လံာ်တၢ်ကဲထီၣ်အခီၣ်ထံး 50:10 - Sgaw Karen Common Bible

¹⁰ ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်တၢ်ကဲထီၣ်အခီၣ်ထံး 50:10 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 50:11

တုၤကီၢ်ကနၤဧၣ်အထံဖိကီၢ်ဖိတဖၣ်ထံၣ်ဘၣ်ပှၤဂီၢ်မုၢ်တဖၣ်အံၤ ဟီၣ်ဝဲယၢၤဝဲဖဲအၤတၤန့ၣ်အဝဲသ့ၣ်စံးဝဲ, “ပှၤကီၢ်အဲၤကူပတူးဖိတဖၣ်မၤတၢ်ဟီၣ်တၢ်ယၢၤအမူးတမူးအံၤ လီၤသညူးသပှၢ်နးလဲၣ်.” လၢတၢ်န့ၣ်အဃိ, တၢ်လီၢ်န့ၣ်ဘၣ်တၢ်ကိးအမံၤလၢ, “ဟ့းဘ့ၤလးမံးစရၤယံၣ်” န့ၣ်လီၤ.

လံာ်တၢ်ကဲထီၣ်အခီၣ်ထံး 50:3

တၢ်ဖှူကသံၣ်ဒ်သိးအံၤညီနုၢ်ယံာ်ဝဲအသီလွံၢ်ဆံလီၤ. ပှၤအဲၤကူပတူးဖိတဖၣ်ဟီၣ်တၢ်ယၢၤတၢ်လၢအဃိအသီ နွံဆံလီၤ.

လံာ်တၢ်ကဲထီၣ်အခီၣ်ထံး 50:4

တုၤဟီၣ်တၢ်ယၢၤတၢ်အဆၢကတီၢ်ပူၤကွံာ်ဝဲန့ၣ်, စီၤယိၤသးစံးဘၣ်စီၤပၤအပဒိၣ်ပပှၢ်တဖၣ်, “ဝံသးစူၤလဲၤ စိာ်တၢ်ကစီၣ်အံၤဆူစီၤပၤအအိၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 50:9

ပှၤဒိးလ့ၣ်ကဟၣ်တဖၣ်, ပှၤဒိးကသ့ၣ်တဖၣ်လဲၤဃုာ်တၢ်ဒီးအီၤစ့ၢ် ကီးလီၤ. ပှၤလဲၤတၢ်တဖၣ်န့ၣ်မ့ၢ်ပှၤဂီၢ်မုၢ်ဖးဒိၣ်တဖုလီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:17

စီၤဒၤဝံးသးဝံၣ်တ့ၢ်တၢ်မိၣ်တၢ်မးအတၢ်သးဝံၣ်အံၤလၢ စီၤစီလူးဒီးအဖိခွါစီၤယိနၤသၣ်အဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 11:26

ဖဲနီၢ်ဘၤသၡ့ဘၤနၢ်ဟူဘၣ်လၢအဝၤဘၣ်တၢ်မၤသံကွံာ်အီၤန့ၣ် အဝဲဟီၣ်တၢ်ယၢၤတၢ်လၢအဝၤအတၢ်သံအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:12

ပှၤကညီအဒူကတၢၢ်တဖၣ်လဲၤဒီးဟံးန့ၢ်စီၤစီလူးဒီးအဖိခွါ တဖၣ်အစိၣ်, ဒီးဟဲက့ၤစိာ်ဝဲဆူဝ့ၢ်ယၤဘ့ၣ်န့ၣ်လီၤ. ဒီးခူၣ်လီၤကွံာ်အဝဲသ့ၣ်ဖဲသ့ထိးဖၣ်တထံးအဖီလာ်ဒီးဒုၣ်တၢ် အီၣ်နွံနံၤန့ၣ်လီၤ.

