လံာ်တၢ်ကဲထီၣ်အခီၣ်ထံး 49:4 - Sgaw Karen Common Bible

⁴ နလီၤဂာ်ဒ်ထံဒိၣ်ခိၣ်ယွၤတပျုာ်တပျီၤတမံၤအသိး, ဘၣ်ဆၣ်နတမ့ၢ်ပှၤအကါဒိၣ်ကတၢၢ်ဘၣ်. အဂ့ၢ်ဒ်အံၤ, နမံဃုာ်တ့ၢ်ဒီးယသံၣ်မါဒီးနမၤလီၤနပၢ်အလီၢ်မံ အသူးအသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 49:4 Iomraidhean Croise

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:8

စီၤယၤကိာ်အဒူၣ်ဖိထၢဖိလၢအလဲၤဃုာ်တၢ်ဒီးအီၤဆူကီၢ်အဲၤ ကူပတူးတဖၣ်အမံၤဒီးအနီၣ်ဂံၢ်မ့ၢ်ဝဲ, အဖိဝဲၢ်ကိစီၤရူၤဘ့ၣ်

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

လံာ်သိၣ်လီၤသီလီၤတၢ် 27:20

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤမဲာ်ဆှးအပၢ်ခီဖျိမံဃုာ်ဒီးအပၢ်အမါတဖၣ်အကျါတဂၤ ဂၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 33:6

စီၤမိၤၡ့ကတိၤတၢ်ဘၣ်ဃးဒီးရူၤဘ့ၣ်အဒူၣ်အဂ့ၢ်စံးဝဲ, “အဝဲသ့ၣ်အပှၤဂီၢ်မုၢ်အနီၣ်ဂံၢ်မ့ၢ်စှၤဘၣ်ဆၣ်, မ်ရူၤဘ့ၣ်သုတသံကွံာ်နီတစုတဂ့ၤ.”

လံာ်သိၣ်လီၤသီလီၤတၢ် 5:21

သးကွံပှၤအဂၤတဂၤအမါတဂ့ၤ. သးကွံအဟံၣ်, အဝဲအဟီၣ်ခိၣ်, အဝဲအကုၢ်တဖၣ်, အဝဲအဂီၤဘုၣ်ဂီၤဖံး, အဝဲအကသ့ၣ်ယီၤတဖၣ်မ့ၢ်ဂ့ၤ, တၢ်အဂၤတမံၤဂ့ၤတမံၤဂ့ၤလၢအမ့ၢ် အဝဲအတၢ်န့ၣ်တဂ့ၤ.”

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၂ ပ့းတရူး 3:16

အဝဲကွဲးတၢ်ဒ်သိးအံၤထီဘိဖဲအကွဲးတၢ်ဘၣ်ဃးတၢ်ဂ့ၢ် အံၤန့ၣ်လီၤ. လၢအလံာ်ပရၢတဖၣ်အပူၤတၢ်အိၣ်ဝဲတနီၤလၢ ပနၢ်ပၢၢ်အီၤကီဒီးပှၤလၢအတသ့လံာ်ဒီးအသးတဂၢၢ်တကျၢၤ တဖၣ်ထုးထီၣ်ကမၣ်ဝဲအခီပညီဒ်အမၤဝဲလၢတၢ်ကွဲး အသးစီဆှံအဂၤတဖၣ်အသိးလီၤ. သတးဒီး, အဝဲသ့ၣ်ဃုအတၢ်ဟးဂီၤဒၣ်ဝဲန့ၣ်လီၤ.