လံာ်တၢ်ကဲထီၣ်အခီၣ်ထံး 6:16 - Sgaw Karen Common Bible

¹⁶ မၤတၢ်ခိၣ်ဒုးလၢကဘီအဂီၢ်ဒီးပာ်လီၤဖျဲၣ်တၢ်လီၢ်တပျၢ်လၢတၢ်ခိၣ်ဒုး ဒီးအဂီၤပၤဝးတရံးအဘၢၣ်စၢၤန့ၣ်တက့ၢ်. မၤအဒၢးလၢအခီၣ်ထံးတဆီ, ခံဆီတဆီဒီးသၢဆီတဆီ ဒီးပာ်တြဲၤတဘ့ၣ်လၢတၢ်ကပၤတက့ၢ်.

လံာ်တၢ်ကဲထီၣ်အခီၣ်ထံး 6:16 Iomraidhean Croise

လံာ်တၢ်ကဲထီၣ်အခီၣ်ထံး 6:15

ဒီးမၤကဘီအထီန့ၣ်အပျၢ်သၢကယၤ, အဒီၣ်ဃီၣ်န့ၣ်အပျၢ်ယဲၢ်ဆံ ဒီးအကစီၤထီၣ်န့ၣ်အပျၢ်သၢဆံန့ၣ်တက့ၢ်.

လံာ်တၢ်ကဲထီၣ်အခီၣ်ထံး 6:17

ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 7:16

ဒ်ကစၢ်ယွၤမၤလိာ်တ့ၢ်အသိးန့ၣ်လီၤ. ဒီးယွၤကးတံာ်ဃးတြဲၤ လၢစီၤနိအၤအလီၢ်ခံန့ၣ်လီၤ.

လံာ်တၢ်ကဲထီၣ်အခီၣ်ထံး 8:6

ဒီးအသီလွံၢ်ဆံပူၤကွံာ်အလီၢ်ခံန့ၣ်စီၤနိအၤအိးထီၣ်ပဲ တြီတဘ့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 9:30

စီၤယ့ၤဟူလဲၤတုၤဝဲဆူဝ့ၢ်ယံးစရ့လးန့ၣ်လီၤ. နီၢ်အံၤစ့ဘ့ၤလးနၢ်ဟူဘၣ်တၢ်မၤတ့ၢ်လံအသးန့ၣ်အဃိ, တိၤဃံလၤထီၣ်အမဲာ်ဖံး, ကတဲာ်ကတီၤအခိၣ်သူဒီးဆၢထၢၣ်ကွၢ်လီၤ တၢ်လၢနူၢ်ဧိၤစီၤဧိၤအပဲတြီဖိတဘ့ၣ်အပူၤဆူကျဲမုၢ်ခိၣ်န့ၣ်လီၤ.

လံာ်ယဃ့းစက့လး 41:16

ယွၤအတၢ်လုၢ်ဟံၣ်အကျဲစၢၤထံးအဒၢး, တၢ်လီၢ်စီဆှံဒီးတၢ်အလီၢ်စီဆှံက တၢၢ်ခဲလၢာ်ဘၣ်တၢ်ဒိတံာ်အီၤလၢသ့ၣ်ဘၣ် ဖိတဖၣ်စးထီၣ်လၢအဒါတုၤလၢပဲတြီဖိတဖၣ်န့ၣ်လီၤ. ပဲတြီဖိတဖၣ်အံၤဘၣ်တၢ်ကးဘၢအီၤသ့ဝဲန့ၣ်လီၤ.

လံာ်ယဃ့းစက့လး 42:3

အကပၤတခီန့ၣ်ကွၢ်ဃီၤတၢ်ဆူတၢ်လီၢ်လီၤပျီတခါလၢအလဲၢ် အိၣ်ဝဲအပျၢ်ခံဆံလၢအအိၣ်သဃဲၤလိာ်အသးဒီးယွၤအတၢ်လုၢ်ဟံၣ် ဒီးအဂၤတကပၤန့ၣ်ကွၢ်ဃီၤတၢ်ဆူကျဲလၢအဘၣ်တၢ်ဒါလီၤအီၤ လၢအအိၣ်လၢတၢ်လုၢ်ဟံၣ်အဂၢၤလၢတၢ်ချၢန့ၣ်လီၤ. တၢ်သူၣ်ထီၣ်န့ၣ်ဘၣ်တၢ်ဘှီအီၤသၢပတီၢ်, လၢတပတီၢ်စုာ်စုာ် ဘၣ်တၢ်သုးအီၤဆူအလီၢ်ခံအါန့ၢ်ဒံး, တၢ်လၢအအိၣ်လၢ အဖီလာ်တပတီၢ်တက့ၢ်န့ၣ်လီၤ.

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’