လံာ်တၢ်ကဲထီၣ်အခီၣ်ထံး 50:21 - Sgaw Karen Common Bible

²¹ သုပျံၤတၢ်ဖုးတၢ်အလီၢ်တအိၣ်နီတမံၤဘၣ်. ယကကွၢ်ထွဲသုဒီးသုဖိတဖၣ်လီၤ.” လၢတၢ်န့ၣ်အဃိ, အဝဲဒုးသးခူတလ့ၢ်က့ၤတ့ၢ်အဝဲသ့ၣ်ဒီးတၢ်မၤမုာ်မၤခုၣ်အတၢ် ကတိၤတဖၣ်လၢအမၤဘၣ်ဒိမးအဝဲသ့ၣ်အသးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:21 Iomraidhean Croise

လံာ်တၢ်ကဲထီၣ်အခီၣ်ထံး 34:3

ဘၣ်ဆၣ်အဝဲထံၣ်ဘၣ်ဝဲလၢပိာ်မုၣ်ဖိသၣ်န့ၣ်အိၣ်ဒီးအတၢ်ရဲၢ်သံ တုၤဒၣ်လဲာ်အဝဲအဲၣ်ဘၣ်အီၤဒီးကျဲးစၢးမၤန့ၢ်အတၢ်အဲၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 45:5

ခဲကနံၣ်အံၤတဘၣ်သးတံာ်တာ်မ့ၢ်ဂ့ၤ, ပာ်ဒ့ၣ်ပာ်ကမၣ်လီၤသုသး မ့ၢ်ဂ့ၤ, လၢသုဆါလီၤကွံာ်ယၤဖဲအံၤအဃိတဂ့ၤ. ပှၤလၢအဆှၢလီၤဆိယၤလၢသုမဲာ်ညါ, ဒ်သိးကအုၣ်က့ၤခီၣ်က့ၤပှၤ ဂီၢ်မုၢ်အသးသမူတဖၣ်န့ၣ်, မ့ၢ်နီၢ်နီၢ်ကစၢ်ယွၤလီၤ.

လံာ်တၢ်ကဲထီၣ်အခီၣ်ထံး 47:12

စီၤယိၤသးလုၢ်အီၣ်လုၢ်အီအပၢ်, အဒီပုၢ်ဝဲၢ်ခွါတဖၣ်ဒီးကယဲၢ် အပၢ်အဒူၣ်ဖိထၢဖိအဂၤတုၤလၢပှၤအသးစၢ်ကတၢၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:22

စီၤယိၤသးအိၣ်ဒံးဝဲဆူညါလၢကီၢ်အဲၤကူပတူးအပူၤဃုာ်ဒီး အပၢ်အဒူၣ်ဖိထၢဖိန့ၣ်လီၤ. ဖဲအဝဲသံန့ၣ်အသးအိၣ်အနံၣ်တကယၤတဆံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:22

စီၤဃံးစကံယၤစံးထီၣ်ပတြၢၤပှၤလ့ၤဝံဖိတဖၣ်လၢအဝဲသ့ၣ် အတၢ်သ့တၢ်ဘၣ်လၢကဆှၢတၢ်ဘူၣ်ထီၣ်ဘါထီၣ်ယွၤအဃိ န့ၣ်လီၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်မးသဲ 5:44

ဘၣ်ဆၣ်ဒီး အခဲအံၤယစံးဘၣ်သု, အဲၣ်သုဒုၣ်သုဒါဒီးဃ့ထုကဖၣ် ယွၤလၢပှၤလၢအမၤနးမၤဖှီၣ်သုတဖၣ်အဂီၢ်တက့ၢ်.

လံာ်မးသဲ 6:14

အဂ့ၢ်ဒ်အံၤ, သုမ့ၢ်ပျၢ်တၢ်ကမၣ်လၢပှၤဂၤမၤဘၣ်သုဒီး သုပၢ်အိၣ်လၢမူခိၣ်ကပျၢ်စ့ၢ်ကီးသုတၢ်ကမၣ်န့ၣ်လီၤ.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

လံာ်ပှၤစံၣ်ညီၣ်ကွီၢ် 19:3

တုၤနုၤတစု, ပှၤတဂၤန့ၣ်ပာ်လီၤအသးလၢကလဲၤလူၤက့ၤအီၤဒီး ကျဲးစၢးကွဲက့ၤအီၤလၢအကဟဲက့ၤကဒါက့ၤဆူအအိၣ်လီၤ. အဝဲလဲၤတၢ်ဒီးအခ့အပှၤတဂၤဒီးကသ့ၣ်ယီၤခံဒုန့ၣ်လီၤ. ဒီးပိာ်မုၣ်န့ၣ်ဆှၢပှၤလ့ၤဝံဖိန့ၣ်ဆူအဟံၣ်ပူၤဒီးဖဲအပၢ် ထံၣ်အီၤန့ၣ်တူၢ်လိာ်မုာ်အီၤလီၤ.