လံာ်တၢ်ကဲထီၣ်အခီၣ်ထံး 49:6 - Sgaw Karen Common Bible

⁶ ယတမၤဃုာ်တၢ်လၢအဝဲသ့ၣ်အတၢ်ကတိၤခူသူၣ်တဖၣ်အပူၤမ့ၢ်ဂ့ၤ, ယတအိၣ်ဖှိၣ်ရိဖှိၣ်ဃုာ်ဒီးအဝဲသ့ၣ်လၢအတၢ်ထံၣ်လိာ်သးတဖၣ် အပူၤမ့ၢ်ဂ့ၤဘၣ်. အဂ့ၢ်ဒ်အံၤ, အဝဲသ့ၣ်မၤသံ တ့ၢ်ပှၤကညီတဖၣ်လၢတၢ်သးဒိၣ်အပူၤဒီးမၤဟးဂီၤကွံာ်ကျီၢ်ဖါ တဖၣ်အခီၣ်လၢတၢ်လိာ်ကွဲအဂီၢ်လီၤ.

လံာ်တၢ်ကဲထီၣ်အခီၣ်ထံး 49:6 Iomraidhean Croise

လံာ်တၢ်ကဲထီၣ်အခီၣ်ထံး 34:30

စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 8:4

စီၤဒၤဝံးဖီၣ်န့ၢ်အဝဲအပှၤကသ့ၣ်သုးဖိအဂၤတကထိနွံကယၤဒီး အဝဲပှၤခီၣ်သုးဖိအဂၤခံကလးန့ၣ်လီၤ. အဝဲပာ်ဃးဒံးကသ့ၣ်တဖၣ်လၢလၢလီၣ်လီၣ်လၢလ့ၣ်ကဟၣ်ဒုးသုးအဆိ တကယၤအဂီၢ်ဝံၤဒီး, အဂၤတဖၣ်န့ၣ်မၤဟးဂီၤကွံာ်ဝဲအခီၣ်ခဲလၢာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:4

စီၤဒၤဝံးဖီၣ်န့ၢ်တ့ၢ်အလ့ၣ်ကဟၣ်အဆိ တကထိ, ပှၤသုးဖိလၢအဒိးကသ့ၣ် နွံကထိဂၤ, ပှၤသုးဖိလၢအဟးလၢအခီၣ် ခံကလး ဂၤန့ၣ်လီၤ. စီၤဒၤဝံးပာ်ဃးကသ့ၣ်လၢကလၢဝဲလၢလ့ၣ် ကဟၣ်တကယၤ အဂီၢ်, ဒီးကသ့ၣ်အိၣ်လီၤတဲာ်တဖၣ်န့ၣ်ပဲာ်တဲာ်ကွံာ်ဝဲ အခီၣ်ထူၣ်ခဲလၢာ်န့ၣ်လီၤ.

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 103:1

ယသးဧၢ, စံးထီၣ်ပတြၢၤယွၤတက့ၢ်. ဒီးကယဲၢ်တၢ်အိၣ်လၢယပူၤခဲလၢာ်သ့ၣ်ဧၢ, စံးထီၣ်ပတြၢၤအမံၤစီဆှံန့ၣ်တက့ၢ်.

စံးထီၣ်ပတြၢၤ 139:19

ကစၢ်ယွၤဧၢ, ယသးအိၣ်မးလၢ နကမၤသံပှၤ တတီတလိၤန့ၣ်လီၤ. ယသးအိၣ်မးလၢ ပှၤမၤဆူၣ်မၤစိးတၢ်တဖၣ် ကဟးဖးဒီးယၤန့ၣ်လီၤ.

စံးထီၣ်ပတြၢၤ 16:9

လၢတၢ်န့ၣ်အဃိ, ယသးပှဲၤဒီးတၢ်စံးဘျုးစံးဖှိၣ် ဒီးယသူၣ်ခုယသးခုယဲလီၤ. ဒီးယသ့ၣ်ညါလၢယပူၤဖျဲးလၢလၢပှဲၤပှဲၤလံန့ၣ်လီၤ.

စံးထီၣ်ပတြၢၤ 26:9

တဘၣ်မၤဟးဂီၤယၤဃုာ်ဒီးပှၤတၢ်ဒဲးဘးဖိသ့ၣ်တဖၣ်, ဒီးယသးသမူဃုာ်ဒီးပှၤမၤသံတၢ်သ့ၣ်တဖၣ်,

စံးထီၣ်ပတြၢၤ 28:3

တဘၣ်စံၣ်ညီၣ်ယၤဃုာ်ဒီးပှၤတတီတလိၤ, ပှၤမၤတၢ်အၢ, ပှၤလၢအထးခိၣ်ကတိၤတၢ်ဃူတၢ်ဖိး ဒီးပှၤလၢအဃၢၤ ဘၣ်ဆၣ်အိၣ်ဒီးတၢ်သးက့ၣ်လၢအပူၤ သ့ၣ်တဖၣ်န့ၣ်တဂ့ၤ.

စံးထီၣ်ပတြၢၤ 30:12

ဒ်သိးယသးအသုတအိၣ်ဘှီၣ်တဂ့ၤ ဒီးကစံးထီၣ်ပတြၢၤနၤအဂီၢ်လီၤ. ယွၤ, ယကစၢ်ယွၤဧၢ, ယကစံးထီၣ်ပတြၢၤနၤလီၤထူလီၤယိာ်လီၤ.

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 42:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီး ယကစၢ်ယွၤလၢအမၤပူၤဖျဲးက့ၤယၤလီၤ.

