လံာ်တၢ်ကဲထီၣ်အခီၣ်ထံး 49:9 - Sgaw Karen Common Bible

⁹ စီၤယူဒၤလီၤဂာ်ဒ်ခ့ယုၢ်တဒုအသိး, မၤသံဆၣ်ဖိကီၢ်ဖိလၢကအီၣ်ဝဲ, ဒီးက့ၤကဒါက့ၤဆူအလၢၢ်ကအိပူၤ, ကိာ်လီၤဒီးမံလီၤဝဲလီၤ. ပှၤမၤတံာ်တာ်အီၤတဘူၣ်ဘၣ်နီ တဂၤဘၣ်.

လံာ်တၢ်ကဲထီၣ်အခီၣ်ထံး 49:9 Iomraidhean Croise

လံာ်စီၤပၤအခီၣ်ထံးတဘ့ၣ် 10:20

တၢ်သန့ၤလီၤအလီၢ်လၢလီၢ်ပစိာ်အချၢမ့ၢ်ဂီၤဖံးဖါတဒုအခိၣ် အက့ၢ်အဂီၤ, ဒီးလၢတၢ်ပာ်ထီၣ်စုတီၤအလီၢ်ခံခါအကပၤန့ၣ်, တကပၤစုာ်စုာ်အိၣ်ဒီးခ့ယုၢ်တဒုစုာ်စုာ်အက့ၢ်အဂီၤန့ၣ်လီၤ. လီၢ်ပစိာ်ဒ်သိးအံၤ, တအိၣ်ထီၣ်တ့ၢ်ဘၣ်လၢဘီမုၢ်အဂၤနီတဘ့ၣ်အပူၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:18

လီၢ်ပစိာ်န့ၣ်အိၣ်ဝဲဒီးအဃီသွါဃုသွါဒီးအခီၣ်ယီၢ်လီၢ်လၢ အအိၣ်စဲဘူးဒီးအီၤန့ၣ်ဘၣ်တၢ်ကျးဘၢအီၤလၢထူန့ၣ်လီၤ. လီၢ်ပစိာ်အိၣ်ဒီးအစုဖံးခံခီဒီးခ့ယုၢ်တဒုအဂီၤအိၣ်ဆၢ ထၢၣ်ဝဲဖဲအစုဖံးတခီစုာ်စုာ်အဃၢၤန့ၣ်လီၤ.

လံာ်ယဃ့းစက့လး 19:5

အဝဲခိးတၢ်တုၤလၢအထံၣ်ဘၣ်ဝဲတၢ်မုၢ်လၢ်ခဲလၢာ်, လၢာ် ကွံာ်ဝဲလံန့ၣ်လီၤ. အန့ၣ်ဝံၤဒီးအဝဲဒုးဒိၣ်ထီၣ်ကဒီးခ့ယုၢ်ဖိတဒု လၢခ့ယုၢ်ဖိအဂၤတဖၣ်အကျါဒီးအဝဲဒိၣ်ဒ်ခ့ယုၢ်အဒူအဃိၤ တဒုအသိးန့ၣ်လီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်ဟိၤၡ့ 5:4

တၢ်အၢတၢ်သီလၢပှၤဂီၢ်မုၢ်တဖၣ်မၤဝဲန့ၣ် တြီဃာ်အဝဲသ့ၣ်လၢကဟဲက့ၤကဒါက့ၤဆူကစၢ်ယွၤအအိၣ်လီၤ. တၢ်ဘါတၢ်ဂီၤတၢ်ဖီၣ်အိၣ်ဒီးအစိကမီၤတမံၤလၢအဟံးဃာ် အဝဲသ့ၣ်, ဒီးအဝဲသ့ၣ်တအိၣ်လၢၤဒီးတၢ်အၢၣ်လီၤသ့ၣ်ညါယွၤဘၣ်.

