသုန့ၣ်လီၤ.

လံာ်စီၤနဃ့မယၤ 13:14

ယကစၢ်ယွၤဧၢ, သ့ၣ်နီၣ်ထီၣ်က့ၤကယဲၢ်တၢ်ခဲလၢာ်လၢယမၤတ့ၢ်ယဲလၢ နတၢ်လုၢ်ဟံၣ်ဒီးအတၢ်ဘူၣ်ထီၣ်ဘါထီၣ်နၤအဂီၢ်န့ၣ်တက့ၢ်.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:29

ကစၢ်ယွၤဧၢ, သ့ၣ်နီၣ်ထီၣ်က့ၤပှၤဂီၢ်မုၢ်တဖၣ်အံၤမၤဘၣ်အၢပှၤ လုၢ်တၢ်အခိၣ်အတၢ်ဖံးတၢ်မၤဒီးတၢ်အၢၣ်လီၤအီလီၤလၢနမၤဒီး ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်န့ၣ်ဒ်လဲၣ်တက့ၢ်.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

လံာ်စီၤယိၤဘး 12:15

တုၤကစၢ်ယွၤတြီဃာ်တၢ်ဟဲစူၤန့ၣ်ဒီးတၢ်ယီၤဃ့ဝဲဒီးတုၤ ဒုးဟဲစူၤလီၤမူခိၣ်ဒီးထံလုၣ်ဘၢတၢ်လီၤ.

လံာ်စီၤယိၤဘး 14:13

ယဆၢလၢနကပာ်ခူသူၣ်ယၤလၢတၢ်သံအကီၢ်ပူၤန့ၣ်လီၤ. ပျဲယဘၣ်တၢ်ပာ်ခူသူၣ်ယၤတုၤလီၤလၢနတၢ်သးထီၣ်ယၤပူၤ ကွံာ်ဒီးပာ်လီၤတၢ်ဆၢကတီၢ်လၢနကသ့ၣ်နီၣ်ထီၣ်က့ၤယၤန့ၣ် တက့ၢ်.

စံးထီၣ်ပတြၢၤ 105:42

အဂ့ၢ်ဒ်အံၤ, အဝဲသ့ၣ်နီၣ်ထီၣ်က့ၤအတၢ်အၢၣ်လီၤအီလီၤစီဆှံ ဆူအခ့အပှၤစီၤအၤဘြၤဟၣ်န့ၣ်လီၤ.

စံးထီၣ်ပတြၢၤ 106:4

ယွၤဧၢ, သ့ၣ်နီၣ်ထီၣ်က့ၤယၤဖဲနဒုးနဲၣ် တၢ်ကွၢ်မဲာ်နပှၤဂီၢ်မုၢ်, ဒီးမၤစၢၤယၤဖဲ နအုၣ်က့ၤခီၣ်က့ၤအဝဲသ့ၣ်, န့ၣ်တက့ၢ်

စံးထီၣ်ပတြၢၤ 115:12

ယွၤသ့ၣ်နီၣ်ထီၣ်က့ၤပှၤဒီးကဆိၣ်ဂ့ၤပှၤလီၤ. အဝဲကဆိၣ်ဂ့ၤအံၣ်စရ့လးအပှၤဂီၢ်မုၢ် ဒီးအပှၤလုၢ်တၢ်အခိၣ်ခဲလၢာ်န့ၣ်လီၤ.

စံးထီၣ်ပတြၢၤ 132:1

ယွၤဧၢ, သးပ့ၤနီၣ်စီၤဒၤဝံးဒီးအတၢ်ကီတၢ်ခဲခဲလၢာ်လၢ အတူၢ်ဘၣ်ဝဲန့ၣ်တဂ့ၤ.

