လံာ်တၢ်ကဲထီၣ်အခီၣ်ထံး 6:6 - Sgaw Karen Common Bible

⁶ အဝဲသးအုးလၢအတ့လီၤတ့ၢ်ဘၣ်အဝဲသ့ၣ်ဒီးပာ်အီၤလၢဟီၣ်ခိၣ် ချၢအဃိန့ၣ်လီၤ. အသးပှဲၤလုာ်ကွံာ်ဒီးတၢ်သးဘၣ်ဒိ ဘၣ်ထံးဖးဒိၣ်,

လံာ်တၢ်ကဲထီၣ်အခီၣ်ထံး 6:6 Iomraidhean Croise

လံာ်တၢ်ကဲထီၣ်အခီၣ်ထံး 6:7

တုၤဒၣ်လဲာ်အစံးဝဲ, “ယကတြူာ်ကွံာ်ပှၤဂီၢ်မုၢ်အံၤလၢယတ့ လီၤတ့ၢ်အီၤ, ဒီးဆၣ်ဖိကီၢ်ဖိဒီးထိၣ်ဖိလံၣ်ဖိသ့ၣ်တဖၣ်စ့ၢ်ကီးန့ၣ်လီၤ. အဂ့ၢ်ဒ်အံၤ, ယသးအုးလၢယတ့လီၤအဝဲသ့ၣ်တဂၤလၢ်လၢ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:16

ဖဲယွၤအကလူးသါကမၤဟးဂီၤကွံာ်ဝ့ၢ်ယရူၤၡလ့ၣ်အခါန့ၣ်, ယွၤဆီတလဲကွံာ်အတၢ်ပာ်သးဘၣ်ဃးဒီးတၢ်စံၣ်ညီၣ်အပှၤဂီၢ်မုၢ် န့ၣ်, ဒီးစံးဘၣ်ကလူးလၢအမၤသံအဝဲသ့ၣ်ဒ်အံၤ, “ဆိကတီၢ်တက့ၢ်.” ကလူးန့ၣ်အိၣ်ဝဲဖဲပှၤယဘူၣ်ဖိစီၤအၤရနၤ အကြဲၢ်အကပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:15

အန့ၣ်ဒီးအဝဲဆှၢလီၤကလူးတဂၤလၢကမၤဟးဂီၤကွံာ်ဝ့ၢ်ယရူၤ ၡလ့ၣ်န့ၣ်လီၤ. ဘၣ်ဆၣ်အဝဲလဲလိာ်ကွံာ်အတၢ်ပာ်လီၤအသးဒီးစံးဘၣ်ကလူးန့ၣ်, “ဆိကတီၢ်တက့ၢ်. ဘၣ်လံ.” ကလူးန့ၣ်ဆၢထၢၣ်ဝဲဖဲပှၤယဘူၣ်ဖိစီၤအၤရနၤအကြဲၢ်ပူၤန့ၣ်လီၤ.

စံးထီၣ်ပတြၢၤ 106:45

လၢအဝဲသ့ၣ်အဂီၢ် ယွၤသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤဒီး လၢအတၢ်အဲၣ်ဒိၣ်ဝဲအဃိ, အဝဲထိၣ်ကဆှၣ်လီၤက့ၤအသးန့ၣ်လီၤ.

စံးထီၣ်ပတြၢၤ 110:4

ယွၤမၤတၢ်အၢၣ်လီၤသမှံၤသပှၢ်တမံၤဒီး တထုးက့ၤဘၣ်ဝဲဘၣ်. “နကမ့ၢ်ပှၤလုၢ်တၢ်အခိၣ်တဂၤလီၤထူလီၤယိာ်, လၢစီၤမၤလကံစဒ့းအပှၤလုၢ်တၢ်အခိၣ်အလုၢ်အလၢ်အပူၤန့ၣ်လီၤ.”

စံးထီၣ်ပတြၢၤ 119:158

ယကွၢ်ပှၤလီတၢ်ဖိလၢယတၢ်သးကိၢ်ထီၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ် တတိၢ်န့ၢ်ဘၣ် နတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 78:40

အဝဲသ့ၣ်တဖၣ်န့ၣ်ပူထီၣ်အီၤ ဒီးမၤဆါအသးလၢပှၢ်မုၢ်ကနၢအပူၤပှဲၤဘျီလဲၣ်.

စံးထီၣ်ပတြၢၤ 81:13

ယဆၢလၢယပှၤဂီၢ်မုၢ်ကဒိကနၣ်ယၤဆံးဒိၣ်လဲၣ်. ယဆၢလၢအဝဲသ့ၣ်ကစူၢ်ယၤဆံးဒိၣ်လဲၣ်.

စံးထီၣ်ပတြၢၤ 95:10

ယသးဘၣ်အၢတ့ၢ်ပှၤတစိၤန့ၣ်လၢအနံၣ်လွံၢ်ဆံ အတီၢ်ပူၤလီၤ. ယစံး “အဝဲသ့ၣ်အကလုၢ်တတီဘၣ်ထဲလဲၣ် အဝဲသ့ၣ်ဂ့ၢ်လိာ်လၢ ကစူၢ်ယတၢ်မၤလိာ်တဖၣ်လီၤ.”

လံာ်တၢ်ဟးထီၣ်ကွံာ် 32:14

မၤသးဒ်န့ၣ်ဒီးယွၤလဲလိာ်ကွံာ်အတၢ်ပာ်လီၤသးဒီးတဒုးလီၤဘၣ် တၢ်တတၢးတနါလၢအပှၤဂီၢ်မုၢ်အလိၤလၢကမၤပျံၤမၤဖုးအဝဲ သ့ၣ်လၢၤဘၣ်.

