လံာ်တၢ်ကဲထီၣ်အခီၣ်ထံး 49:24 - Sgaw Karen Common Bible

²⁴ ဘၣ်ဆၣ်ဒီးအဝဲအချံၣ်အိၣ်ဂၢၢ်ကျၢၤဝဲဒီးအစုဒုၣ်တဖၣ်ဘၣ်တၢ် ဒုးဆူၣ်ထီၣ်အီၤလၢတၢ်စိတၢ်ကမီၤလၢအဟဲဝဲလၢသ့တၢ်လၢာ်, ပှၤကွၢ်သိ, ဒီးပှၤကဟုကယာ်ကီၢ်အံၣ်စရ့လးတဂၤအအိၣ်လီၤ.

လံာ်တၢ်ကဲထီၣ်အခီၣ်ထံး 49:24 Iomraidhean Croise

လံာ်တၢ်ကဲထီၣ်အခီၣ်ထံး 45:11

နမ့ၢ်အိၣ်လၢကီၢ်ကိၡ့ၣ်အပူၤဒီး, ယအံးထွဲကွၢ်ထွဲနၤသ့လီၤ. တၢ်သၣ်ဝံၤလီၤဒိကအိၣ်ဒံးဝဲယဲၢ်နံၣ်, ဒီးယတအဲၣ်ဒိးလၢနၤ, နပှၤဒူၣ်ဖိထၢဖိဒီးဆၣ်ဖိကီၢ်ဖိအဒၢတဖၣ်ကသၣ်ဝံၤလီၤဒိန့ၣ် ဘၣ်.”

လံာ်တၢ်ကဲထီၣ်အခီၣ်ထံး 45:5

ခဲကနံၣ်အံၤတဘၣ်သးတံာ်တာ်မ့ၢ်ဂ့ၤ, ပာ်ဒ့ၣ်ပာ်ကမၣ်လီၤသုသး မ့ၢ်ဂ့ၤ, လၢသုဆါလီၤကွံာ်ယၤဖဲအံၤအဃိတဂ့ၤ. ပှၤလၢအဆှၢလီၤဆိယၤလၢသုမဲာ်ညါ, ဒ်သိးကအုၣ်က့ၤခီၣ်က့ၤပှၤ ဂီၢ်မုၢ်အသးသမူတဖၣ်န့ၣ်, မ့ၢ်နီၢ်နီၢ်ကစၢ်ယွၤလီၤ.

လံာ်တၢ်ကဲထီၣ်အခီၣ်ထံး 45:7

ကစၢ်ယွၤဆှၢဆိတ့ၢ်ယၤလၢသုမဲာ်ညါ, ဒ်သိးကမၤပူၤမၤဖျဲးသု လၢကျဲလီၤလိၢ်လီၤလးဒ်အံၤ, လၢကမၤလီၤတံၢ်ဝဲလၢသု, ဒီးသုစၢၤသုသွဲၣ်တဖၣ်ကအိၣ်မူဘၣ် ဒံးဝဲအဂီၢ်လီၤ.

လံာ်တၢ်ကဲထီၣ်အခီၣ်ထံး 47:12

စီၤယိၤသးလုၢ်အီၣ်လုၢ်အီအပၢ်, အဒီပုၢ်ဝဲၢ်ခွါတဖၣ်ဒီးကယဲၢ် အပၢ်အဒူၣ်ဖိထၢဖိအဂၤတုၤလၢပှၤအသးစၢ်ကတၢၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:15

ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

လံာ်တၢ်ကဲထီၣ်အခီၣ်ထံး 49:23

အဝဲအဒုၣ်အဒါတဖၣ်ဒုးအီၤဆူၣ်ဆူၣ်ဒီးလူၤထွဲအခံလၢအချံၣ် တဖၣ်ဒီးအပျၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:21

သုပျံၤတၢ်ဖုးတၢ်အလီၢ်တအိၣ်နီတမံၤဘၣ်. ယကကွၢ်ထွဲသုဒီးသုဖိတဖၣ်လီၤ.” လၢတၢ်န့ၣ်အဃိ, အဝဲဒုးသးခူတလ့ၢ်က့ၤတ့ၢ်အဝဲသ့ၣ်ဒီးတၢ်မၤမုာ်မၤခုၣ်အတၢ် ကတိၤတဖၣ်လၢအမၤဘၣ်ဒိမးအဝဲသ့ၣ်အသးတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:16

ဒီးစီၤအလံၤၡါတဲဘၣ်အီၤလၢကအိၣ်ကတဲာ်ကတီၤအသးဒ်သိးကခးတၢ် အဂီၢ်န့ၣ်လီၤ. စီၤပၤမၤဝဲဒ်န့ၣ်, ဒီးစီၤအလံၤၡါပာ်ထီၣ်အစုလၢစီၤပၤအစု လိၤန့ၣ်လီၤ.

