လံာ်တၢ်ကဲထီၣ်အခီၣ်ထံး 5:24 - Sgaw Karen Common Bible

²⁴ အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 5:24 Iomraidhean Croise

လံာ်တၢ်ကဲထီၣ်အခီၣ်ထံး 24:40

ဒီးအဝဲစံးဆၢဝဲ, ‘ယွၤလၢယစူၢ်တ့ၢ်လံအီၤထီဘိတဂၤအံၤ ကဆှၢလီၤအကလူးဃုာ်ဒီးနၤဒီးကဟ့ၣ်နၤတၢ်မၤနၢၤလီၤ. နကမၤန့ၢ်မါတဂၤလၢယဖိခွါအဂီၢ်လၢယပှၤဂီၢ်မုၢ်ဒၣ်ယဲ အကျါဒီးလၢယပၢ်အဒူၣ်ဖိထၢဖိဒၣ်ဝဲအကျါန့ၣ်လီၤ.

လံာ်တၢ်ကဲထီၣ်အခီၣ်ထံး 37:30

အဝဲက့ၤကဒါက့ၤဆူအဒီပုၢ်ဝဲၢ်ခွါတဖၣ်အအိၣ်ဒီးစံးဝဲ, “ဖိသၣ်ပိာ်ခွါတအိၣ်ဖဲန့ၣ်လၢၤဘၣ်. ပကဘၣ်မၤတၢ်မနုၤလဲၣ်.”

လံာ်တၢ်ကဲထီၣ်အခီၣ်ထံး 42:36

အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်တၢ်ကဲထီၣ်အခီၣ်ထံး 5:22

အန့ၣ်ဝံၤအလီၢ်ခံစီၤဃနိာ်ရ့လိာ်သကိးအသးဒီးကစၢ်ယွၤအနံၣ် သၢကယၤဒီးထီၣ်ဖိအဖိအဂုၤအဂၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 5:23

စီၤဃနိာ်အိၣ်မူဝဲသၢကယၤဃုဆံယဲၢ်နံၣ်လီၤ.

လံာ်တၢ်ကဲထီၣ်အခီၣ်ထံး 5:25

ဖဲစီၤမသူၤၡလၤအသးအိၣ်တကယၤဃိးဆံနွံနံၣ်န့ၣ်ထီၣ်ဖိအဖိ ခွါစီၤလ့ၤမ့းန့ၣ်လီၤ.

လံာ်တၢ်ကဲထီၣ်အခီၣ်ထံး 6:9

အအံၤမ့ၢ်စီၤနိအၤအတၢ်အိၣ်မူအဂ့ၢ်န့ၣ်လီၤ. စီၤနိအၤမ့ၢ်ပှၤအတီအလိၤတဂၤ, ပှၤလၢတၢ်တထံၣ်န့ၢ်အတၢ်ဒဲးဘး လၢပှၤတစိၤဒၣ်အီၤအကျါန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:1

အကတီၢ်တုၤဃီၤဝဲဒၣ်လၢယွၤကစိာ်ထီၣ်ကွံာ်စီၤအ့ၤလံယၤဆူမူ ခိၣ်လၢကလံၤသဝံးတခါအပူၤန့ၣ်လီၤ. စီၤအ့ၤလံယၤဒီးစီၤအလံၤၡါဟးထီၣ်ဝဲလၢဝ့ၢ်ကံးလကၤလး,

လံာ်စီၤပၤခံဘ့ၣ်တဘ့ၣ် 2:10

စီၤအ့ၤလံယၤစံးဆၢဝဲဒၣ်, “တၢ်အံၤမ့ၢ်တၢ်သကွံၢ်ကညးအကီ တမံၤလၢယကဟ့ၣ်နၤအဂီၢ်န့ၣ်လီၤ. ဘၣ်ဆၣ်ဖဲယဘၣ်တၢ်စိာ်ထီၣ်ကွံာ်ယၤလၢနအိၣ်န့ၣ်, နမ့ၢ်ထံၣ်ယၤဒီးနကဒိးန့ၢ်ဘၣ်အီၤလီၤ. နမ့ၢ်တထံၣ်ယၤဘၣ်ဒီး နတဒိးန့ၢ်ဘၣ်အီၤဘၣ်.”

