လံာ်တၢ်ကဲထီၣ်အခီၣ်ထံး 50:23 - Sgaw Karen Common Bible

²³ အဝဲအိၣ်မူဝဲတုၤအထံၣ်ဘၣ်စီၤအ့ဖရဲၣ်အဖိတဖၣ်ဒီးအလံၤတဖၣ် န့ၣ်လီၤ. အဝဲအိၣ်မူဘၣ်စ့ၢ်ကီးဝဲတုၤလၢအဒိးန့ၢ်ဘၣ်စီၤမနၤၡ့ၤအဖိ ခွါစီၤမၤကံၢ်အဖိတဖၣ်လၢအဝဲအဒူၣ်ဖိထၢဖိအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 50:23 Iomraidhean Croise

လံာ်တၢ်ကဲထီၣ်အခီၣ်ထံး 30:3

ဒီးနီၢ်ရၤဃ့လးစံးဝဲ, “ယကုၢ်ပိာ်မုၣ်နီၢ်ဘံၤလဟၤအိၣ်ဖဲအံၤလီၤ. မံဒီးအီၤဒ်သိးအဖိကအိၣ်လၢယဂီၢ်န့ၣ်တက့ၢ်. လၢကျဲဒ်အံၤယကကဲထီၣ်မိၢ်တဂၤခီဖျိအီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 49:12

အမဲာ်ချံတဖၣ်ဂီၤဆှူၣ်ကလာ်လၢအအီစပံးထံအဃိ, အမဲတဖၣ်ဝါဝဲလၢအအီတၢ်နုၢ်ထံအဃိလီၤ.

လံာ်တၢ်ကဲထီၣ်အခီၣ်ထံး 50:22

စီၤယိၤသးအိၣ်ဒံးဝဲဆူညါလၢကီၢ်အဲၤကူပတူးအပူၤဃုာ်ဒီး အပၢ်အဒူၣ်ဖိထၢဖိန့ၣ်လီၤ. ဖဲအဝဲသံန့ၣ်အသးအိၣ်အနံၣ်တကယၤတဆံန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:14

စီၤမနၤၡ့ၤအဖိခွါခံဂၤလၢအဒိးန့ၢ်ဝဲလၢအသံၣ်မါပှၤအရၣ် မုၣ်န့ၣ်မ့ၢ်ဝဲစီၤအၤစရံၤအ့လးဒီးစီၤမၤကံၢ်န့ၣ်လီၤ. စီၤမၤကံၢ်န့ၣ်မ့ၢ်စီၤကံးလဧးအပၢ်န့ၣ်လီၤ.

လံာ်စီၤယိၤဘး 42:16

တၢ်န့ၣ်အလီၢ်ခံစီၤယိၤဘးမူဒံးဝဲအနံၣ်တကယၤလွံၢ်ဆံ, ဒီးထံၣ်ဘၣ်အဖိခွါတဖၣ်, ဒီးအဖိခွါတဖၣ်အဖိခွါလွံၢ်စိၤ လီၤ.

စံးထီၣ်ပတြၢၤ 128:6

မ်နကထံၣ်ဘၣ်နဖိတဖၣ်အဖိတက့ၢ်. မ်တၢ်ဃူတၢ်ဖိးအိၣ်ဒီးအံၣ်စရ့လးတက့ၢ်.

တၢ်ကတိၤဒိ. 17:6

ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

လံာ်တၢ်ဂံၢ် 32:33

မၤသးဒ်န့ၣ်ဒီး, စီၤမိၤၡ့ဟ့ၣ်လီၤကယဲၢ်လီၢ်ကဝီၤလၢအဘၣ်ဃး ဒီးပှၤအမိၢ်ဖိတဖၣ်အစီၤပၤစံဃိၣ်ဒီးကီၢ်ဘၤၡၣ်အစီၤပၤဧိာ် ဃုာ်ဒီးဝ့ၢ်တဖၣ်ဒီးတၢ်လီၢ်အိၣ်ခိၣ်အိၣ်ဃၢၤဆူဒူၣ်တဖၣ်လၢ အမ့ၢ်, ကး, ရူၤဘ့ၣ်ဒီးမနၤၡ့ၣ်တခီဒူၣ်အအိၣ်န့ၣ်လီၤ.

လံာ်တၢ်ဂံၢ် 32:39

စီၤမနၤၡ့ၤအဖိခွါစီၤမၤကံၢ်အဒူၣ်ထၢနုာ်လီၤဒုးကီၢ်ကံးလ ဧး, မၤန့ၢ်အီၤဒီးဟီထီၣ်ကွံာ်ပှၤအမိၢ်ဖိတဖၣ်လၢအအိၣ်ဖဲန့ၣ် လီၤ.

လံာ်စီၤယိၤၡူ 17:1

ဝံၤဒီးတၢ်နီၤလီၤန့ၢ်ထံကီၢ်လၢမနၤၡ့ၤအဒူၣ်အဂီၢ်မ့ၢ်လၢအဝဲ မ့ၢ်စီၤယိၤသးအဖိဝဲၢ်ကိအဃိန့ၣ်လီၤ. လၢမနၤၡ့ၤအဖိဝဲၢ်ကိ စီၤမၤကံၢ်လၢအမ့ၢ်စီၤ ကံးလဧးအပၢ်အဂီၢ်တၢ်နီၤလီၤန့ၢ်အီၤကီၢ်ကံးလဧးဒီးကီၢ်ဘၤၡၣ်လၢအအိၣ်လၢထံကျိယၢ်ဒ့ၣ်အမုၢ်ထီၣ်, မ့ၢ်လၢအဝဲမ့ၢ်သုးဖိလၢအဒူတဂၤအဃိန့ၣ်လီၤ.