လံာ်တၢ်ကဲထီၣ်အခီၣ်ထံး 50:17 - Sgaw Karen Common Bible

¹⁷ အဝဲမၢတ့ၢ်ပှၤလၢပကတဲဘၣ်နၤ, ဝံသးစူၤပျၢ်ကွံာ်တၢ်ကမၣ်လၢ နဒီပုၢ်ဝဲၢ်ခွါတဖၣ်မၤတ့ၢ်ဝဲ, ဖဲအမၤကမၣ်ဘၣ်နၤအခါတက့ၢ်.’ ခဲအံၤဝံသးစူၤပျၢ်ပှၤ, နပၢ်အကစၢ်ယွၤအကုၢ်အပှၤတဖၣ်, အတၢ်ကမၣ်လၢအမၤဘၣ်တ့ၢ်ဝဲတက့ၢ်.” စီၤယိၤသးဟီၣ်ဝဲ, ဖဲအဝဲန့ၢ်ဘၣ်တၢ်ကစီၣ်အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 50:17 Iomraidhean Croise

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

လံာ်တၢ်ကဲထီၣ်အခီၣ်ထံး 45:8

လၢတၢ်န့ၣ်အဃိပှၤလၢအဆှၢယၤဖဲအံၤနီၢ်နီၢ်တမ့ၢ်သုဘၣ်. မ့ၢ်ဒၣ်ကစၢ်ယွၤန့ၣ်လီၤ. အဝဲဒုးကဲထီၣ်တ့ၢ်ယၤလၢစီၤပၤ အပဒိၣ်အဒိၣ်ကတၢၢ်န့ၣ်လီၤ. ယမ့ၢ်ပှၤဘၣ်မူဘၣ်ဒါလၢထံကီၢ်ဒီဘ့ၣ်အဂီၢ်, ဒီးယမ့ၢ်ပှၤပၢဘၣ်ကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 49:25

အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်,

လံာ်တၢ်ကဲထီၣ်အခီၣ်ထံး 50:16

လၢတၢ်န့ၣ်အဃိ, အဝဲသ့ၣ်ဆှၢလီၤတၢ်ကစီၣ်တမံၤဆူစီၤယိၤသး အအိၣ်စံးဝဲ, “တချုးလၢပပၢ်သံဒံးဘၣ်န့ၣ်,

လံာ်တၢ်ကဲထီၣ်အခီၣ်ထံး 50:18

အန့ၣ်ဒီး, အဒီပုၢ်ဝဲၢ်ခွါတဖၣ်အကစၢ်ဒၣ်ဝဲဟဲဒီးတီၤလီၤလၢ အမဲာ်ညါလီၤ. အဝဲသ့ၣ်စံးဝဲ, “ပအိၣ်လၢနမဲာ်ညါဖဲအံၤ, ဒ်နကုၢ်နပှၤတဖၣ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်မးသဲ 10:42

နာ်ယၤတက့ၢ်. ပှၤလၢအဟ့ၣ်အီပှၤအဆံးကတၢၢ်လၢသုကျါတဂၤ လၢအမ့ၢ်ယပျဲၢ်ယဘီၣ်အဃိလၢထံခုၣ်ထဲတလီခီဒၣ်လဲာ်န့ၣ်, ကန့ၢ်ဘၣ်တၢ်ဘျုးလၢယွၤအအိၣ်သပှၢ်ကတၢၢ်လီၤ.”

လံာ်မးသဲ 18:35

လၢတၢ်န့ၣ်အဃိ, သုမ့ၢ်တပျၢ်ကွံာ်ဘၣ်သုဒီပုၢ်ဝဲၢ်အတၢ်ကမၣ်လၢသုသးကံၢ်ပူၤ ဘၣ်ဒီး, ယပၢ်လၢမူခိၣ်ကမၤသုဒ်န့ၣ်အသိးစ့ၢ်ကီးလီၤ.”

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်မၢ်ကူး 10:41

တုၤအပျဲၢ်အဘီၣ်အဂၤတဆံနၢ်ဟူတၢ်အံၤဒီး, အဝဲသ့ၣ်သးဒိၣ်ဘၣ်စီၤယၤကိာ်ဒီးစီၤယိၤဟၣ်န့ၣ်လီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

ကလၤတံ 6:16

မ့မ့ၢ်ပှၤလၢအပိာ်ထွဲတၢ်ဘျၢအဝဲအံၤလၢအတၢ်အိၣ်မူ အပူၤန့ၣ်, မ်တၢ်ဃူတၢ်ဖိးဒီးတၢ်သးကညီၤအိၣ်ဒီးအဝဲသ့ၣ်ဒီး ကစၢ်ယွၤအပှၤဂီၢ်မုၢ်ခဲလၢာ်န့ၣ်တက့ၢ်.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.