လံာ်တၢ်ကဲထီၣ်အခီၣ်ထံး 6:8 - Sgaw Karen Common Bible

⁸ မ့မ့ၢ်ယွၤဘၣ်သူၣ်ဘၣ်သးလၢစီၤနိအၤန့ၣ်လီၤ.

လံာ်တၢ်ကဲထီၣ်အခီၣ်ထံး 6:8 Iomraidhean Croise

လံာ်တၢ်ကဲထီၣ်အခီၣ်ထံး 19:19

နမၤတ့ၢ်တၢ်ဘျုးတၢ်ဖှိၣ်ဖးဒိၣ်တမံၤဒီးအုၣ်က့ၤခီၣ်က့ၤယသး သမူလီၤ. ဘၣ်ဆၣ်ဒီးတၢ်လူၢ်တဖၣ်န့ၣ်ယံၤဒိၣ်မးလီၤ. တၢ်တတၢးတနါကချုးန့ၢ်ယၤဒီးတချုးယတုၤဒံးဘၣ်ဖဲန့ၣ်ဒီးယကသံလီၤ.

စံးထီၣ်ပတြၢၤ 145:20

ယွၤပာ်မူပှၤလၢအအဲၣ်အီၤခဲလၢာ်, မ့မ့ၢ်အဝဲကမၤဟးဂီၤ ပှၤတတီတလိၤခဲလၢာ်န့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

တၢ်ကတိၤဒိ. 12:2

ယွၤဘၣ်အသးလၢပှၤအဂ့ၤတဖၣ်န့ၣ်လီၤ. မ့မ့ၢ်စံၣ်ညီၣ်ဃၣ်ပှၤလၢအကူၣ်ထီၣ်တၢ်အၢတၢ်သီလီၤ.

တၢ်ကတိၤဒိ. 3:4

နမ့ၢ်မၤတၢ်အံၤဒီး, ကစၢ်ယွၤဒီးပှၤကညီကသးမုာ်သးခုလၢနဃိ လီၤ.

တၢ်ကတိၤဒိ. 8:35

ပှၤလၢအထံၣ်န့ၢ်ယၤထံၣ်န့ၢ်တၢ်မူ ဒီးယွၤကဘၣ်အသးလၢအီၤလီၤ.

လံာ်ယံးရမံယၤ 31:2

လၢပှၢ်မုၢ်ကနၢအပူၤန့ၣ်, ယဒုးနဲၣ်တ့ၢ်တၢ်သးကညီၤဆူ ပှၤဂီၢ်မုၢ်န့ၣ်လၢ အမၤထူၣ်ဖျဲးထီၣ်တ့ၢ်လၢ တၢ်သံအပူၤလီၤ. ဖဲကီၢ်အံၣ်စရ့လး အပှၤဂီၢ်မုၢ်သးအိၣ်အိၣ်ဘှံးန့ၣ်,

လံာ်ယဃ့းစက့လး 14:14

ပှၤသၢဂၤလၢအမ့ၢ်ဝဲစီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, အဝဲသ့ၣ်အတၢ်ဂ့ၤတၢ်ဝါကအုၣ်က့ၤခီၣ်က့ၤဒၣ်ထဲအဝဲသ့ၣ်အသးသမူ ဒၣ်ဝဲဧိၤန့ၣ်လီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လီၤ.

လံာ်မးသဲ 24:37

ပှၤကညီဖိခွါအတၢ်ဟဲန့ၣ်ကလီၤဂာ်ဒ်တၢ်မၤအသးလၢစီၤနိအၤ အမုၢ်နံၤတဖၣ်အသိးန့ၣ်လီၤ.

လံာ်လူၤကၣ် 1:30

ကလူးန့ၣ်စံးဘၣ်အီၤ, “တဘၣ်ပျံၤတၢ်တဂ့ၤနီၢ်မၤရံဧၢ, ယွၤမၤဘျုးမၤဖှိၣ်လံနၤလံ.

လံာ်လူၤကၣ် 17:26

ဒ်တၢ်မၤအသးဖဲစီၤနိအၤအဆၢကတီၢ်အသိးန့ၣ်, တၢ်ကမၤအသးဒ်န့ၣ်အသိးဖဲပှၤကညီဖိခွါအမုၢ်နံၤမုၢ်သီတဖၣ်န့ၣ်လီၤ.

