လံာ်တၢ်ကဲထီၣ်အခီၣ်ထံး 49:25 - Sgaw Karen Common Bible

²⁵ အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်,

လံာ်တၢ်ကဲထီၣ်အခီၣ်ထံး 49:25 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 27:28

မ်ကစၢ်ယွၤဟ့ၣ်လီၤနၤမူခိၣ်အပစီၤထံဒီးမၤပှဲၤနစံာ်ပျီ တဖၣ်လၢဟီၣ်ခိၣ်ညၣ်ထ့ၣ်တက့ၢ်. မ်ယွၤဟ့ၣ်နၤလၢဘုဧိၤဟုဧိၤဒီးစပံးထံအါအါကလဲာ်တက့ၢ်.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:21

ဒီးယမ့ၢ်ဟဲက့ၤတုၤပူၤဒုၣ်ပူၤဒါဆူယပၢ်အဟံၣ်န့ၣ်ဒီးနကမ့ၢ် ယကစၢ်ယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 32:9

ဒီးစီၤယၤကိာ်ဃ့ဘါထုကဖၣ်တၢ်, “ယဖုစီၤအၤဘြၤဟၣ်အကစၢ် ယွၤ, ယပၢ်စီၤအံၤစဲးအကစၢ်ယွၤဧၢ, ဒိကနၣ်လၢ်ယၤတက့ၢ်. ယွၤဧၢ, နတဲယၤလၢယဘၣ်က့ၤဆူ ယကီၢ်ဒီးယဘူးယတံၢ်သ့ၣ်တဖၣ်အအိၣ်ဒီးနကမၤတၢ်ကိးမံၤဒဲးဂ့ၤ ဂ့ၤဘၣ်ဘၣ်လၢယဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 35:3

ပကဘၣ်ဟးထီၣ်ကွံာ်ဖဲအံၤဒီးလဲၤဆူဝ့ၢ်ဘ့ၤသ့လးဖဲယကဘှီ ထီၣ်တၢ်လုၢ်လီၢ်တခါလၢကစၢ်ယွၤအဂီၢ်, လၢကစၢ်ယွၤလၢအမၤစၢၤတ့ၢ်ယၤဖဲယအိၣ်လၢတၢ်ကိၢ်တၢ်ဂီၤအကတီၢ် ဒီးအိၣ်တ့ၢ်ဒီးယၤဖဲယလဲၤတပူၤလၢ်လၢ်အဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 43:23

တၢ်ခ့တၢ်ပှၤစံးဘၣ်အီၤ, “ဘၣ်ယိၣ်တၢ်တဂ့ၤ, ပျံၤတၢ်တဂ့ၤ. သုကစၢ်ယွၤ, သုပၢ်အကစၢ်ယွၤကတ့ၢ်နုာ်က့ၤစ့လၢသုထၢၣ်တဖၣ် အပူၤလၢသုဂီၢ်န့ၣ်လီၤ. ယဒိးန့ၢ်ဘၣ်သုတၢ်ဟ့ၣ်ကဒါက့ၤလံ.” ဒီးဟဲက့ၤကိးစီၤစူၤမ့းအိၣ်ဆူအဝဲသ့ၣ်အအိၣ်လီၤ.

လံာ်တၢ်ကဲထီၣ်အခီၣ်ထံး 48:3

စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

စံးထီၣ်ပတြၢၤ 85:12

ယွၤကဒုးဘီၣ်ထီၣ်ညီထီၣ်ပှၤ ဒီးပစံာ်ဧိၤပှဲၤဧိၤ ကဟ့ၣ်ထီၣ်တၢ်ကူးက့ၤ အထူးအတီၤန့ၣ်လီၤ.

လံာ်တၢ်ဟးထီၣ်ကွံာ် 18:4

အဝဲစံးစ့ၢ်ကီးဝဲ, “ယပၢ်အကစၢ်ယွၤမၤစၢၤယၤဒီးမၤပူၤ ဖျဲးယၤလၢကီၢ်အဲၤကူပတူးအစီၤပၤအတၢ်မၤသံမၤဝီန့ၣ် လီၤ.” မၤသးဒ်န့ၣ်ဒီးယုၢ်ဝဲအဖိခွါအဂၤတဂၤန့ၣ်အမံၤလၢစီၤအလံၤ ဧ့စ့ၢ်န့ၣ်လီၤ.)

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

လံာ်သိၣ်လီၤသီလီၤတၢ် 8:17

လၢတၢ်န့ၣ်အဃိ, သုတဘၣ်ဆိကမိၣ်ထီၣ်နီတစုလၢသုမၤထူးထီၣ် တီၤထီၣ်သုသးလၢသုနီၢ်ကစၢ်ဒၣ်ဝဲ, အတၢ်စိကမီၤဒီးတၢ်ဂံၢ်တၢ်ဘါဒၣ်ဝဲအပူၤန့ၣ်တဂ့ၤ.

ဖံလံးပံၤ 4:19

လၢအတၢ်ထူးတၢ်တီၤအါအါကလဲာ်ခီဖျိယ့ၣ်ၡူးခရံာ်န့ၣ်, ယကစၢ်ယွၤကဟ့ၣ်သုတၢ်အလိၣ်ခဲလၢာ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.