လံာ်တၢ်ကဲထီၣ်အခီၣ်ထံး 5:2 - Sgaw Karen Common Bible

² အဝဲတ့လီၤတ့ၢ်အီၤပိာ်ခွါဒီးပိာ်မုၣ်ဝံၤဆိၣ်ဂ့ၤအီၤဒီး ယုၢ်န့ၢ်အမံၤလၢ, “ပှၤဟီၣ်ခိၣ်ဖိ” န့ၣ်လီၤ.)

လံာ်တၢ်ကဲထီၣ်အခီၣ်ထံး 5:2 Iomraidhean Croise

လံာ်တၢ်ကဲထီၣ်အခီၣ်ထံး 1:27

ဒီးကစၢ်ယွၤတ့လီၤပာ်လီၤပှၤကညီတဖၣ်, တ့အဝဲသ့ၣ်လီၤဂာ်ဒ် သိးသိးအကစၢ်ဒၣ်ဝဲလီၤ. အဝဲတ့လီၤပာ်လီၤအဝဲသ့ၣ်, ပိာ်ခွါဒီးပိာ်မုၣ်,

လံာ်တၢ်ကဲထီၣ်အခီၣ်ထံး 1:28

ဆိၣ်ဂ့ၤအဝဲသ့ၣ်, ဒီးစံးဝဲဒၣ်, “မ်သုထီၣ်ဖိအါအါဂီၢ်ဂီၢ်, ဒ်သိးသုစၢၤသုသွဲၣ်တဖၣ် ကအိၣ်မူလၢဟီၣ်ခိၣ်ဒီဖျၢၣ်ညါအချၢဒီး ပၢဘၣ်အီၤတက့ၢ်. ယပာ်သုဒ်ပှၤလၢအကပၢဘၣ်ဒ့ၣ်ဧိၤညၣ်ဧိၤ, ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 2:15

ဒီးယွၤ, ကစၢ်ယွၤပာ်လီၤပှၤကညီလၢဧ့ၤဒ့ၣ်တၤသၣ်လီၢ်အပူၤဒ်သိးကသူၣ်အီၤဖျးအီၤဒီးပၢၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:23

ဒီးပိာ်ခွါစံးဝဲဒၣ်, “အအံၤတၢ်အံၤမ့ၢ်ပှၤဒ်သိးသိးယၤတဂၤလီၤ. ဃံလၢအဘၣ်တၢ်ထဲးထီၣ်အီၤလၢယဃံ, ဒီးညၣ်လၢယညၣ်လီၤ. ပိာ်မုၣ်, မ့ၢ်အဝဲအမံၤ, မ့ၢ်လၢအဝဲဘၣ်တၢ်ထဲးထီၣ်န့ၢ်အီၤလၢပိာ်ခွါအဃိလီၤ.”

လံာ်တၢ်ကဲထီၣ်အခီၣ်ထံး 5:3

ဖဲစီၤအၤဒၣ်အသးအိၣ်ဝဲအနံၣ်တကယၤသၢဆံန့ၣ်အဝဲထီၣ်ဖိ အဖိခွါလၢအလီၤဂာ်ဒီးအီၤဒီးယုၢ်န့ၢ်ဝဲအမံၤလၢစီၤၡ့သး န့ၣ်လီၤ.

လံာ်မၤလကံ 2:15

မ့ၢ်ကစၢ်ယွၤတဒုးကဲထီၣ်ဘၣ်သုဒီးသုမါလၢနီၢ်တဂၤ ဃီဒီးသးတဖျၢၣ်ဃီန့ၣ်ဘၣ်ဧါ. အဝဲအတၢ်ကွၢ်စိလၢတၢ်အံၤန့ၣ်မ့ၢ်မနုၤလဲၣ်. တၢ်န့ၣ်မ့ၢ်ဒၣ်ဒ်သိးသုကအိၣ်ဒီး သုဖိတဖၣ်လၢအမ့ၢ်ကစၢ်ယွၤအပှၤဂီၢ်မုၢ်အမ့ၢ်အတီန့ၣ်လီၤ. လၢတၢ်န့ၣ်အဃိ, ပလီၢ်သုသးဒ်သိးသုသုတမၤဟးဂီၤသုတၢ် အၢၣ်လီၤဒီးသုမါနီတဂၤတဂ့ၤန့ၣ်တက့ၢ်.

လံာ်မးသဲ 19:4

ယ့ၣ်ၡူးစံးဆၢဝဲ, “ပှၤလၢအတ့လီၤပှၤကညီလၢအခီၣ်ထံးလံၤလံၤန့ၣ်, တ့လီၤအီၤပိာ်ခွါဒီးပိာ်မုၣ်န့ၣ်, မ့ၢ်သုတဖးဘၣ်ဘၣ်ဧါ.

လံာ်မၢ်ကူး 10:6

ဘၣ်ဆၣ်ဒီး, လၢယွၤတ့လီၤပာ်လီၤတၢ်လၢထံးလၢသီန့ၣ်, တၢ်ကွဲးအသးစံးဝဲ, ‘ကစၢ်ယွၤတ့လီၤပိာ်ခွါဒီးပိာ်မုၣ်လီၤ.’

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.