လံာ်တၢ်ကဲထီၣ်အခီၣ်ထံး 50:2 - Sgaw Karen Common Bible

² ဝံၤဒီးစီၤယိၤသးဟ့ၣ်လီၤအကလုၢ်ဒ်သိးပှၤကဖှူအပၢ်အစိၣ်လၢ ကသံၣ်ဒ်သိးအစိၣ်သုတဟးဂီၤတဂ့ၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:2 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 50:1

စီၤယိၤသးစုးလီၤအသးလၢအပၢ်အဖီခိၣ်, ဟီၣ်ယၢၤဝဲဒီးနၢမူ အပၢ်အမဲာ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:26

စီၤယိၤသးသံကွံာ်ဝဲလၢကီၢ်အဲၤကူပတူးအပူၤဖဲအသးအိၣ် အနံၣ်တကယၤတဆံန့ၣ်လီၤ. အဝဲသ့ၣ်ဖှူအစိၣ်လၢကသံၣ်ဒ်သိးအသုတဟးဂီၤတဂ့ၤဒီးဒၢနုာ် အီၤဆူကျုာ်တဖျၢၣ်အပူၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:14

ဒီးဘၣ်တၢ်ခူၣ်လီၤကွံာ်အီၤလၢတၢ်သွၣ်ခိၣ်လၢၢ်အပူၤလၢစိးပျၤ ဝဲလၢအဂီၢ်ဒၣ်ဝဲလၢစီၤဒၤဝံးအဝ့ၢ်ပူၤန့ၣ်လီၤ. အဝဲသ့ၣ်သူဝဲတၢ်နၢမူတဖၣ်ဒီးသိနၢမူတဖၣ်လၢကကတဲာ်ကတီၤ အစိၣ်လၢတၢ်ကခူၣ်လီၤကွံာ်အီၤအဂီၢ်, ဒီးအဝဲသ့ၣ်မၤထီၣ်တၢ်ဆူးကဲၤမ့ၣ်အူဖးဒိၣ်တခါဒ်သိးကသူၣ် အုးသးအုးလၢအဝဲအတၢ်သံအဃိန့ၣ်လီၤ.

လံာ်မးသဲ 26:12

တၢ်လၢအဝဲမၤန့ၣ် မ့ၢ်တၢ်လူလီၤသိနၢမူအံၤလၢယနီၢ်ခိအလိၤ, ဒ်သိးကကတဲာ်ကတီၤယၤလၢတၢ်ခူၣ်လီၤကွံာ်အဂီၢ်လီၤ.

လံာ်မၢ်ကူး 14:8

ပိာ်မုၣ်အံၤတၢ်လၢအမၤဝဲသ့န့ၣ်မၤတ့ၢ်ဝဲလံ. ဟဲဒီးဖှူဆိပာ်လံ ယလိၤဒ်အမ့ၢ်တၢ်ကတဲာ်ကတီၤယနီၢ်ခိလၢတၢ်ခူၣ်လီၤအီၤ အဂီၢ်န့ၣ်လီၤ.

လံာ်မၢ်ကူး 16:1

တုၤပှၤယူဒၤဖိအမုၢ်အိၣ်ဘှံးနံၤပူၤကွံာ်ဒီး, ပှၤမၤကဒါလၣ်မုၣ်နီၢ်မၤရံ, စီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်တဖၣ်ပှ့ၤန့ၢ်သိနၢမူလၢအကလဲၤဖှူဝဲယ့ၣ်ၡူး အဂီၢ်န့ၣ်လီၤ.

လံာ်လူၤကၣ် 24:1

ဖဲမုၢ်ခီၣ်ထံးအနံၤ, ဂီၤခီဂီၤဂီၤအဆၢကတီၢ်န့ၣ်, ပိာ်မုၣ်တဖၣ်လဲၤဆူပှၤသွၣ်ခိၣ်အပူၤ, စိာ်ဃုာ်ဒီးတၢ်နၢမူလၢ အဝဲသ့ၣ်အိၣ်ကတဲာ်ကတီၤပာ်ဝဲတဖၣ်န့ၣ်လီၤ.

လံာ်ယိၤဟၣ် 12:7

ဘၣ်ဆၣ်ယ့ၣ်ၡူးစံးဝဲဒၣ်, “မၤတံာ်တာ်ပိာ်မုၣ်အံၤတဂ့ၤ. ပျဲအဝဲပာ်ဃာ်တၢ်အံၤလၢတၢ်ခူၣ်လီၤယၤအမုၢ်တနံၤ အဂီၢ်န့ၣ်တက့ၢ်.