လံာ်စီၤပၤခံဘ့ၣ်တဘ့ၣ် 2:11

အဝဲသ့ၣ်လဲၤတၢ်တခီခီကတိၤသကိးတၢ်တခီခီန့ၣ်လီၤ. သတူၢ်ကလာ်, လ့ၣ်ကဟၣ်မ့ၣ်အူလၢအဘၣ်တၢ်ထုးအီၤလၢကသ့ၣ်မ့ၣ်အူ တဖၣ်ဟဲလီၤသတူၢ်ကလာ်လၢအဝဲသ့ၣ်အဘၢၣ်စၢၤ, ဒီးစီၤအ့ၤလံယၤဘၣ်တၢ်စိာ်ထီၣ်ကွံာ်အီၤဆူမူခိၣ်လၢကလံၤ သဝံးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:12

စီၤအလံၤၡါထံၣ်တၢ်အံၤဒီးကိးထီၣ်ဝဲဆူစီၤအ့ၤလံယၤအ အိၣ်, “ယပၢ်ဧၢ, ယပၢ်ဧၢ, ပှၤအဆူၣ်တဂၤလၢအကဟုကယာ်တ့ၢ်ကီၢ်အံၣ်စရ့ လးဧၢ, နဘၣ်တၢ်ဟံးထီၣ်ကွံာ်နၤလံ.” ဒီးစီၤအလံၤၡါတထံၣ်ဘၣ်ကဒီးလၢၤစီၤအ့ၤလံယၤနီတစုလၢၤဘၣ်. လၢတၢ်သူၣ်အုးသးအုးအပူၤန့ၣ်စီၤအလံၤၡါဖှီယာ်ကွံာ်အဆ့ဖး ဒိၣ်ခံခီန့ၣ်လီၤ.

စံးထီၣ်ပတြၢၤ 49:15

ဘၣ်ဆၣ်ကစၢ်ယွၤကပှ့ၤက့ၤယသးလၢ တၢ်သံအစိကမီၤအပူၤလီၤ. အဂ့ၢ်ဒ်အံၤကတူၢ်လိာ်ယၤလီၤ. စ့လၤ

စံးထီၣ်ပတြၢၤ 73:24

နဆှၢယၤလၢနတၢ်ကူၣ်ထီၣ်ဖးလီၤ ဒီးလၢခံက့ၤနကတူၢ်လိာ်ယၤလၢ တၢ်လၤတၢ်ကပီၤန့ၣ်လီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်မးသဲ 2:18

“တၢ်ကလုၢ်သီၣ်ထီၣ်လၢရၤမါ, တၢ်ကအုကစွါဒီးတၢ်ဟီၣ်တၢ်ယၢၤဖးဒိၣ်အသီၣ်, နီၢ်ရၤဃ့လးဟီၣ်တၢ်ယၢၤတၢ်လၢအဖိတဖၣ်အဃိ, ဒီးတပျဲတၢ်မၤမုာ်ထီၣ်အီၤဘၣ်. အဂ့ၢ်ဒ်အံၤ အဖိတဖၣ်သံဝဲလံ” (ယံး. ၃၁:၁၅).

လံာ်လူၤကၣ် 23:43

ယ့ၣ်ၡူးစံးဘၣ်အီၤ, “ယစံးဘၣ်တဲဘၣ်နၤတီတီလိၤလိၤလၢနၤမုၢ်မဆါတနံၤအံၤ, နကအိၣ်ဒီးယၤလၢပၤရဒံစူးအပူၤလီၤ.”

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,