လံာ်တၢ်ကဲထီၣ်အခီၣ်ထံး 50:11 - Sgaw Karen Common Bible

¹¹ တုၤကီၢ်ကနၤဧၣ်အထံဖိကီၢ်ဖိတဖၣ်ထံၣ်ဘၣ်ပှၤဂီၢ်မုၢ်တဖၣ်အံၤ ဟီၣ်ဝဲယၢၤဝဲဖဲအၤတၤန့ၣ်အဝဲသ့ၣ်စံးဝဲ, “ပှၤကီၢ်အဲၤကူပတူးဖိတဖၣ်မၤတၢ်ဟီၣ်တၢ်ယၢၤအမူးတမူးအံၤ လီၤသညူးသပှၢ်နးလဲၣ်.” လၢတၢ်န့ၣ်အဃိ, တၢ်လီၢ်န့ၣ်ဘၣ်တၢ်ကိးအမံၤလၢ, “ဟ့းဘ့ၤလးမံးစရၤယံၣ်” န့ၣ်လီၤ.

လံာ်တၢ်ကဲထီၣ်အခီၣ်ထံး 50:11 Iomraidhean Croise

လံာ်တၢ်ကဲထီၣ်အခီၣ်ထံး 13:7

မၤသးဒ်န့ၣ်ဒီး, တၢ်အ့ၣ်လိာ်ဆိးက့လိာ်အိၣ်ထီၣ်ဝဲဒၣ်လၢပှၤလၢ အကွၢ်စီၤအၤဘြၣ်အဆၣ်ဖိကီၢ်ဖိဒီးပှၤလၢအကွၢ်စီၤလိာ်အဆၣ်ဖိ ကီၢ်ဖိတဖၣ်အဘၢၣ်စၢၤန့ၣ်လီၤ. (အကတီၢ်ဖဲန့ၣ်ပှၤကနၤဧၣ်ဖိဒီးပှၤပရးစၤဖိအိၣ်ဆိးဒံးဝဲ လၢကီၢ်ပူၤန့ၣ်လီၤ).

လံာ်တၢ်ကဲထီၣ်အခီၣ်ထံး 24:6

စီၤအၤဘြၤဟၣ်စံးဆၢအီၤ, “မၤလီၤတံၢ်လၢနသုတဒုးက့ၤကဒါ က့ၤဘၣ်ယဖိခွါဖဲန့ၣ်တဂ့ၤ.

လံာ်တၢ်ကဲထီၣ်အခီၣ်ထံး 34:30

စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 50:10

ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်တၢ်ကဲထီၣ်အခီၣ်ထံး 50:12

ဒီးစီၤယၤကိာ်အဖိခွါတဖၣ်မၤတ့ၢ်တၢ်ဒ်အပၢ်မၤလိာ်တ့ၢ်အ ဝဲသ့ၣ်အသိး,

လံာ်သိၣ်လီၤသီလီၤတၢ် 11:30

(ကစၢၢ်ခံဖျၢၣ်အံၤအိၣ်ဝဲလၢထံကျိယၢ်ဒ့ၣ်, အမုၢ်နုာ်, ဖဲပှၤကနၤဧၣ်ဖိတဖၣ်လၢအအိၣ်ဆိးဖဲယၢ်ဒ့ၣ်အတြီၤပူၤ, အလီၢ်ကဝီၤပူၤန့ၣ်လီၤ. အဝဲသ့ၣ်အိၣ်ဝဲဒၣ်လၢမုၢ်နုာ်တကပၤ, တယံၤကဲာ်ဆိးဘၣ်ဒီးကီၢ်မိၤရံယၤအသ့ၣ်စီဆှံ တဖၣ်လၢအအိၣ်ဖဲဝ့ၢ်ကံးလကၤလးအကပၤဘၣ်န့ၣ်လီၤ.)

လံာ်သိၣ်လီၤသီလီၤတၢ် 3:25

ယွၤဧၢ, ပျဲယခီဂာ်ထံကျိယၢ်ဒ့ၣ်ဒီးပျဲယထံၣ်ဘၣ်ကီၢ်လၢအပှဲၤ ဒီးဟီၣ်ခိၣ်ညၣ်ထ့ၣ်အဂ့ၤလၢအအိၣ်လၢထံကျိဘးခီ, တၢ်လူၢ်တၢ်တြီၤအကီၢ်ဃံလၤဒီးလဘၤနိၣ်အကစၢ်ကလိတဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 3:27

လဲၤထီၣ်ဆူကစၢၢ်ပံးစကၤအခိၣ်ထိးဒီးကွၢ်ဃီၤတၢ်ဆူကလံၤစိး ဒီးဆူကလံၤထံး, ဆူမုၢ်ထီၣ်ဒီးဆူမုၢ်နုာ်န့ၣ်တက့ၢ်. ကွၢ်တၢ်လၢနထံၣ်ဘၣ်အီၤန့ၣ်လီၤတံၢ်လီၤဆဲးတက့ၢ်. အဂ့ၢ်ဒ်အံၤ, နတလဲၤခီဂာ်ဘၣ်ထံကျိယၢ်ဒ့ၣ်လ့ၤတက့ၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 6:18

အဝဲသ့ၣ်ဆှၢလီၤစ့ၢ်ကီးယုၢ်အဂီၤသိအသးလၢထူလၢဝ့ၢ်တဖၣ်လၢ အဘၣ်တၢ်ပၢအီၤလၢပှၤဖလ့ၡသးဖိအစီၤပၤယဲၢ်ဂၤအဂီၢ်, တဒုစုာ်စုာ်န့ၣ်, လၢဝ့ၢ်အိၣ်ဒီးအခိၣ်ဒူတဖၣ်အဂီၢ်ဒီးဒူသဝီ လၢတအိၣ်ဒီးအခိၣ်ဒူတဖၣ်အဂီၢ်စ့ၢ်ကီးလီၤ. လ့ဖးဒိၣ်လၢအအိၣ်လၢစီၤယိၤၡူအစံာ်ပျီပူၤလၢဝ့ၢ်ဘ့ၤသၡ့မ့ၣ်, လၢတၢ်ပာ်ထီၣ်ယွၤအတၢ်အၢၣ်လီၤအီလီၤအတလါန့ၣ်အိၣ်ဒံးဝဲဖဲန့ၣ် ဒ်တၢ်အုၣ်အသးတမံၤလၢတၢ်မၤတ့ၢ်အသးအဂီၢ်န့ၣ်လီၤ.