မၤတၢ် 7:46

အဝဲဒၣ်ဒိးန့ၢ်ကစၢ်ယွၤအတၢ်ဘၣ်သူၣ်ဘၣ်သးသတးဒီး, ဃ့ဝဲလၢကစၢ်ယွၤကပျဲအဝဲဒၣ်ဘှီထီၣ်န့ၢ်တၢ်အိၣ်တၢ်ဆိး အလီၢ်တဖျၢၣ်လၢကစၢ်ယွၤလၢစီၤယၤကိာ်ဘါဝဲတဂၤန့ၣ် အဂီၢ်လီၤ.

ရိမ့ၤ 11:6

အတၢ်ဃုထၢအံၤသန့ၤထီၣ်အသးလၢအဘျုးအဖှိၣ်ဒီး တမ့ၢ်လၢတၢ်လၢအဝဲသ့ၣ်မၤတ့ၢ်လံဝဲတဖၣ်အဖီခိၣ်ဘၣ်. အဂ့ၢ်ဒ်လဲၣ်န့ၣ်, ကစၢ်ယွၤအတၢ်ဃုထၢမ့ၢ်သန့ၤထီၣ်အသး လၢတၢ်လၢပှၤကညီမၤတ့ၢ်လံဝဲတဖၣ်အဖီခိၣ်ဒီးအဘျုး အဖှိၣ်ဝဲန့ၣ်တမ့ၢ်အဘျုးအဖှိၣ်အမ့ၢ်အတီလၢၤဘၣ်.

ရိမ့ၤ 4:4

ပှၤလၢအဖံးတၢ်မၤတၢ်တဂၤန့ၣ်, တၢ်ဟ့ၣ်အီၤအဘူးအလဲဒီးတၢ်အံၤတၢ်တပာ်အီၤဒ်တၢ်ဟ့ၣ် တမံၤအသိးန့ၣ်ဘၣ်. မ့မ့ၢ်ဒ်အမ့ၢ်တၢ်တမံၤလၢအဝဲကြၢး ဒိးန့ၢ်ဘၣ်ဝဲန့ၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

ကလၤတံ 1:15

ဘၣ်ဆၣ်ဒီး, လၢအဘျုးအဖှိၣ်အပူၤကစၢ်ယွၤဃုထၢပာ်လီၤ ဆီယၤတချုးလၢယအိၣ်ဖျဲၣ်ထီၣ်ဒံးဒၣ်လဲာ်, ဒီးကိးယၤဒ်သိးယကမၤအတၢ်န့ၣ်လီၤ. ဒီးဖဲအဝဲဒၣ်ပာ်လီၤအသး

၂ တံၤမသ့း 1:18

မ်ကစၢ်ပျဲအဒိးန့ၢ်ဘၣ်အတၢ်သူၣ်ကညီၤသးကညီၤ လၢမုၢ်နံၤခံကတၢၢ်န့ၣ်တက့ၢ်. အဝဲမၤတ့ၢ်တၢ်လၢယဂီၢ်ဖဲဝ့ၢ်အ့းဖ့းစူးအပူၤထဲလဲၣ်န့ၣ်, နသ့ၣ်ညါဂ့ၤဂ့ၤကစီဒီန့ၣ်လီၤ.

တံတူး 2:11

အဂ့ၢ်ဒ်အံၤ, ကစၢ်ယွၤလီၣ်ဖျါထီၣ်အဘျုးအဖှိၣ်လၢပှၤဟီၣ်ခိၣ်ဖိ ခဲလၢာ်ကဘၣ်တၢ်အုၣ်က့ၤခီၣ်က့ၤအီၤအဂီၢ်လီၤ.

တံတူး 3:7

ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,

၂ ပ့းတရူး 2:5

ကစၢ်ယွၤတပျၢ်ဖျဲးပှၤဟီၣ်ခိၣ်ဖိလၢပျၢၤလၢကစၢၤတဖၣ်ဘၣ်, ဒီးဒုးလုၣ်ဘၢကွံာ်ဟီၣ်ခိၣ်လၢအပှဲၤဒီးပှၤတယူးတယီၣ် ကစၢ်ယွၤလၢထံန့ၣ်လီၤ. ပှၤလၢအအုၣ်က့ၤခီၣ်က့ၤဝဲတဖၣ် မ့ၢ်ဒၣ်ထဲစီၤနိအၤလၢအစံၣ်တဲၤတဲလီၤတၢ်တီတၢ်လိၤ, ဒီးပှၤအဂၤနွံဂၤန့ၣ်လီၤ.