လံာ်တၢ်ကဲထီၣ်အခီၣ်ထံး 50:5 - Sgaw Karen Common Bible

⁵ ဖဲယပၢ်ဘူးကသံန့ၣ်အဝဲမၢယဆိၣ်တၢ်ဒီးအီၤဒ်သိးယကခူၣ်လီၤ အီၤလၢတၢ်သွၣ်ခိၣ်အပူၤလၢအကတဲာ်ကတီၤပာ်ဝဲအိၣ်လၢကီၢ် ကနၤဧၣ်အပူၤန့ၣ်လီၤ. အဃိဝံသးစူၤပျဲယလဲၤဒီးခူၣ်လီၤယပၢ်, ဝံၤဒီးယကဟဲက့ၤကဒါက့ၤလီၤ.”

လံာ်တၢ်ကဲထီၣ်အခီၣ်ထံး 50:5 Iomraidhean Croise

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်တၢ်ကဲထီၣ်အခီၣ်ထံး 48:21

အန့ၣ်ဒီး, စီၤယၤကိာ်စံးဘၣ်စီၤယိၤသး, “ဒ်နထံၣ်အသိး, ယကသံဘူးထီၣ်လံ. ဘၣ်ဆၣ်ဒီး, ကစၢ်ယွၤကအိၣ်ဒီးနၤ, ဒီးကဆှၢကဒါက့ၤနၤဆူနမိၢ်ပၢ်ဖံဖုလၢပျၢၤတဖၣ်အကီၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

လံာ်တၢ်ကဲထီၣ်အခီၣ်ထံး 50:4

တုၤဟီၣ်တၢ်ယၢၤတၢ်အဆၢကတီၢ်ပူၤကွံာ်ဝဲန့ၣ်, စီၤယိၤသးစံးဘၣ်စီၤပၤအပဒိၣ်ပပှၢ်တဖၣ်, “ဝံသးစူၤလဲၤ စိာ်တၢ်ကစီၣ်အံၤဆူစီၤပၤအအိၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 50:6

စီၤပၤစံးဆၢဝဲ, “လဲၤဒီးခူၣ်လီၤနပၢ်ဒ်နဆိၣ်တ့ၢ်တၢ်ဒီး အီၤလၢနကမၤအီၤအသိးန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:14

ဒီးဘၣ်တၢ်ခူၣ်လီၤကွံာ်အီၤလၢတၢ်သွၣ်ခိၣ်လၢၢ်အပူၤလၢစိးပျၤ ဝဲလၢအဂီၢ်ဒၣ်ဝဲလၢစီၤဒၤဝံးအဝ့ၢ်ပူၤန့ၣ်လီၤ. အဝဲသ့ၣ်သူဝဲတၢ်နၢမူတဖၣ်ဒီးသိနၢမူတဖၣ်လၢကကတဲာ်ကတီၤ အစိၣ်လၢတၢ်ကခူၣ်လီၤကွံာ်အီၤအဂီၢ်, ဒီးအဝဲသ့ၣ်မၤထီၣ်တၢ်ဆူးကဲၤမ့ၣ်အူဖးဒိၣ်တခါဒ်သိးကသူၣ် အုးသးအုးလၢအဝဲအတၢ်သံအဃိန့ၣ်လီၤ.

လံာ်စီၤယိၤဘး 30:23

ယသ့ၣ်ညါလၢနကစိာ်လီၤယၤဆူတၢ်သံဒီးဆူတၢ်လီၢ်လၢ အဘၣ်တၢ်တိာ်ပာ်အီၤလၢ ပှၤကိးဂၤဒဲးအဂီၢ်န့ၣ်လီၤ.

စံးထီၣ်ပတြၢၤ 79:3

အဝဲသ့ၣ်လူလီၤနပှၤဂီၢ်မုၢ်အသွံၣ်ဒ်ထံအသိး သွံၣ်လၢအယွၤလီၤဒ်ထံအသိးသကုၤဝ့ၢ်ယရူၤၡလ့ၣ် ဒီးပှၤလၢကခူၣ်လီၤကွံာ်ပှၤသံတအိၣ်တ့ၢ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 12:5

နကပျံၤတၢ်လီၢ်ထီၣ်ထီတဖၣ်ဒီးတၢ်ဟးလိာ်ကွဲကမ့ၢ်တၢ်လီၤဘၣ်ယိၣ်, နခိၣ်သူကဝါထီၣ်, နတွံၢ်ထီၣ်တွံၢ်လီၤနသးဒၣ်လဲာ်ကကီလၢနဂီၢ်, ဒီးနတၢ်သူၣ်လီသးကွံကလီၤမၢ်ကွံာ်ခဲလၢာ်လီၤ. ပလဲၤတၢ်ပတၢ်အိၣ်ဘှံးအလီၢ်လၢခံကတၢၢ်ဒီး, အန့ၣ်ဝံၤတၢ်ဟီၣ်တၢ်ယၢၤကအိၣ်လၢကျဲတဖၣ်အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်ယၡါယၤ 22:16

“နဆိကမိၣ်လီၤနသးလၢနမ့ၢ်မတၤလဲၣ်. လၢနကစိးပျၤတၢ်သွၣ် ခိၣ်တပူၤလၢနဂီၢ်ဒၣ်နဲဖဲလ့ကစၢၢ်ကပၤအဂီၢ်န့ၣ်, နအိၣ်ဒီးတၢ်ခွဲး တၢ်ယာ်မနုၤလဲၣ်.

လံာ်မးသဲ 27:60

ဒီးပာ်လီၤအီၤလၢအဝဲဒၣ်အနီၢ်ကစၢ်ဒၣ်ဝဲအတၢ်သွၣ်ခိၣ် အပူၤ, လၢအစိးပျၤန့ၢ်ဝဲလၢလ့အကပၤဖဲတယံာ်ဒံးဘၣ် အကတီၢ်န့ၣ်လီၤ. ဝံၤဒီး, တလ့ၣ်တံၢ်လၢၢ်ဖးဒိၣ်တဖျၢၣ် လၢတၢ်သွၣ်ခိၣ်အပူၤအခိၣ်ထိးဒီးဟးထီၣ်ကွံာ်ဝဲဖဲန့ၣ်လီၤ.

လံာ်သိၣ်လီၤသီလီၤတၢ် 4:22

ယကသံလၢကီၢ်အံၤအပူၤဒီးတခီဂာ်ဘၣ်ထံကျိနီတစုဘၣ်. မ့မ့ၢ်, သုဝဲသ့ၣ်အံၤဘူးတ့ၢ်မးလၢသုကခီဂာ်ဘၣ်အီၤဒီးမၤ န့ၢ်ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:43

တုၤနုၤတစု, စီၤစီလူးသံကွၢ်စီၤယိနၤသၣ်, “နမၤတ့ၢ်တၢ်မ နုၤလဲၣ်.” ဒီးစီၤယိနၤသၣ်စံးဆၢဝဲ, “ယအီၣ်ဘၣ်ကနဲစီ တစဲးလီၤ. ကွၢ်ကွၢ်, ယၤလီၤ. ယအိၣ်ကတဲာ်ကတီၤယသးလၢတၢ်သံအဂီၢ်လီၤ.”