စံးထီၣ်ပတြၢၤ 136:23

ဒီးသ့ၣ်နီၣ်ထီၣ်က့ၤပှၤဖဲပဒုၣ်ပဒါမၤနၢၤပှၤ အကတီၢ်န့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

စံးထီၣ်ပတြၢၤ 29:10

ယွၤဆ့ၣ်နီၤပၢတၢ်လၢထံလုၣ်ဘၢတၢ်အဖီခိၣ်, ယွၤ, စီၤပၤလီၤထူလီၤယိာ်ဆ့ၣ်နီၤပၢတၢ်လီၤ.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

လံာ်တၢ်ဟးထီၣ်ကွံာ် 14:21

စီၤမိၤၡ့ယူာ်ထီၣ်အစုလၢပီၣ်လဲၣ်အဖီခိၣ်ဒီးယွၤနီၣ်ကဒါ က့ၤပီၣ်လဲၣ်ခီဖျိကလံၤဆူၣ်လၢမုၢ်ထီၣ်တခီန့ၣ်လီၤ. ကလံၤန့ၣ်အူတၢ်သီတနၤကျၢၤတုၤပီၣ်လဲၣ်ကဲထီၣ်ဟီၣ်ခိၣ်ဃ့ထီလီၤ. ထံနီၤဖးလီၤအသးခံခီ,

လံာ်တၢ်ဟးထီၣ်ကွံာ် 15:10

ဘၣ်ဆၣ်ဒီးယွၤဧၢ, နတၢ်သါထီၣ်တဘီမၤလီၤအုးသံကွံာ်ပှၤ အဲၤကူပတူးဖိတဖၣ်လီၤ. အဝဲသ့ၣ်လီၤဘျၢဝဲဒ်စၢၢ်လၢထံ လီၤပျံၤလီၤဖုးအပူၤအသိးန့ၣ်လီၤ.

လံာ်တၢ်ဟးထီၣ်ကွံာ် 2:24

ဒီးကစၢ်ယွၤနၢ်ဟူအတၢ်ကအုကစွါဒီးသ့ၣ်နီၣ်ထီၣ်က့ၤအတၢ်အၢၣ် လီၤအီလီၤဒီးစီၤအၤဘြၤဟၣ်, ဒီးစီၤအံၤစဲးဒီးစီၤယၤကိာ်န့ၣ်လီၤ.

တၢ်ကတိၤဒိ. 25:23

တၢ်သီၣ်ဝံသဲကလၤဟဲစိာ်တၢ်သူၣ်ဒိၣ်သးဖျိးဒ်ကလံၤလၢ ကလံၤစိးဟဲစိာ်တၢ်စူၤထံလီၤတံၢ်လီၤဆဲးအသိးန့ၣ်လီၤ.

လံာ်ယၡါယၤ 44:27

ထဲတၢ်ဟ့ၣ်လီၤတၢ်ကလုၢ်တဘီဧိၤန့ၣ်ယဒုးဃ့ထီကွံာ်ပီၣ်လဲၣ် န့ၣ်လီၤ.

လံာ်ယံးရမံယၤ 50:38

မ်တၢ်ယီၤဃ့ကလီၤဘၣ်လၢ အထံကီၢ်အလိၤ, ဒီးမၤလီၤသံးကွံာ်အထံကျိတဖၣ်တက့ၢ်. ကီၢ်ဘၤဘူၤလိၣ်မ့ၢ် ကီၢ်တဘ့ၣ်လၢအပှဲၤဒီးတၢ်ဂီၤတၢ် ဖီၣ်လီၤပျံၤလီၤဖုး, လၢအဒုးပျုၢ်ထီၣ်ပှၤဂီၢ်မုၢ်န့ၣ်လီၤ.

လံာ်ဧၤမိၣ် 8:7

ဒီးအံၣ်စရ့လးအကစၢ်ယွၤမၤတၢ်ဆိၣ်ဒီးစံး, ယတသးပ့ၤနီၣ်အဝဲသ့ၣ်အတၢ်မၤအအၢအသီတဖၣ်နီတဘျီဘၣ်.

လံာ်ယိၤနါ 4:11

ဒီးမ့ၢ်တကြၢးယသးအိၣ်ဘၣ်နံၤနဝ့, ဝ့ၢ်ဖးဒိၣ်တဖျၢၣ်, လၢပှၤကညီတသ့ၣ်ညါအစုထွဲဒီးအစု စ့ၣ်အိၣ်ဝဲလၢတကလီၢ်ခံကလးအဘျဲၣ်ဒီးဆၣ်ဖိကီၢ်ဖိအါအါကလဲာ် န့ၣ်ဘၣ်ဧါ.”

