လံာ်တၢ်ကဲထီၣ်အခီၣ်ထံး 6:13 - Sgaw Karen Common Bible

¹³ ဒီးကစၢ်ယွၤစံးဘၣ်စီၤနိအၤ, “ယပာ်လီၤလံယသးလၢယကမၤဟးဂီၤ ကွံာ်ကယဲၢ်ပှၤဟီၣ်ခိၣ်ဖိခဲလၢာ်န့ၣ်လီၤ. ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့လီၤ. အဂ့ၢ်ဒ်အံၤ, ဟီၣ်ခိၣ်အံၤပှဲၤဝဲဒီးအဝဲသ့ၣ်အစုဆူၣ်ခီၣ်တကးအတၢ်မၤ တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:13 Iomraidhean Croise

လံာ်တၢ်ကဲထီၣ်အခီၣ်ထံး 49:5

စီၤစူၤမ့းအိၣ်ဒီးစီၤလ့ၤဝံမ့ၢ်ဒီပုၢ်ဝဲၢ်ခွါတဖၣ်လီၤ. အဝဲသ့ၣ်သူအတၢ်စုကဝဲၤတဖၣ်လၢကမၤဆူၣ်မၤစိးတၢ်အဂီၢ်လီၤ.

လံာ်တၢ်ကဲထီၣ်အခီၣ်ထံး 6:14

မၤကဘီတဘ့ၣ်လၢသ့ၣ်အဂ့ၤကတၢၢ်လၢနဂီၢ်တက့ၢ်. မၤဒၢးသ့ၣ်တဖၣ်လၢအပူၤဒီးလံာ်ဘၢအီၤလၢကျဲတံးလၢအပူၤဒီး လၢအချၢန့ၣ်တက့ၢ်.

လံာ်တၢ်ကဲထီၣ်အခီၣ်ထံး 6:4

လၢမုၢ်နံၤတဖၣ်အပူၤန့ၣ်ဒီးဆူညါဒၣ်လဲာ်န့ၣ်, ပှၤနီၢ်ဒိၣ်ဖိတဖၣ်အိၣ်ထီၣ်လၢဟီၣ်ခိၣ်ချၢ, ပှၤလၢအဟဲလီၤစၢၤလၢပှၤကညီပိာ်မုၣ်ဒီးကစၢ်ယွၤအဖိခွါတဖၣ် န့ၣ်လီၤ. အဝဲသ့ၣ်မ့ၢ်ပှၤဒူပှၤဃိၤဖးဒိၣ်တဖၣ်ဒီးပှၤမံၤဟူသၣ်ဖျါလၢ ပျၢၤလံၤလံၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 7:21

ကယဲၢ်တၢ်လၢအမူအသါအိၣ်ဝဲလၢဟီၣ်ခိၣ်ဖီခိၣ်, ကယဲၢ်ထိၣ်ဧိၤလံာ်ဧိၤ, ဆၣ်ဖိကီၢ်ဖိဒီးပှၤကညီသံဝဲခဲလၢာ် လီၤ.

လံာ်တၢ်ကဲထီၣ်အခီၣ်ထံး 7:23

ယွၤမၤဟးဂီၤကွံာ်ကယဲၢ်တၢ်လၢအမူအသါခဲလၢာ်လၢဟီၣ်ခိၣ်ဖီ ခိၣ်, ပှၤကညီတဖၣ်, ဆၣ်ဖိကီၢ်ဖိတဖၣ်ဒီးထိၣ်ဖိလံၣ်ဖိ တဖၣ်န့ၣ်လီၤ. ပှၤအိၣ်လီၤတဲာ်ဒၣ်ထဲစီၤနိအၤဒီးပှၤအိၣ်ဒီး အီၤတဖၣ်လၢကဘီပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 7:4

စးထီၣ်ခဲအံၤဒီးဆူညါနွံနံၤန့ၣ်ယကဒုးစူၤလီၤမူခိၣ်ဒီး ကစူၤဝဲအနံၤလွံၢ်ဆံဒီးအနၤလွံၢ်ဆံလၢကမၤဟးဂီၤကွံာ်ကယဲၢ် တၢ်လၢအမူအသါတဖၣ်လၢယတ့တ့ၢ်အီၤခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်ယၡါယၤ 34:1

ဟဲ, ကယဲၢ်ပှၤကလုာ်ခဲလၢာ်အပှၤဂီၢ်မုၢ်သ့ၣ်ဧၢ, ပာ်ဖှိၣ်သုသးဒီးဒိတနၣ်တက့ၢ်. မ်ဟီၣ်ခိၣ်ဒီဘ့ၣ်ဒီးပှၤခဲ လၢာ်လၢအအိၣ်လၢအပူၤဟဲဖဲအံၤဒီးဒိကနၣ်တၢ်တက့ၢ်.

လံာ်ယံးရမံယၤ 51:13

ထံကီၢ်အဝဲန့ၣ်အိၣ်ဒီးအထံကျိတဖၣ်ဒီး အတၢ်ထူးတၢ်တီၤတဖၣ် အါမးဘၣ်ဆၣ်, အတၢ်ဆၢကတီၢ်လၢာ်ကွံာ်လံ, ဒီးအသးသမူအလုၣ်ဖျ့ဘၣ်တၢ်မၤထီၣ်တဲာ်ကွံာ်အီၤလံ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

လံာ်ဧၤမိၣ် 8:2

ယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ တၤသၣ်မံတနာ်” လီၤ. ဒီးယွၤစံးဝဲဒၣ်, တၢ်အကတၢၢ်တုၤဃီၤလံလၢယပှၤဂီၢ်မုၢ်အံၣ်စရ့လးအဂီၢ်န့ၣ်လံ. ယတပျဲပူၤလၢၤဘၣ်အီၤဘၣ်.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.