လံာ်စီၤယိၤဘး 2:13

ဒီးအဝဲသ့ၣ်ဆ့ၣ်နီၤဃုာ်ဒီးအီၤလၢဟီၣ်ခိၣ်လိၤနွံနံၤဒီး နွံနၤ, ဒီးတကတိၤတၢ်ဒီးအီၤနီတဂၤဘၣ်. အဂ့ၢ်ဒ်အံၤအဝဲသ့ၣ် ထံၣ်ဘၣ်ဝဲလၢအတၢ်နးတၢ်ဖှီၣ်ဒိၣ်နီၢ်မးန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:5

နကပျံၤတၢ်လီၢ်ထီၣ်ထီတဖၣ်ဒီးတၢ်ဟးလိာ်ကွဲကမ့ၢ်တၢ်လီၤဘၣ်ယိၣ်, နခိၣ်သူကဝါထီၣ်, နတွံၢ်ထီၣ်တွံၢ်လီၤနသးဒၣ်လဲာ်ကကီလၢနဂီၢ်, ဒီးနတၢ်သူၣ်လီသးကွံကလီၤမၢ်ကွံာ်ခဲလၢာ်လီၤ. ပလဲၤတၢ်ပတၢ်အိၣ်ဘှံးအလီၢ်လၢခံကတၢၢ်ဒီး, အန့ၣ်ဝံၤတၢ်ဟီၣ်တၢ်ယၢၤကအိၣ်လၢကျဲတဖၣ်အပူၤန့ၣ်လီၤ.

လံာ်တၢ်ဂံၢ် 19:11

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါန့ၣ်ကဲထီၣ်တၢ် တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးနွံသီန့ၣ်လီၤ.

လံာ်တၢ်ဂံၢ် 20:29

ပှၤဂီၢ်မုၢ်ဒီဒူၣ်ဒီထၢသ့ၣ်ညါဝဲလၢစီၤအၤဟရိၣ်သံလံဒီး အဝဲသ့ၣ်ခဲလၢာ်ဟီၣ်ဝဲယၢၤဝဲလၢအဃိအသီသၢဆံန့ၣ်လီၤ.

မၤတၢ် 8:2

သနာ်က့ဒီး, ပှၤအဲၣ်ထူအဲၣ်ယွၤတနီၤခူၣ်လီၤကွံာ်စီၤစတ့းဖၣ်ဒီးဟီၣ်တၢ် ယၢၤတၢ်လၢအဃိဒိၣ်ဒိၣ်ကလဲာ်လီၤ.

လံာ်သိၣ်လီၤသီလီၤတၢ် 1:1

လၢလံာ်အံၤအပူၤအိၣ်ဒီးတၢ်ကတိၤတဖၣ်လၢစီၤမိၤၡ့ကတိၤတ့ၢ် ဝဲဆူကီၢ်အံၣ်စရ့လးအပှၤဂီၢ်မုၢ်, ဖဲအဝဲသ့ၣ်အိၣ်လၢပှၢ်မုၢ်ကနၢအပူၤလၢထံကျိယၢ်ဒ့ၣ်အမုၢ်ထီၣ် အခါန့ၣ်လီၤ. အဝဲသ့ၣ်အိၣ်လၢထံကျိယၢ်ဒ့ၣ်အတၢ်တြီၤပူၤဘူးဒီးဝ့ၢ်စူး, လၢအအိၣ်ဖဲလၢတၢ်ဘၢၣ်စၢၤဖဲတခီမ့ၢ်ဝ့ၢ်ပၤရၣ်ဒီးလၢအဂၤတခီ န့ၣ်အိၣ်ဒီးဝ့ၢ်တိဖလး, ဝ့ၢ်လၤဘၣ်, ဝ့ၢ်ဃစ့ရိးဒီးဝ့ၢ်ဒံစၤဟးတဖၣ်န့ၣ်လီၤ.

လံာ်သိၣ်လီၤသီလီၤတၢ် 34:8

ကီၢ်အံၣ်စရ့လးအပှၤဂီၢ်မုၢ်ဟီၣ်ဝဲယၢၤဝဲလၢအဝဲအဃိလၢအသီ သၢဆံအတီၢ်ပူၤလၢကီၢ်မိၤအးအတၢ်ပၢၤခိၣ်တတီၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:13

အန့ၣ်ဝံၤဒီးအဝဲသ့ၣ်ဟံးန့ၢ်အဃံတဖၣ်ဒီးခူၣ်လီၤအဝဲသ့ၣ်ဖဲ သ့ၣ်ဖိတထံးအခီၣ်ထံး, လၢဝ့ၢ်ပူၤဒီးအဝဲသ့ၣ်ဒုၣ်တၢ်အီၣ်နွံသီန့ၣ်လီၤ.