လံာ်စီၤနဃ့မယၤ 6:9

အဝဲသ့ၣ်ဂုာ်ကျဲးစၢးမၤပျံၤပှၤဒ်သိးပကဆိကတီၢ်ကွံာ်တၢ်မၤ န့ၣ်လီၤ. ဒီးယဘါထုကဖၣ်ယဲ, “ကစၢ်ယွၤဧၢ, ခဲကနံၣ်အံၤဒုးဆူၣ်ထီၣ်ယၤတက့ၢ်.”

လံာ်စီၤယိၤဘး 29:20

ပှၤကိးဂၤဒဲးစံးထီၣ်ပတြၢၤယၤထီဘိ, ဒီးယဂံၢ်ယဘါတလီၤ စၢ်နီတဘျီဘၣ်.

စံးထီၣ်ပတြၢၤ 118:22

လၢၢ်လၢပှၤသူၣ်ထီၣ်တၢ်ဖိတဖၣ်ညိကွံာ် ဝဲဒ်တၢ်ကလီကလီအသိးန့ၣ်, ကဲထီၣ်လၢၢ်လၢအကါဒိၣ်ကတၢၢ်န့ၣ်လံ.

စံးထီၣ်ပတြၢၤ 132:1

ယွၤဧၢ, သးပ့ၤနီၣ်စီၤဒၤဝံးဒီးအတၢ်ကီတၢ်ခဲခဲလၢာ်လၢ အတူၢ်ဘၣ်ဝဲန့ၣ်တဂ့ၤ.

စံးထီၣ်ပတြၢၤ 132:2

ယွၤဧၢ, သ့ၣ်နီၣ်ထီၣ်က့ၤတၢ်လၢအဝဲအၢၣ်လီၤတ့ၢ်ဝဲ, တၢ်ဆိၣ်လၢအမၤတ့ၢ်ဝဲဒီးနၤ, စီၤယၤကိာ်အကစၢ်ယွၤလၢအဂံၢ်ဆူၣ်ဘါဆူၣ်,

စံးထီၣ်ပတြၢၤ 132:5

တချုးဒံးဘၣ်လၢ ယမၤန့ၢ်ပာ်စၢၤ တၢ်လီၢ်တတီၤလၢ ယွၤအဂီၢ်, ဟံၣ်တဖျၢၣ်လၢ စီၤယၤကိာ်အကစၢ်ယွၤလၢ အဂံၢ်ဆူၣ်ဘါဆူၣ်အဂီၢ်န့ၣ်ဘၣ်.”

စံးထီၣ်ပတြၢၤ 18:1

ယွၤဧၢ, ယအဲၣ်နၤဆံးဒိၣ်လဲၣ်, နမ့ၢ်ယဂံၢ်ယဘါလီၤ.

စံးထီၣ်ပတြၢၤ 18:30

ကစၢ်ယွၤလၢယဘါအီၤအံၤအကျဲလၢပှဲၤဝဲ, ယွၤအတၢ်စံးပာ်န့ၣ်ဘၣ်တၢ်မၤကွၢ် ဒီးထံၣ်န့ၢ်အီၤလၢအတီဝဲလီၤ. အဝဲမ့ၢ်ကတီၤတဘ့ၣ်လၢပှၤလၢအ အိၣ်တဒၢလၢအပူၤခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 23:1

ယွၤမ့ၢ်ယပှၤကွၢ်သိ, တၢ်တမိၣ်န့ၢ်ဘၣ်ယသးလၢတၢ်နီတမံၤဘၣ်.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 28:8

ယွၤမ့ၢ်အပှၤဂီၢ်မုၢ်အဂံၢ်အဘါ ဒီးတၢ်ပူၤဖျဲးအလီၢ်လၢအစီၤပၤ လၢအဃုထၢဝဲအဂီၢ်န့ၣ်လီၤ.

စံးထီၣ်ပတြၢၤ 44:7

ဘၣ်ဆၣ်နမၤပူၤဖျဲးတ့ၢ်ပှၤလၢပဒုၣ်ပဒါသ့ၣ်တဖၣ် ဒီးမၤနၢၤတ့ၢ်ပှၤလၢအသးဟ့ပှၤန့ၣ်လီၤ.

