လံာ်တၢ်ကဲထီၣ်အခီၣ်ထံး 6:18 - Sgaw Karen Common Bible

¹⁸ ဘၣ်ဆၣ်ဒီး, ယကမၤတၢ်အၢၣ်လီၤအီလီၤတမံၤဒီးနၤလီၤ. လဲၤနုာ်ဆူကဘီပူၤဃုာ်ဒီးနမါ, နဖိခွါတဖၣ်ဒီးအမါတဖၣ် န့ၣ်တက့ၢ်.

လံာ်တၢ်ကဲထီၣ်အခီၣ်ထံး 6:18 Iomraidhean Croise

လံာ်တၢ်ကဲထီၣ်အခီၣ်ထံး 17:21

ဘၣ်ဆၣ်ဒီး, ယကဟံးဃာ်ယတၢ်အၢၣ်လီၤအီလီၤဒီးနဖိခွါစီၤအံၤ စဲးလၢနီၢ်စၤရါကဆံးစၢ်န့ၢ်နၤလၢခဲကိာ်တနံၣ်ဖဲအကတီၢ်အံၤ န့ၣ်လီၤ.

လံာ်တၢ်ကဲထီၣ်အခီၣ်ထံး 17:4

“ယမၤတၢ်အၢၣ်လီၤအီလီၤအံၤဒီးနၤလီၤ. ယအၢၣ်လီၤတၢ်လၢနကကဲထီၣ်ပှၤအါကလုာ်အတၢ်လီၤစၢၤလီၤသွဲၣ်အပၢ် ဖးဒိၣ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ကဲထီၣ်အခီၣ်ထံး 7:1

ဒီးယွၤစံးဘၣ်စီၤနိအၤ, “လဲၤနုာ်ဆူကဘီပူၤဃုာ်ဒီးနပှၤ ဟံၣ်ဖိဃီဖိခဲလၢာ်န့ၣ်တက့ၢ်. ယထံၣ်တ့ၢ်လံလၢနမ့ၢ်ပှၤထဲတဂၤဧိၤလၢအမ့ၢ်ပှၤတီပှၤလိၤလၢ ကယဲၢ်ဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 7:13

လၢမုၢ်နံၤတနံၤဃီန့ၣ်စီၤနိအၤဒီးအမါလဲၤနုာ်ဆူကဘီပူၤ ဃုာ်ဒီးအဖိခွါသၢဂၤ, စီၤၡ့ၣ်, စီၤဃၣ်ဒီးစီၤယ့ဖ့းသးဒီး အဝဲသ့ၣ်အမါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 7:7

ဒီးစီၤနိအၤဒီးအမါ, အဖိခွါတဖၣ်ဒီးအမါတဖၣ်လဲၤနုာ်ဆူ ကဘီပူၤဒ်သိးကပူၤဖျဲးဝဲလၢထံလုၣ်ဘၢတၢ်န့ၣ်လီၤ.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,

၂ ပ့းတရူး 2:5

ကစၢ်ယွၤတပျၢ်ဖျဲးပှၤဟီၣ်ခိၣ်ဖိလၢပျၢၤလၢကစၢၤတဖၣ်ဘၣ်, ဒီးဒုးလုၣ်ဘၢကွံာ်ဟီၣ်ခိၣ်လၢအပှဲၤဒီးပှၤတယူးတယီၣ် ကစၢ်ယွၤလၢထံန့ၣ်လီၤ. ပှၤလၢအအုၣ်က့ၤခီၣ်က့ၤဝဲတဖၣ် မ့ၢ်ဒၣ်ထဲစီၤနိအၤလၢအစံၣ်တဲၤတဲလီၤတၢ်တီတၢ်လိၤ, ဒီးပှၤအဂၤနွံဂၤန့ၣ်လီၤ.