လံာ်တၢ်ကဲထီၣ်အခီၣ်ထံး 6:11 - Sgaw Karen Common Bible

¹¹ ဒီးကယဲၢ်ပှၤအဂၤခဲလၢာ်န့ၣ်မ့ၢ်ထဲပှၤအၢပှၤသီလၢကစၢ်ယွၤအတၢ်ထံၣ် အပူၤန့ၣ်လီၤ. ဒီးတၢ်မၤတၢ်လၢတၢ်စုဆူၣ်ခီၣ်တကးသ့ၣ်တဖၣ်ရၤလီၤအသး သကုၤဆးဒးလီၤ.

လံာ်တၢ်ကဲထီၣ်အခီၣ်ထံး 6:11 Iomraidhean Croise

လံာ်တၢ်ကဲထီၣ်အခီၣ်ထံး 10:9

အဝဲမ့ၢ်ပှၤခးတၢ်ဖိဖးဒိၣ်တဂၤလၢယွၤအတၢ်မၤစၢၤအဃိ န့ၣ်လီၤ. မၤသးဒ်န့ၣ်ဒီးပှၤဂီၢ်မုၢ်စံးဝဲဒၣ်လၢ, “မ်ယွၤ ဒုးကဲထီၣ်နၤပှၤခိးခးတၢ်ဖိဖးဒိၣ်တဂၤဒ်စီၤနံးမရိးအသိး တက့ၢ်.” န့ၣ်လီၤ.

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 6:10

အဝဲမ့ၢ်ပှၤအိၣ်မူလၢတၢ်ရ့လိာ်သးဒီးကစၢ်ယွၤန့ၣ်လီၤ. ဒီးစီၤနိအၤထီၣ်ဖိအဖိခွါသၢဂၤ, စီၤၡ့ၣ်, စီၤဃၣ်ဒီးစီၤယ့ဖ့းသးန့ၣ်လီၤ.

လံာ်တၢ်ကဲထီၣ်အခီၣ်ထံး 7:1

ဒီးယွၤစံးဘၣ်စီၤနိအၤ, “လဲၤနုာ်ဆူကဘီပူၤဃုာ်ဒီးနပှၤ ဟံၣ်ဖိဃီဖိခဲလၢာ်န့ၣ်တက့ၢ်. ယထံၣ်တ့ၢ်လံလၢနမ့ၢ်ပှၤထဲတဂၤဧိၤလၢအမ့ၢ်ပှၤတီပှၤလိၤလၢ ကယဲၢ်ဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:27

ဒီးနပီၢ်ယၢ်လီၤက့ၤတ့ၢ်နသးဒီးဆီၣ်လီၤတ့ၢ်နသးလၢယမဲာ်ညါ, နဖှီနကူနသိးတဖၣ်ဒီးဟီၣ်တၢ်ယၢၤတၢ်ဖဲနနၢ်ဟူတ့ၢ်ယတၢ်မၤ ပျံၤမၤဖုးလၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ် န့ၣ်လီၤ. ယနၢ်ဟူတ့ၢ်လံနတၢ်ထုကဖၣ်,

စံးထီၣ်ပတြၢၤ 11:5

ယွၤမၤကွၢ်ပှၤအတီအလိၤဒီးပှၤအၢပှၤသီဒ်သိးသိး, ဒီးအဝဲသးဟ့ပှၤလၢအအဲၣ် တၢ်စုဆူၣ်ခီၣ်တကးန့ၣ်လၢာ်သူၣ်လၢာ်သးလီၤ.

စံးထီၣ်ပတြၢၤ 140:11

မ်ပှၤလၢအကတိၤခဲၣ်သူခဲၣ်ဂီၤတၢ်တဖၣ်, အသုတအိၣ် ဂၢၢ်ဆိးကျၢၤဘၣ်လၢထံဧိၤကီၢ်ဧိၤပူၤန့ၣ်တဂ့ၤ. မ်တၢ်တတၢးတနါမၤဒၢၣ်ကွံာ် ပှၤမၤဆူၣ်မၤစိးတၢ်တဖၣ်န့ၣ်တက့ၢ်.

စံးထီၣ်ပတြၢၤ 55:9

ယွၤဧၢ, မၤဟးဂီၤအတၢ်တိာ်ပာ် ဒီးမၤသဘံၣ်ဘုၣ်အပျ့ၤတဖၣ်န့ၣ်တက့ၢ်. အဂ့ၢ်ဒ်အံၤ, ယထံၣ်တၢ်မၤအၢဒီး တၢ်အ့ၣ်လိာ်ဆိးက့လိာ်လၢဝ့ၢ်ပူၤလီၤ.”

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်ယၡါယၤ 60:18

တၢ်စုဆူၣ်ခီၣ်တကးအသီၣ်တဖၣ် နတနၢ်ဟူဘၣ်လၢၤအီၤဘၣ်, တၢ်မၤဟးဂီၤတမၤလီၤကလဲကဒီး နထံနကီၢ်တဘျီလၢၤဘၣ်. ယကဒီဒၣ်အိၣ်ပှိၤဒီးကဟုကယာ်နၤဒ် တၢ်ဒူၣ်တခါအသိး, နကစံးထီၣ်ပတြၢၤယၤ မ့ၢ်လၢယအုၣ်က့ၤခီၣ်က့ၤတ့ၢ်နၤအဃိလီၤ.

