လံာ်တၢ်ကဲထီၣ်အခီၣ်ထံး 49:8 - Sgaw Karen Common Bible

⁸ စီၤယူဒၤဧၢ, နဒီပုၢ်ဝဲၢ်ခွါတဖၣ်ကစံးထီၣ်ပတြၢၤနၤလီၤ. နစှီၤဃာ်နဒုၣ်နဒါတဖၣ်လၢအကိာ်လီၤ. နဒီပုၢ်ဝဲၢ်ခွါတဖၣ်ကတီၤလီၤလၢနမဲာ်ညါလီၤ.

လံာ်တၢ်ကဲထီၣ်အခီၣ်ထံး 49:8 Iomraidhean Croise

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်တၢ်ကဲထီၣ်အခီၣ်ထံး 29:35

ဒီးဒၢထီၣ်ကဒီးဝဲဒီးဆံးစၢ်န့ၢ်အဖိခွါအဂၤတဂၤစ့ၢ်ကီး လီၤ. ဒီးစံးဝဲ, “အအံၤတဘျီယကစံးထီၣ်ပတြၢၤယွၤလီၤ.” ဒီးယုၢ်န့ၢ်အမံၤလၢစီၤယူဒၤလီၤ. ဒီးပိာ်မုၣ်န့ၣ်ဆိတ့ၢ်ဝဲ တၢ်အိၣ်ဒံၣ်အိၣ်ဖိန့ၣ်လီၤ.

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 46:12

စီၤယူဒၤအိၣ်ဒီးအဖိခွါတဖၣ်လၢအမ့ၢ်ဝဲ, စီၤၡ့လၤ, စီၤဖ့ၤရ့းဒီးစီၤစ့ရၤလီၤ. (စီၤယူဒၤအဖိခွါအဂၤတဖၣ်လၢအမ့ၢ်ဝဲ, စီၤအ့ၢ်ဒီးစီၤအိၤနၣ်န့ၣ်သံလၢကီၢ်ကနၤဧၣ်အပူၤလီၤ.) ဒီးစီၤဖ့ၤရ့းအဖိခွါတဖၣ်မ့ၢ်ဝဲ, စီၤဃ့းစရိၣ်ဒီးစီၤဃမူ လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:41

နဒုးဃ့ၢ်ကွံာ်ယဒုၣ်ယဒါတဖၣ်လၢယမဲာ်ညါ, ယမၤဟးဂီၤကွံာ်ပှၤလၢအသးဟ့ယၤတဖၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:9

အဝဲသ့ၣ်ပာ်ဖျါထီၣ်န့ၢ်စီၤပၤလၢ ပှၤပိာ်ခွါခဲလၢာ်လၢအဒုးတၢ်ယၤတၢ်သ့အိၣ်ဝဲ အဂၤဃိးကလီၢ်လၢကီၢ်အံၣ်စရ့လးအပူၤဒီး ပှၤအဂၤယဲၢ်ကလီၢ်လၢကီၢ်ယူဒၤအပူၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:4

ယွၤ, အံၣ်စရ့လးအကစၢ်ယွၤဃုထၢတ့ၢ်ယၤဒီးယစၢၤယသွဲၣ်တဖၣ်လၢ ကပၢအံၣ်စရ့လးလီၤစိၤလီၤထီန့ၣ်လီၤ. အဝဲဃုထၢတ့ၢ်ပှၤယူဒၤဖိအဒူၣ်လၢကဟ့ၣ်ထီၣ်ခိၣ်နၢ်တဖၣ်, ဒီးလၢယူဒၤအကျါန့ၣ်, အဝဲဃုထၢတ့ၢ်ယပၢ်အပှၤဟံၣ်ဖိ ဃီဖိန့ၣ်လီၤ. လၢကယဲၢ်ပှၤဟံၣ်ဖိဃီဖိခဲလၢာ်အကျါ, အဝဲဘၣ်သူၣ်ဘၣ်သးတ့ၢ်လၢကဃုထၢယၤဒီးဒုးကဲထီၣ်ယၤစီၤပၤ လၢပှၤအံၣ်စရ့လးဖိခဲလၢာ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:2

မ့ၢ်နာ်သက့ဒီး, ယူဒၤမ့ၢ်ဒူၣ်တဒူၣ်လၢအကဲထီၣ်ပှၤဂံၢ်ဆူၣ်ဘါ ဆူၣ်ကတၢၢ်ဒီးဒုးအိၣ်ထီၣ်ပှၤပၢတၢ်တဂၤလၢကယဲၢ်ပှၤအဒူၣ်ခဲလၢာ် အဂီၢ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 14:8