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယံးရမံယၤ 18:7

တဘျီဂ့ၤ, တဘျီဂ့ၤယမ့ၢ်စံးလၢယကထဲးထီၣ်ကွံာ်, မၤလီၤပှီၢ်, မ့တမ့ၢ်မၤဟးဂီၤပှၤတကလုာ်ဂ့ၤတကလုာ်ဂ့ၤမ့ၢ်ဂ့ၤ, ဘီမုၢ်တဘ့ၣ်ဂ့ၤ တဘ့ၣ်ဂ့ၤမ့ၢ်ဂ့ၤ,

လံာ်ယံးရမံယၤ 26:19

စီၤပၤဃံးစကံယၤဒီး ကီၢ်ယူဒအပှၤဂီၢ်မုၢ်တမၤသံကွံာ်ဝံမံကၤဘၣ်. အခိၣ်တလိာ်စီၤဃံးစကံယၤ ယူးယီၣ်မၤလၤကပီၤတ့ၢ်ယွၤဒီး ကျဲးစၢးမၤန့ၢ် ယွၤအတၢ်ကွၢ်မဲာ်န့ၣ်လီၤ. ဒီးယွၤလဲလိာ်တၢ်ပာ်လီၤအသး ဘၣ်ဃးတၢ်တတၢး တနါလၢ အစံးတ့ၢ်ဝဲလၢ အကဒုးဘၣ်လီၤက့ၤ ပသးလၢ တၢ်တတၢးတနါလၢ အလီၤပျံၤလီၤဖုးဒိၣ်မးတမံၤန့ၣ်လီၤ.”

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်ယိၤနါ 3:10

ကစၢ်ယွၤထံၣ်တၢ်လၢအဝဲသ့ၣ်မၤဝဲ, ထံၣ်ဝဲလၢအဝဲသ့ၣ်ညိကွံာ်အသးလၢအကျဲအအၢအသီန့ၣ်လီၤ. အန့ၣ်ဒီးအဝဲလဲလိာ်ကွံာ်အတၢ်ပာ်လီၤ အသးဒီးတစံၣ်ညီၣ်ဘၣ်အဝဲသ့ၣ်ဒ်အစံးတ့ၢ်လၢကမၤဝဲအသိးန့ၣ် ဘၣ်.

လံာ်မၤလကံ 3:6

ဒီးယဲဒၣ်အံၤယမ့ၢ်ယွၤ, ဒီးယတကဒံကဒါဘၣ်. မၤသးဒ်န့ၣ်ဒီးသုဝဲ, ပှၤလၢအဟဲလီၤစၢၤလီၤသွဲၣ်လၢစီၤယၤကိာ်သ့ၣ်ဧၢ, သုတတုၤဘၣ်လၢတၢ်ဟးဂူာ်ဟးဂီၤဘၣ်.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

လံာ်သိၣ်လီၤသီလီၤတၢ် 5:29

ထီဘိအဝဲသ့ၣ်မ့ၢ်ပာ်သူၣ်ပာ်သးဒၣ်ဒ်သိးအံၤဧိၤ, အဝဲသ့ၣ်မ့ၢ်မၤလၤကပီၤဒၣ်ထဲယၤတဂၤအံၤဧိၤ, ဒီးစူၢ်ကယဲၢ်ယတၢ်မၤလိာ်တဖၣ်န့ၣ်, တၢ်ကိးမံၤဒဲးကမၤအသးဂ့ၤ ဂ့ၤဘၣ်ဘၣ်လၢအဝဲသ့ၣ်အဂီၢ်ဒီးလၢအဝဲသ့ၣ်အစၢၤအသွဲၣ်တဖၣ်အဂီၢ် လီၤထူလီၤယိာ်န့ၣ်လီၤ.

ဧ့ၤဘြံၤ 3:10

လၢတၢ်န့ၣ်အဃိယသးဒိၣ်ထီၣ်အဝဲသ့ၣ်ဒီးစံး, ‘ထီဘိန့ၣ်အဝဲသ့ၣ်အသးတတီလၢယၤဘၣ်ဒီး တဒိကနၣ်ဘၣ်ယတၢ်မၤလိာ်တဖၣ်ဘၣ်.’

ဧ့ၤဘြံၤ 3:17

ပှၤလၢအဘၣ်ကစၢ်ယွၤအတၢ်သးထီၣ်လၢအနံၣ်လွံၢ်ဆံအတီၢ်ပူၤ န့ၣ်မ့ၢ်မတၤတဖၣ်လဲၣ်. မ့ၢ်ပှၤလၢအမၤတၢ်ဒဲးဘးဒီးလီၤဃံၤသံဝဲ လၢပှၢ်မုၢ်ကနၢအပူၤတဖၣ်တမ့ၢ်ဘၣ်ဧါ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:29

ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 15:35

စီၤၡမူၤအ့လးအသးတစိၤန့ၣ်တထံၣ်ဘၣ်ကဒီးစီၤပၤလၢၤဘၣ်. ဘၣ်ဆၣ်ဒီးအဝဲဒၣ်အသူၣ်အုးသးအုးလၢအဃိလီၤ. ယွၤသူၣ်အုးသးအုးလၢအဒုးကဲထီၣ်ဘၣ်စီၤစီလူးလၢကီၢ်အံၣ်စရ့လး အစီၤပၤအဃိန့ၣ်လီၤ.