လံာ်တၢ်ကဲထီၣ်အခီၣ်ထံး 49:3 - Sgaw Karen Common Bible

³ စီၤရူၤဘ့ၣ်, ယဖိဝဲၢ်ကိ, နမ့ၢ်ယဂံၢ်ယဘါ, ဒီးယတၢ်ဒိၣ်တုာ်ခိၣ်ပှဲၤအဖိအဆိကတၢၢ်, ပှၤဒိၣ်ဝဲထီဝဲကတၢၢ် ဒီးအဂံၢ်ဆူၣ်ကတၢၢ်လၢယဖိခွါတဖၣ်အကျါလီၤ.

လံာ်တၢ်ကဲထီၣ်အခီၣ်ထံး 49:3 Iomraidhean Croise

လံာ်တၢ်ကဲထီၣ်အခီၣ်ထံး 29:32

ဒီးနီၢ်လ့ၤအၤဒၢထီၣ်ဒီးဆံးစၢ်န့ၣ်အဖိခွါတဂၤလီၤ. ဒီးစံးဝဲ, “ယွၤထံၣ်တ့ၢ်လံယတၢ်ကီတၢ်ခဲလံ, ဒီးခဲကနံၣ်အံၤယဝၤကအဲၣ်ယၤလီၤ.” ဒီးယုၢ်န့ၢ်အမံၤလၢစီၤရူၤဘ့ၣ်လီၤ.

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်တၢ်ကဲထီၣ်အခီၣ်ထံး 46:8

စီၤယၤကိာ်အဒူၣ်ဖိထၢဖိလၢအလဲၤဃုာ်တၢ်ဒီးအီၤဆူကီၢ်အဲၤ ကူပတူးတဖၣ်အမံၤဒီးအနီၣ်ဂံၢ်မ့ၢ်ဝဲ, အဖိဝဲၢ်ကိစီၤရူၤဘ့ၣ်

လံာ်တၢ်ကဲထီၣ်အခီၣ်ထံး 48:18

အဝဲစံးဘၣ်အပၢ်, “တမ့ၢ်ဒ်န့ၣ်ဘၣ်ပၢ်ဧၢ, အအံၤမ့ၢ်ပှၤအဒိၣ်တဂၤအဃိပာ်နစုထွဲလၢအဝဲအခိၣ်လိၤတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 2:1

စီၤယၤကိာ်အိၣ်ဒီးအဖိခွါတဆံခံဂၤလၢအမ့ၢ်ဝဲ, စီၤရူၤဘ့ၣ်, စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်, စီၤစဘူလိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:3

စီၤရူၤဘ့ၣ်လၢအမ့ၢ်စီၤယၤကိာ်အဖိခွါဝဲၢ်ကိအိၣ်ဒီးအဖိ ခွါလွံၢ်ဂၤလၢအမ့ၢ်ဝဲ, စီၤဟနိာ်, စီၤပးလူ, စီၤဃ့စရိၣ်ဒီးစီၤကၢ်မံၤန့ၣ်လီၤ.

စံးထီၣ်ပတြၢၤ 105:36

အဝဲမၤသံကွံာ်ကယဲၢ်ကီၢ်အဲၤကူပတူးအဟံၣ်ဒူၣ်ဃီထၢတဖၣ်, အဖိခွါဝဲၢ်ကိခဲလၢာ်န့ၣ်လီၤ.

စံးထီၣ်ပတြၢၤ 78:51

အဝဲမၤသံကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအဟံၣ်ဖိဃီဖိအကျါန့ၣ်လီၤ.

လံာ်ယဃ့းစက့လး 48:6

ရူၤဘ့ၣ်အဒူၣ်ကမၤန့ၢ်တၢ်နီၤဖးတတီၤန့ၣ်လီၤ. တၢ်နီၤဖးန့ၣ်ကမ့ၢ်ဖဲအ့ဖရဲၣ်အဒူၣ်အလီၢ် အဃၢၤစးထီၣ်လၢမုၢ်ထီၣ်တုၤဆူမုၢ်နုာ်န့ၣ်လီၤ.