စံးထီၣ်ပတြၢၤ 43:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 5:10

ကစၢ်ယွၤဧၢ, စံၣ်ညီၣ်ဒီးသိၣ်ဃီၣ်အဝဲသ့ၣ်န့ၣ်တက့ၢ်. မ်အတၢ်ကူၣ်အၢဒၣ်ဝဲ ကမၤဟးဂီၤက့ၤအဝဲသ့ၣ်န့ၣ်တက့ၢ်. မ့ၢ်လၢအတၢ်ဒဲးဘးအါဝဲဒီးအတၢ်ပူထီၣ်နၤအဃိ, နီၣ်ထီၣ်ကွံာ်အဝဲသ့ၣ်လၢနမဲာ်ညါန့ၣ်တက့ၢ်.

စံးထီၣ်ပတြၢၤ 57:8

ဖုသံနီၣ်ထီၣ်, ယသးဧၢ, ဖုသံနီၣ်ထီၣ်, ယသီတူၢ်ဒီးတနၢ်သ့ၣ်ဧၢ, ယကထိၣ်ဂဲၤမုၢ်ဆ့ၣ်ဝါန့ၣ်လီၤ.

စံးထီၣ်ပတြၢၤ 64:2

ပာ်ခူသူၣ်ယၤလၢပှၤအၢဖိအတၢ်ကူၣ်ခူသူၣ်တဖၣ်, လၢပှၤမၤတၢ်အၢတၢ်သီသ့ၣ်တဖၣ် အတၢ်ပာ်ဖှိၣ်အသးန့ၣ်တက့ၢ်.

တၢ်ကတိၤဒိ. 1:11

အဒိအဝဲသ့ၣ်ကစံး, “ဟဲ, ပကလဲၤဆူပှၤတဂၤဂၤလၢပကမၤသံအီၤ အအိၣ်တက့ၢ်. မ်ပကမၤဒၢၣ်ပှၤလၢအတၢ်ကမၣ် တအိၣ်တဖၣ်လၢတၢ်မၤမုာ်ပသးဒၣ်ဝဲအဂီၢ်တက့ၢ်.

တၢ်ကတိၤဒိ. 12:5

ပှၤအတီအလိၤတဖၣ်ကမၤဘျုးမၤဂ့ၤနၤတီတီလီၤ. မ့မ့ၢ်ပှၤတတီတလိၤသးအိၣ်ထဲကကူၣ်လီအီၣ်နၤန့ၣ်လီၤ.

လံာ်ယံးရမံယၤ 15:17

ယတမၤလၢာ်ယတၢ်ဆၢကတီၢ်ဒီးပှၤအဂၤတဖၣ်လၢတၢ်နံၤကဝဲၤ ပျီၢ်ကဒီဒီးတၢ်မၤမုာ်လၤယသးအပူၤန့ၣ်ဘၣ်. လၢယတၢ်စူၢ်နတၢ်ဟ့ၣ်လီၤနကလုၢ်တဖၣ်အပူၤန့ၣ်, ယအိၣ်ဒၣ်ယတၢ်ဒၣ်ယဲဒီးယပှဲၤဆၢၣ်ကလာ်ဒီးတၢ်သူၣ်ဒိၣ်သးဖျိးန့ၣ်လီၤ.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်လူၤကၣ် 12:19

တုၤနုၤတစု, ယကစံးဘၣ်လီၤက့ၤယသး, ယသးဧၢ, နအိၣ်ဒီးတၢ်အဂ့ၤအဘၣ်လၢနလိၣ်ဘၣ်အီၤခဲလၢာ်, လၢအါနံၣ်အါလါအဂီၢ်လီၤ. အိၣ်မူမုာ်မုာ်ခုၣ်ခုၣ်, အီၣ်တၢ်, အီတၢ်, ဒီးမၤမုာ်မၤခုၣ်နသးတက့ၢ်.’

၂ ကရံၣ်သူး 6:14

တဘၣ်ဂုာ်ကျဲးစၢးမၤသကိးတၢ်ဒီးပှၤတစူၢ်တနာ်တၢ် တဖၣ်ဒ်သုမ့ၢ်ပှၤဒ်သိးသိးဒီးအဝဲသ့ၣ်တဂ့ၤ. အဂ့ၢ်ဒ်အံၤ, တၢ်မၤဒ်န့ၣ်တသ့ဘၣ်. တၢ်အဘၣ်ဒီးတၢ်ကမၣ်န့ၣ်, ဒီတံၤဒီသကိးကသ့ဝဲလၢကျဲဒ်လဲၣ်. တၢ်ကပီၤဒီးတၢ်ခံးန့ၣ်အိၣ်ဃုာ်တပူၤဃီကသ့ဝဲလၢကျဲဒ်လဲၣ်.

လံာ်သိၣ်လီၤသီလီၤတၢ် 27:24

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤသံတၢ်လၢတၢ်ခူသူၣ်အပူၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်စီၤယိၤၡူ 11:9

ဒီးစီၤယိၤၡူမၤဒ်ယွၤမၤလိာ်တ့ၢ်အီၤအသိး, ကျီတဲာ်ကွံာ်အဝဲ သ့ၣ်အကသ့ၣ်တဖၣ်အခီၣ်ထူၣ် ဒီးဒွဲၣ်အူထီၣ်ကွံာ်အဝဲသ့ၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.

လံာ်ပှၤစံၣ်ညီၣ်ကွီၢ် 5:21

ထံကျိကံၡိၣ်အထံဒိၣ်န့ၣ်မၤလီၤထွံကွံာ်အဝဲသ့ၣ်, ထံကျိကံၡိၣ်လၢအယွၤလီၤဆူၣ်ဆူၣ်န့ၣ်လီၤ. ယကထီၣ်, လဲၤထီၣ်ဆူညါ, အိၣ်ဒီးတၢ်ဂံၢ်တၢ်ဘါလီၤ.