လံာ်နၤဃူၣ် 1:4

အဝဲမၤလိာ်ဝဲပီၣ်လဲၣ်ဒီးပီၣ်လဲၣ်ဃ့ထီကွံာ်ဝဲဒီးမၤလီၤ သံးကွံာ်ဝဲထံကျိတဖၣ်န့ၣ်လီၤ. ဘၤၡၣ်အပျီတဖၣ်လီၤညွံးကွံာ်ဝဲ, တၤသၣ်လီၢ်လၢကစၢၢ်ကၢ်မ့ၤလးလီၤဘဲကွံာ်ဝဲ ဒီးဖီတဖၣ်လၢကီၢ်လဘၤနိၣ်ဒံကွံာ်ဝဲလီၤ.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

လံာ်စကၤရယၤ 10:11

ဖဲအဝဲသ့ၣ်ခီဂာ်အတၢ်ကီတၢ်ခဲအပီၣ်လဲၣ်န့ၣ်, ယဲဒၣ်, ယွၤ, ယကတီၢ်လပီတဖၣ် ဒီးထံကျိနံၤလါအတၢ်ယိာ်အထံကလီၤသံးကွံာ် ခဲလၢာ်လီၤ. ကီၢ်အၤၡူၢ်လၢအပာ်ထီၣ်ထီအသးန့ၣ် ကဘၣ်တၢ်ဆီၣ်လီၤကွံာ်အီၤ, ဒီးကီၢ်အဲၤကူပတူးလၢအဂံၢ်ဆူၣ်ဘါဆူၣ်အစိကမီၤကဟးဂီၤန့ၢ် အီၤလီၤ.

လံာ်တၢ်ဂံၢ် 10:9

ဖဲသုဒုးတၢ်ယၤတၢ်လၢသုကီၢ်ပူၤ, ဒီးသုကဘၣ်ဒီဒၣ်သုသးထီ ဒါသုဒုၣ်သုဒါလၢအဟဲဒုးတၢ်ဒီးသုအခါန့ၣ်, အူထီၣ်တၢ်ဒုးသုးအတၢ်ပနီၣ်လၢကွဲၤတဖၣ်အံၤတက့ၢ်. ယၤ, ယွၤသုကစၢ်ယွၤကမၤစၢၤသုဒီးအုၣ်က့ၤခီၣ်က့ၤသုလၢသု ဒုၣ်သုဒါတဖၣ်အစုပူၤန့ၣ်လီၤ.

လံာ်တၢ်ဂံၢ် 22:32

ကလူးန့ၣ်သံကွၢ်ဆူၣ်အီၤ, “ဘၣ်မနုၤနတီၢ်နကသ့ၣ်ယီၤဒ်အံၤ အသိးသၢစုညါန့ၣ်လဲၣ်. ယဟဲဒ်သိးယကတြီတံာ်တာ်နကျဲ, မ့ၢ်လၢနတကြၢးလဲၤတၢ်လဲၤအံၤဘၣ်အဃိန့ၣ်လီၤ.

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.

လံာ်လီၣ်ဖျါ 18:5

အဂ့ၢ်ဒ်အံၤ, အဝဲအတၢ်ဒဲးဘးတဖၣ် အိၣ်ဖှိၣ်ထီၣ်အသးထီတုၤသိးမူခိၣ်, ဒီးကစၢ်ယွၤသ့ၣ်နီၣ်ထီၣ်အဝဲဒၣ် အကျဲအၢကျဲသီတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:19

မုၢ်ဆ့ၣ်ထီၣ်တနံၤန့ၣ်, စီၤအ့လကါနၤဒီးအဟံၣ်ဖိဃီဖိပၢၢ်ထီၣ်ဂီၤဂီၤဒီးဘူၣ်ထီၣ်ဘါထီၣ်ယွၤဝံၤ, အဝဲသ့ၣ်က့ၤကဒါက့ၤဆူဝ့ၢ်ရၤမါလီၤ. စီၤအ့လကါနၤမံဃုာ်ဒီးအမါနီၢ်ဃးနၤဒီး ယွၤစံးဆၢပိာ်မုၣ်န့ၣ်အတၢ်ထုကဖၣ်လီၤ.