လံာ်မံကၤ 5:8

ဒီးကီၢ်အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ဒံးလၢ ပှၤကလုာ်တဖၣ်အကျါန့ၣ်ကလီၤဂာ်ဒီးခ့ယုၢ်တဒုလၢအဃုကွၢ်တၢ် အိၣ်လၢပှၢ်လၢ်ကျါမ့တမ့ၢ်လၢတၢ်အီၣ်ဆၣ်အလီၢ်န့ၣ်လီၤ. ဟဲနုာ်ဆူသိတဖၣ်အကျါ, စံၣ်ပှီၤအဝဲသ့ၣ်ဒီးအ့ၣ်ဖှီလီၤကလဲ ကွံာ်အီၤဒီးတၢ်မုၢ်လၢ်လၢကပူၤဖျဲးတအိၣ်ဘၣ်.

လံာ်တၢ်ဂံၢ် 23:24

ကီၢ်အံၣ်စရ့လးအပှၤကလုာ်အံၤလီၤဂာ်ဒ်ခ့ယုၢ်လၢအဂံၢ်ဆူၣ်ဘါ ဆူၣ်တဒုအသိးန့ၣ်လီၤ. တချုးလၢအအ့ၣ်ဖှီတၢ်ဒီးအီၣ်ကွံာ်တၢ်ဒံးဘၣ်, တချုးအအီဘၣ်တၢ်တဖၣ်လၢအမၤသံဝဲအသွံၣ်ဘၣ်န့ၣ်, တအိၣ်ဘှံးဝဲဘၣ်.”

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

1 ကရံၣ်သူး 15:24

အန့ၣ်ဝံၤဒီး, တၢ်အကတၢၢ်ကတုၤဃီၤဝဲဒၣ်လီၤ. ခရံာ်ကမၤနၢၤကွံာ်ပှၤပၢတၢ်ပြးတၢ်လၢနီၢ်သးတကပၤခဲလၢာ်, တၢ်ခိၣ်တၢ်နၢ်, ဒီးတၢ်စိတၢ်ကမီၤခဲလၢာ်ခဲဆ့ဒီးကဟ့ၣ်လီၤ က့ၤဘီမုၢ်ဆူပၢ်ကစၢ်ယွၤအစုပူၤန့ၣ်လီၤ.

လံာ်သိၣ်လီၤသီလီၤတၢ် 33:20

ဘၣ်ဃးဒီးကးအဒူၣ်အဂ့ၢ်န့ၣ်, အဝဲစံးဝဲ, “စံးထီၣ်ပတြၢၤကစၢ်ယွၤတဂၤလၢအဟ့ၣ်လီၤတ့ၢ်အဝဲသ့ၣ်အတၢ် အိၣ်ဝဲဆိးဝဲအလီၢ်လၢအလဲၢ်န့ၣ်တက့ၢ်. စီၤကးအိၣ်ခိးတၢ်ဒ်ခ့ယုၢ်တဒုအသိးလၢကအ့ၣ်ဖှီကွံာ်တၢ်အစု တီၤတခီမ့ၢ်ဂ့ၤ, တၢ်အခိၣ်ဖံးတခါမ့ၢ်ဂ့ၤအဂီၢ်န့ၣ်လီၤ.

လံာ်လီၣ်ဖျါ 5:5

တုၤနုၤတစု ပှၤသူၣ်က့သးပှၢ်အကျါတဂၤစံးဘၣ်ယၤ, “တဘၣ်ဟီၣ်တဂ့ၤ. ကွၢ်တက့ၢ်. ခ့ယုၢ်လၢစီၤယူဒၤအဒူၣ် အထၢအပူၤ, ပှၤဖးဒိၣ်လၢအဟဲလီၤစၢၤလၢစီၤဒၤဝံးတဂၤန့ၣ်, ဒိးန့ၢ်ဘၣ်တၢ်မၤနၢၤလံ, ဒီးအဝဲဒၣ်မၤသ့ၣ်ဖးတၢ်စဲပနီၣ်ဃာ်နွံခါဒီးအိးထီၣ်လံာ်ထူ န့ၣ်သ့ဝဲလီၤ.”