စီၤပၤအၤစါအိၣ်ဒီးသုးမုၢ်တဖုလၢအပှၤသုးဖိအိၣ်ဝဲ သၢကလီၢ် ဂၤလၢယူဒၤအဒူၣ်, အိၣ်ကံာ်တူာ်ထီၣ်အသးဒီးကတီၤဒီး ဘီတဖၣ်ဒီး, ပှၤ ခံကလီၢ်ဃိးကလးဂၤလၢဘံၣ်ယၤမံၣ်အဒူၣ်, အိၣ်ကံာ်တူာ်အသးဒီးကတီၤဒီးချံၣ်တဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤဒူပှၤဃိၤဒီးဘၣ်တၢ်သိၣ်လိတ့ၢ်အီၤဂ့ၤ ဂ့ၤဘၣ်ဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:9

ပှၤဂီၢ်မုၢ်အါမးလၢအ့ဖရဲၣ်, မနၤၡ့ၤဒီးစူးမ့းအိၣ်, ဟဲခီဃီၤဆူစီၤအၤစါအအိၣ်တကပၤဒီးအိၣ်ဝဲဆိးဝဲလၢအဘီအမုၢ်အပူၤ, မ့ၢ်လၢအဝဲသ့ၣ်ထံၣ်တ့ၢ်ဝဲလၢယွၤအိၣ်ဒီးအီၤအဃိန့ၣ်လီၤ. စီၤအၤစါကိးဖှိၣ်အဝဲသ့ၣ်ခဲလၢာ်ဃုာ်ဒီးပှၤဂီၢ်မုၢ်လၢယူ ဒၤဒီးဘံၣ်ယၤမံၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:2

အဝဲပာ်လီၤအပှၤသုးဖိတဖၣ်လၢကီၢ်ယူဒၤအဝ့ၢ်လၢအအိၣ်ဒီးတိာ် ဧိၤတာ်ဧိၤတဖၣ်အပူၤ, လၢကီၢ်ယူဒၤအဒီခိၣ်အလီၢ်အကျဲတဖၣ်, ဒီးလၢဝ့ၢ်တဖၣ်လၢစီၤအၤစါမၤန့ၢ်တ့ၢ်ဝဲလၢကီၢ်အ့ဖရဲၣ် အလီၢ်ကဝီၤတဖၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:11

ပှၤအိၣ်ဒံးတနီၤလၢအၤၡ့ၢ်, မနၤၡ့ၤဒီးစဘူလိၣ်အဒူၣ်တဖၣ်အပူၤ လၢအသးအိၣ်ဟဲဝဲဆူဝ့ၢ်ယရူၤရှလ့ၣ်န့ၣ်လီၤ.

စံးထီၣ်ပတြၢၤ 76:1

ကစၢ်ယွၤဘၣ်တၢ်သ့ၣ်ညါအီၤလၢယူဒၤအပူၤ, ဒီးအမံၤဘၣ်တၢ်မၤလၤကပီၤအီၤလၢ အံၣ်စရ့လးအပူၤန့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယဃ့းစက့လး 21:29

တၢ်ထံၣ်လၢညါတဖၣ်လၢသုထံၣ်ဘၣ်န့ၣ်မ့ၢ်တၢ်ကဘျံး ကဘျၣ်ဒီးတၢ်ကတိၤဆိပာ်စၢၤတဖၣ်လၢသုမၤအီၤန့ၣ်မ့ၢ်တၢ်လီ တၢ်ဝ့ၤတဖၣ်လီၤ. သုမ့ၢ်ပှၤတတီတလိၤဒီးပှၤအၢပှၤသီ, ဒီးသုမုၢ်နံၤမုၢ်သီန့ၣ်ဟဲဝဲ, မုၢ်တနံၤလၢသုတၢ်စံၣ်ညီၣ်လၢခံ ကတၢၢ်အဂီၢ်န့ၣ်လီၤ. နးတဘ့ၣ်ကလီၤလၢသုကိာ်တဖၣ်အလိၤန့ၣ်လီၤ.

