လံာ်တၢ်ကဲထီၣ်အခီၣ်ထံး 49:26 - Sgaw Karen Common Bible

²⁶ တၢ်ဆိၣ်ဂ့ၤတဖၣ်လၢဘုဧိၤဟုဧိၤဒီးဖီတဖၣ်, တၢ်ဆိၣ်ဂ့ၤတဖၣ်ဟဲလၢကစၢၢ်ကလိလၢပျၢၤတဖၣ်, တၢ်လၢအဘၣ်သူၣ်ဘၣ်သးပှၤတဖၣ်လၢအဟဲလၢတၢ်လူၢ် အထူအယိာ်တဖၣ်န့ၣ်လီၤ. မ်တၢ်ဆိၣ်ဂ့ၤတဖၣ်အံၤလီၤဘၣ်လၢစီၤယိၤသး, ပှၤတဂၤလၢအဘၣ်တၢ်ပာ်လီၤဆီအီၤဒီးအဒီပုၢ်ဝဲၢ်ခွါတဖၣ်, အခိၣ်ဖီခိၣ်အမဲာ်တူၢ်ခိၣ်တက့ၢ်.

လံာ်တၢ်ကဲထီၣ်အခီၣ်ထံး 49:26 Iomraidhean Croise

လံာ်တၢ်ကဲထီၣ်အခီၣ်ထံး 37:28

ဒီးဖဲပှၤမံးဒယၣ်ဖိအပှၤကူၣ်တၢ်ကၤတၢ်တနီၤဟဲဘၣ်ကျဲန့ၣ်, စီၤယိၤသးအဒီပုၢ်ဝဲၢ်ခွါတဖၣ်ထုးထီၣ်အီၤလၢထံပူၤဒီးဆါ ကွံာ်အီၤလၢစ့ညၣ်အဘ့ၣ်ခံဆံ, ဆူပှၤယံးၡမၤဧ့လးဖိတဖၣ်အစုပူၤလၢအက့ၤစိာ်ကွံာ်အီၤဆူ ကီၢ်အဲၤကူပတူးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:8

အဒီပုၢ်ဝဲၢ်ခွါတဖၣ်သံကွၢ်ဝဲ, “နဆိကမိၣ်လၢနကကဲထီၣ်စီၤ ပၤတဂၤဒီးပၢပှၤန့ၣ်ဧါ”. ဒီးအဝဲသ့ၣ်သးဟ့အီၤအါထီၣ်မ့ၢ်လၢအတၢ်မံမီၢ်တဖၣ်ဒီးတၢ်လၢ အဝဲစံးတ့ၢ်ဘၣ်ထွဲဒီးအဝဲသ့ၣ်အဂ့ၢ်အဃိလီၤ.

လံာ်တၢ်ကဲထီၣ်အခီၣ်ထံး 49:27

စီၤဘံၣ်ယၤမံၣ်လီၤဂာ်ဒီးထွံၣ်မံၤလၢအအၢအသီတဒုလီၤ. လၢဂီၤဒီးလၢဟါန့ၣ်အဝဲမၤသံတၢ်ဒီးအီၣ်ဂီၤကွံာ်တၢ်လီၤ.”

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

စံးထီၣ်ပတြၢၤ 89:36

ထီဘိအဝဲကအိၣ်ဒီးအစၢၤအသွဲတဖၣ် ဒီးယကအံးလီၤကွၢ်လီၤအဘီအမုၢ် ယံာ်ဝဲထဲသိးမုၢ်အတၢ်ကပီၤအိၣ်ဝဲန့ၣ်လီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ယိၤနါ 2:6

ယလဲၤလီၤဆူကစၢၢ်ဂံၢ်ထံး ကီၢ်လၢတြဲၤကးတံာ်ဃာ်အသးအစိၤစိၤ အဃၣ်ဃၣ်န့ၣ်လီၤ. ဘၣ်ဆၣ်နဲဒၣ်ယွၤယကစၢ်ဧၢ, နထုးထီၣ်ကွံာ်ယၤလၢတၢ်ယိာ်ပူၤဒီးမၤမူထီၣ်ယၤလီၤ.

လံာ်ဃဘးကူာ် 3:6

တုၤအအိၣ်ကတီၢ်ဒီးဟီၣ်ခိၣ်ဟူးဝးဝဲ, ကွၢ်ဃီၤတၢ်ဒီးပှၤကလုာ်တဖၣ်ကနိးကစုာ်န့ၣ်လီၤ. ကစၢၢ်ကလိအထူအယိာ်တဖၣ်သ့ၣ်ဖးလီၤကလဲ, တၢ်စိခိၣ်အထူအယိာ်တဖၣ်, တၢ်စိခိၣ်လၢအယီၢ်လီၤတ့ၢ်ဝဲလၢပျၢၤလၢကစၢၤ သ့ၣ်တဖၣ်လီၤယၢၣ်ကွံာ်ဝဲလီၤ.

မၤတၢ် 7:9

ပၢ်ဖးဒိၣ်တဖၣ်န့ၣ်အသးက့ၣ်အဒီပုၢ်ဝဲၢ်စီၤယိၤသး, ဒီးဆါလီၤကွံာ်အီၤလၢအကကဲထီၣ်ကုၢ်လၢကီၢ်အဲၤကူပတူး အပူၤအဂီၢ်န့ၣ်လီၤ. ဘၣ်ဆၣ်ဒီးကစၢ်ယွၤအိၣ်ဒီးအီၤ,

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.