စံးထီၣ်ပတြၢၤ 73:23

မ့ၢ်နာ်သက့ဒ်န့ၣ်ဒီး, ယအိၣ်ဘူးဒီးနၤတထံၣ်ဃီ ဒီးနဟံးထီၣ်ယစုထွဲန့ၣ်လီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 89:1

ယွၤဧၢ, ယကသးဝံၣ်ထီၣ်နတၢ်အဲၣ်ဂၢၢ်ကျၢၤ လီၤထူလီၤယိာ်, ယကဘိးဘၣ်သ့ၣ်ညါနတၢ်သူၣ်တီသးလိၤလၢ ကယဲၢ်စိၤခဲလၢာ်လၢယထးခိၣ်လီၤ.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်ယၡါယၤ 1:24

မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ယၡါယၤ 29:24

ပှၤဂီၢ်မုၢ်လၢအမၢးကမၤလိမၤနၢ်ပၢၢ်အသး, ဒီးပှၤတဖၣ်လၢအကဒူးကဒ့ၣ်တၢ်ထီဘိန့ၣ်ကသး ခုတူၢ်လိာ်တၢ်သိၣ်လိအီၤလီၤ.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်စကၤရယၤ 10:12

ယကဒုးဂံၢ်ဆူၣ်ဘါဆူၣ်ထီၣ်ယပှၤဂီၢ်မုၢ်, ဒီးအဝဲသ့ၣ်ကဘါထီၣ်ယၤဒီးစူၢ်ယၤလီၤ,” ယွၤကတိၤလံတၢ်လံ.

လံာ်စကၤရယၤ 3:9

ယပာ်လီၤလၢၢ်တဖျၢၣ်လၢအအိၣ်ဒီးအမဲာ်သၣ်နွံကပၤလၢစီၤယိၤၡူ အမဲာ်ညါလီၤ. ယကစိးပျၤတၢ်ကွဲးတမံၤလၢအလိၤ, ဒီးလၢတနံၤဃီအတီၢ်ပူၤန့ၣ်ယကစိာ် ကွံာ်ကီၢ်အံၤအတၢ်ဒဲးဘးန့ၣ်လီၤ.

လံာ်မးသဲ 21:42

ယ့ၣ်ၡူးစံးဘၣ်အဝဲသ့ၣ်, “တၢ်ကွဲးအသးစီဆှံလၢအစံး, ‘လၢၢ်တဖျၢၣ်လၢပှၤသူၣ်ထီၣ်ဟံၣ်တဖၣ်ညိကွံာ်အီၤဒ် တၢ်လၢအလုၢ်အပှ့ၤတအိၣ်ဘၣ်အသိးန့ၣ်, ကဲထီၣ်က့ၤလၢၢ်ခိၣ်စိလၢ အကါဒိၣ်ကတၢၢ်တဖျၢၣ်လီၤ. အအံၤမ့ၢ်ကစၢ်အတၢ်မၤ, ဒီးမ့ၢ်တၢ်လီၤလးဒိၣ်မးလၢပမဲာ်ညါလီၤ’ န့ၣ်, မ့ၢ်သုတဖးဘၣ်ဘၣ်ဧါ” (စံး. ၁၁၈:၂၂-၂၃).

လံာ်မၢ်ကူး 12:10

တၢ်ကွဲးအသးအံၤမ့ၢ်သုတဖးဘၣ်ဒံးဘၣ်ဧါ. ‘လၢၢ်တဖျၢၣ်လၢပှၤဘှီထီၣ်ဟံၣ်တဖၣ်ညိကွံာ်ဝဲ ဒ်တၢ်လၢအဘျုးတအိၣ်နီတမံၤဘၣ်န့ၣ်, ကဲထီၣ်တ့ၢ်လံဟံၣ်သနၢၣ်အလၢၢ် လၢအဘျုးအဖှိၣ်အိၣ်ဒိၣ်ကတၢၢ်န့ၣ်လီၤ.