လံာ်တၢ်ဂံၢ် 10:14

ဒီးတဘျီဘၣ်တဘျီဖဲအဝဲသ့ၣ်သုးအသးန့ၣ်အဝဲသ့ၣ်အိၣ်ဝဲဒ်အဂ့ၢ် အဝီတမံၤဃီန့ၣ်လီၤ. ပှၤတဖၣ်လၢအအိၣ်လၢစီၤယူဒၤအဒူၣ်အကရူၢ်အနီၣ်တယၢ်အဖီလာ်န့ၣ် စးထီၣ်ဟးလၢညါ, တဖုဘၣ်တဖုဒီးစီၤဧမံၤနဒးအဖိခွါစီၤနၤဃၡိၣ်ပၢဆှၢအဝဲ သ့ၣ်န့ၣ်လီၤ.

လံာ်တၢ်ဂံၢ် 26:22

ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, နွံကလးဃုကထိယဲၢ်ကယၤဂၤန့ၣ်လီၤ.

လံာ်သိၣ်လီၤသီလီၤတၢ် 33:7

ဘၣ်ဃးဒီးယူဒၤအဒူၣ်အဂ့ၢ်န့ၣ်, အဝဲစံးဝဲ, “ယွၤဧၢ, ကနၣ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်, ပာ်ဖှိၣ်ကဒါက့ၤအဝဲသ့ၣ်တပူၤဃီဒီးဒူၣ်အဂၤ တဖၣ်တက့ၢ်. ဒုးတၢ်လၢအဝဲသ့ၣ်အဂီၢ်, ယွၤဧၢ, ဒီးမၤစၢၤအဝဲသ့ၣ်ထီဒါအဒုၣ်အဒါတဖၣ်န့ၣ်တက့ၢ်.”

ဧ့ၤဘြံၤ 10:13

ဖဲန့ၣ်အိၣ်ခိးဝဲဒၣ်တုၤယွၤပာ်လီၤအဒုၣ်အဒါတဖၣ် လၢအခီၣ်ယီၢ်အလီၢ်တစုန့ၣ်လီၤ.

ဧ့ၤဘြံၤ 7:14

ပှၤသ့ၣ်ညါလီၤတံၢ်လီၤဆဲးလၢပကစၢ်ဟဲလီၤစၢၤဝဲလၢ စီၤယူဒၤအဒူၣ်ဒီးဖဲအဘၣ်ဃးဒီးဒူၣ်အံၤအဂ့ၢ်န့ၣ်, စီၤမိၤၡ့တယၢၤထီၣ်ပှၤလုၢ်တၢ်အခိၣ်တဖၣ်အဂ့ၢ်နီတမံၤဘၣ်.

လံာ်စီၤယိၤၡူ 10:24

ဒီးဖဲအဝဲသ့ၣ်ဟဲဆှၢထီၣ်စီၤပၤတဖၣ်ဆူစီၤယိၤၡူအအိၣ်န့ၣ်, စီၤယိၤၡူကိးဖှိၣ်ပှၤအံၣ်စရ့လးဖိခဲ လၢာ်ဒီးစံးဘၣ်သုးခိၣ်သုးနၢ်လၢအလဲၤတၢ်ဒီးအီၤတဖၣ်လၢအကဟဲ ဒီးပာ်ထီၣ်အခီၣ်လၢစီၤပၤတဖၣ်အံၤအကိာ်လိၤန့ၣ်လီၤ. ဒီးအဝဲသ့ၣ်မၤဝဲဒ်န့ၣ်လီၤ.

လံာ်စီၤယိၤၡူ 15:20

အဝဲအံၤမ့ၢ်ပှၤယူဒၤဖိအဒူၣ်အတၢ်န့ၢ်သါဒ်အဒူၣ်ဖိထၢဖိတဖၣ် အိၣ်ဝဲအသိးန့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 5:5

တုၤနုၤတစု ပှၤသူၣ်က့သးပှၢ်အကျါတဂၤစံးဘၣ်ယၤ, “တဘၣ်ဟီၣ်တဂ့ၤ. ကွၢ်တက့ၢ်. ခ့ယုၢ်လၢစီၤယူဒၤအဒူၣ် အထၢအပူၤ, ပှၤဖးဒိၣ်လၢအဟဲလီၤစၢၤလၢစီၤဒၤဝံးတဂၤန့ၣ်, ဒိးန့ၢ်ဘၣ်တၢ်မၤနၢၤလံ, ဒီးအဝဲဒၣ်မၤသ့ၣ်ဖးတၢ်စဲပနီၣ်ဃာ်နွံခါဒီးအိးထီၣ်လံာ်ထူ န့ၣ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”