လံာ်ယံးရမံယၤ 6:7

ဒ်ထံပူၤတပူၤကတီၤဃာ်အထံဆှံထံဂ့ၤအသိးန့ၣ်, ဝ့ၢ်ယရူၤရှလ့ၣ်ကတီၤဃာ်အတၢ်အၢတၢ်သီ, သီကဘှဲဒဲန့ၣ်လီၤ. ယနၢ်ဟူတၢ်စုဆူၣ်ခီၣ်တကးဒီးတၢ်မၤဟးဂီၤလၢဝ့ၢ်န့ၣ်အပူၤ, ဒီးတၢ်လၢယထံၣ်ခဲလၢာ်န့ၣ်မ့ၢ်ဒၣ်တၢ်ဆူးတၢ်ဆါဒီးတၢ်ပူၤလီၢ်ပူၤကျဲ တဖၣ်န့ၣ်လီၤ.

လံာ်ယဃ့းစက့လး 28:16

နတၢ်ဖံးတၢ်မၤအါလၢ တၢ်ဆါတၢ်ပှ့ၤဒီး တၢ်အံၤန့ၣ်ဆှၢဃီၤနၤဆူတၢ်မၤဆူၣ်မၤစိးတၢ်ဒီးတၢ်မၤဒဲးဘးန့ၣ်လီၤ. လၢတၢ်န့ၣ်အဃိ, ယမၤဆူၣ်ဒ်သိး နကဟးထီၣ်ကွံာ်လၢယကစၢၢ်စီဆှံဒီးမူခိၣ်ကလူး တဂၤလၢအခိးဒီဒၣ်နၤန့ၣ်နီၣ်ဟးထီၣ်ကွံာ်နၤယံၤဒီး လၢၢ်တၢ်မျၢ်ကပြုၢ်ကပြီၤတဖၣ်န့ၣ်လီၤ.

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

လံာ်ဃဘးကူာ် 1:2

ယွၤဧၢ, တချုးလၢနဒိကနၣ်တၢ်, ဒီးတချုးလၢနမၤပူၤဖျဲးပှၤလၢတၢ်မၤအၢမၤသီဘၣ်န့ၣ်မ့ၢ် ယကဘၣ်ကိးထီၣ်နၤဆံးယံာ်ဒံးလဲၣ်.

လံာ်ဃဘးကူာ် 2:17

သုကူာ်လီၤကွံာ်လဘၤနိၣ်အသ့ၣ်ပှၢ်တဖၣ်, ဒီးခဲအံၤသုကဘၣ်တၢ်ဒီၣ်တဲာ်ကွံာ်သုလီၤ. သုမၤသံမၤဝီတ့ၢ်အဆၣ်ဖိကီၢ်ဖိတဖၣ်, ဒီးခဲအံၤဆၣ်ဖိကီၢ်ဖိတဖၣ်ကမၤပျံၤမၤဖုးသုလီၤ. တၢ်အံၤကမၤအသးလၢသုတၢ်မၤသံမၤဝီဒီးတၢ်ဂုာ် ဆူၣ်ပျီဆူၣ်ထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်ဃဘးကူာ် 2:8

မ့ၢ်သုဂုာ်ဆူၣ်ပျီဆူၣ်တ့ၢ်ပှၤဂီၢ်မုၢ်လၢပှၤအါကလုာ်အကျါ အဃိ, ခဲကနံၣ်အံၤပှၤလၢအအိၣ်လီၤတဲာ်တဖၣ်ကဂုာ် ဆူၣ်ပျီဆူၣ်က့ၤသုလၢတၢ်လၢသုမၤသံသ့ၣ်တဖၣ်ဒီးသုတၢ် အၢတၢ်သီထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

ရိမ့ၤ 2:13

အဂ့ၢ်ဒ်လဲၣ်န့ၣ်, ပှၤကညီဘၣ်တၢ်ပာ်တီပာ်လိၤအီၤလၢကစၢ် ယွၤအမဲာ်ညါ, တမ့ၢ်လၢအနၢ်ဟူဘၣ်တၢ်သိၣ်တၢ်သီအဃိဘၣ်. မ့မ့ၢ်, မ့ၢ်လၢအမၤထွဲတၢ်သိၣ်တၢ်သီအဃိန့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 2:19

ဘၣ်ဆၣ်တုၤခိၣ်နၢ်တဂၤသံန့ၣ်, ပှၤဂီၢ်မုၢ်က့ၤကဒါက့ၤဆူ အကျဲလီၢ်လံၤတဖၣ်ဒီးမၤအသးအၢန့ၢ်ဒံးပှၤလၢအပူၤကွံာ် တစိၤန့ၣ်လီၤ. အဝဲသ့ၣ်မၤကစၢ်အဂၤတဖၣ်အတၢ်ဒီးဘူၣ်ထီၣ်ဘါထီၣ်အီၤန့ၣ်လီၤ. ဒီးအဝဲသ့ၣ်တဆိကတီၢ်လၢအကျဲအၢကျဲသီတဖၣ်န့ၣ်ဘၣ်လီၤ.