လံာ်လူၤကၣ် 20:17

ယ့ၣ်ၡူးကွၢ်ဃီၤအဝဲသ့ၣ်ဒီးသံကွၢ်ဝဲ, “မ့မ့ၢ်ဒ်န့ၣ်ဒီး, တၢ်ကွဲးအသးလၢလာ်တတီၤအံၤအခီပညီမ့ၢ်မနုၤလဲၣ်. ‘လၢၢ်တဖျၢၣ်ဃီလၢပှၤဘှီတၢ်ဖိ တဖၣ်ညိကွံာ်ဝဲဒ်တၢ်လၢအလုၢ်အပှၤတအိၣ်ဘၣ်န့ၣ်, ကဲထီၣ်လၢလၢၢ်အကါဒိၣ်ကတၢၢ်တဖျၢၣ် တခီန့ၣ်လီၤ.’

မၤတၢ် 4:11

တၢ်ကွဲးအသးစံးတၢ်ဘၣ်ဃးယ့ၣ်ၡူးအဂ့ၢ်, ‘လၢၢ်တဖျၢၣ်လၢသုဝဲပှၤဘှီထီၣ်ဟံၣ်တဖၣ် ညိကွံာ်ဝဲန့ၣ်, ကဲထီၣ်လံဟံၣ်သနၢၣ်အလၢၢ်လၢ အကါဒိၣ်ကတၢၢ်န့ၣ်လီၤ.’

ရိမ့ၤ 14:4

နမ့ၢ်မတၤတဂၤလၢအကစံၣ်ညီၣ်ပှၤအဂၤတဂၤအခ့အပှၤန့ၣ်လဲၣ်. အတၢ်မၤကဲထီၣ်မ့ၢ်ဂ့ၤ, တကဲထီၣ်မ့ၢ်ဂ့ၤန့ၣ် အကစၢ်လၢအမ့ၢ်ယွၤကစံၣ်ညီၣ်ဒၣ်ဝဲလီၤ. ဒီးအတၢ်မၤကကဲထီၣ်လိၣ်ထီၣ်ဝဲ, မ့ၢ်လၢယွၤဒုးကဲထီၣ်လိၣ်ထီၣ်အီၤသ့ဝဲဒၣ်အဃိန့ၣ်လီၤ.

အ့းဖ့းစူး 2:20

သုဘၣ်တၢ်သူၣ်ထီၣ်သုလၢတၢ်ခီၣ်ထံးလၢအမ့ၢ် ပှၤတၢ်မၢဖိဒီးဝံတဖၣ်အဖီခိၣ်, ယ့ၣ်ၡူးခရံာ်အနီၢ်ကစၢ် မ့ၢ်ဟံၣ်န့ၣ်အလၢၢ်သနၢၣ်,

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်သိၣ်လီၤသီလီၤတၢ် 33:27

ထီဘိကစၢ်ယွၤမ့ၢ်သုတၢ်အိၣ်တဒၢအလီၢ်, အဝဲအစုတီၤအထူအယိာ်တဖၣ် မ့ၢ်တၢ်လၢအမၤစၢၤသုန့ၣ်လီၤ. အဝဲနီၣ်ထီၣ်ဟီထီၣ်ကွံာ်သုဒုၣ်သုဒါတဖၣ်ဖဲသုလဲၤထီၣ် ဒုးတၢ် ဒီးတဲဘၣ်သုလၢသုကမၤဟးဂီၤကွံာ်အဝဲသ့ၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

လံာ်စီၤယိၤၡူ 17:18

ကစၢၢ်ကလိအကီၢ်ကမ့ၢ်သုတၢ်လီၤ. မ့မ့ၢ်ဒၣ်လဲာ်သ့ၣ်ပှၢ်တပှၢ်န့ၣ်, သုကမၤပျီအီၤဒီးဟံးန့ၢ်အီၤတုၤလၢကီၢ်ဆၢအယံၤကတၢၢ်န့ၣ်လီၤ. မ့မ့ၢ်ပှၤကနၤဧၣ်ဖိတဖၣ်န့ၣ်, မ့ၢ်အိၣ်ဒီးအလ့ၣ်ကဟၣ်ထးဒီးအဂံၢ်အဘါမ့ၢ်ဆူၣ်ဒၣ်လဲာ်န့ၣ်, သုကဟီထီၣ်ကွံာ်အီၤန့ၣ်လီၤ.”

လံာ်ပှၤစံၣ်ညီၣ်ကွီၢ် 1:22

ဒီးအ့ဖရဲၣ်ဒီးမနၤၡ့ၤအဒူၣ်တဖၣ်လဲၤဒ်သိးအကဒုးဝ့ၢ်ဘ့ၤသ့လး န့ၣ်လီၤ. ဒီးယွၤမၤစၢၤအဝဲသ့ၣ်လီၤ.