လံာ်တၢ်ဂံၢ် 1:20

ပှၤပိာ်ခွါအသးအိၣ်အနံၣ်ခံဆံမ့တမ့ၢ်ခံဆံဆူအဖီခိၣ်လၢအ ကြၢးဝဲဘၣ်ဝဲလၢတၢ်ဒုးသုးအဂီၢ်န့ၣ်ဘၣ်တၢ်ဆဲးလီၤကွဲးနီၣ် အမံၤဒ်အဒူၣ်ထၢဒီးအဟံၣ်ဖိဃီဖိအမံၤအိၣ်ဝဲဒၣ်အသိး, စးထီၣ်လၢစီၤရူၤဘ့ၣ်အဒူၣ်လၢအမ့ၢ်စီၤယၤကိာ်အဖိခွါအဒိၣ် ကတၢၢ်အဒူၣ်န့ၣ်လီၤ. အနီၣ်ဂံၢ်ခဲလၢာ်မ့ၢ်ဒ်အဖီလာ်အသိးန့ၣ်လီၤ. လၢရူၤဘ့ၣ်အဒူၣ်န့ၣ် ပှၤလွံၢ်ကလးဃုကထိယဲၢ်ကယၤဂၤ. လၢစူၤမ့းအိၣ်အဒူၣ်န့ၣ် ပှၤယဲၢ်ကလးခွံကထိသၢကယၤဂၤ. လၢကးအဒူၣ်န့ၣ်ပှၤလွံၢ်ကလးယဲၢ်ကထိဃုကယၤယဲၢ်ဆံဂၤ. လၢယူဒၤအဒူၣ်န့ၣ်ပှၤနွံကလးလွံၢ်ကထိဃုကယၤဂၤ. လၢယံးစၣ်ကၢ်အဒူၣ်န့ၣ်ပှၤယဲၢ်ကလးလွံၢ်ကထိလွံၢ်ကယၤဂၤ. လၢစဘူလိၣ်အဒူၣ်န့ၣ်ပှၤယဲၢ်ကလးနွံကထိလွံၢ်ကယၤဂၤ. လၢအ့ဖရဲၣ်အဒူၣ်န့ၣ်ပှၤလွံၢ်ကလးယဲၢ်ကယၤဂၤ. လၢမနၤၡ့ၤအဒူၣ်န့ၣ်ပှၤသၢကလးခံကထိခံကယၤဂၤ. လၢဘံၣ်ယၤမံၣ်အဒူၣ်န့ၣ်ပှၤသၢကလးယဲၢ်ကထိလွံၢ်ကယၤဂၤ. လၢဒၣ်အဒူၣ်န့ၣ်ပှၤဃုကလးခံကထိနွံကယၤဂၤ. လၢအၤၡ့ၢ်အဒူၣ်န့ၣ်ပှၤလွံၢ်ကလးတကထိယဲၢ်ကယၤဂၤ. လၢနၤသးလံအဒူၣ်န့ၣ်ပှၤယဲၢ်ကလးသၢကထိလွံၢ်ကယၤဂၤ. ပှၤခဲလၢာ်ပာ်ဖှိၣ်မ့ၢ်ဝဲ, ဃုကလီၢ်သၢကထိယဲၢ်ကယၤယဲၢ်ဆံဂၤ.

လံာ်တၢ်ဂံၢ် 26:5

လၢရူၤဘ့ၣ်အဒူၣ်ပူၤ (စီၤရူၤဘ့ၣ်မ့ၢ်စီၤယၤကိာ်အဖိခွါအဒိၣ် ကတၢၢ်), ဒူၣ်ထၢတဖၣ်လၢအဘၣ်ထွဲဒီးစီၤဟနိာ်, စီၤပးလူး,

လံာ်သိၣ်လီၤသီလီၤတၢ် 21:17

အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 27:13

ဒီးပှၤအဒူၣ်လၢလာ်တဖၣ်အံၤကဆၢထၢၣ်ဝဲလၢကစၢၢ်ဧ့ၤဘါလးအဒီ ခိၣ်ဖဲတၢ်ဆိၣ်အၢတဖၣ်ဘၣ်တၢ်ယၢၤထီၣ်အီၤန့ၣ်လီၤ. ပှၤအဒူၣ်တဖၣ်န့ၣ်မ့ၢ်ဝဲရူၤဘ့ၣ်အဒူၣ်, ကးအဒူၣ်, အၤၡ့ၢ်အဒူၣ်, စဘူၤလိၣ်အဒူၣ်, ဒၣ်အဒူၣ်ဒီးနးသၤလံအဒူၣ်န့ၣ် လီၤ.

လံာ်သိၣ်လီၤသီလီၤတၢ် 33:6

စီၤမိၤၡ့ကတိၤတၢ်ဘၣ်ဃးဒီးရူၤဘ့ၣ်အဒူၣ်အဂ့ၢ်စံးဝဲ, “အဝဲသ့ၣ်အပှၤဂီၢ်မုၢ်အနီၣ်ဂံၢ်မ့ၢ်စှၤဘၣ်ဆၣ်, မ်ရူၤဘ့ၣ်သုတသံကွံာ်နီတစုတဂ့ၤ.”

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.