လံာ်တၢ်ကဲထီၣ်အခီၣ်ထံး 49:23 - Sgaw Karen Common Bible

²³ အဝဲအဒုၣ်အဒါတဖၣ်ဒုးအီၤဆူၣ်ဆူၣ်ဒီးလူၤထွဲအခံလၢအချံၣ် တဖၣ်ဒီးအပျၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 49:23 Iomraidhean Croise

လံာ်တၢ်ကဲထီၣ်အခီၣ်ထံး 37:18

အဝဲသ့ၣ်ထံၣ်စိဃီၤစီၤယိၤသးလၢတၢ်လီၢ်အယံၤဒီးတချုးအဟဲ တုၤဒံးဘၣ်ဆူအဝဲသ့ၣ်အအိၣ်န့ၣ်, အဝဲသ့ၣ်ကူၣ်ထီၣ်တၢ်အၢထီဒါအီၤဒီးပာ်လီၤအသးလၢကမၤသံအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 37:24

ဒီးအဝဲသ့ၣ်ဖီၣ်န့ၢ်အီၤဒီးတ့ၢ်လီၤကွံာ်အီၤလၢထံပူၤလၢထံ လီၤသံးကွံာ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:28

ဒီးဖဲပှၤမံးဒယၣ်ဖိအပှၤကူၣ်တၢ်ကၤတၢ်တနီၤဟဲဘၣ်ကျဲန့ၣ်, စီၤယိၤသးအဒီပုၢ်ဝဲၢ်ခွါတဖၣ်ထုးထီၣ်အီၤလၢထံပူၤဒီးဆါ ကွံာ်အီၤလၢစ့ညၣ်အဘ့ၣ်ခံဆံ, ဆူပှၤယံးၡမၤဧ့လးဖိတဖၣ်အစုပူၤလၢအက့ၤစိာ်ကွံာ်အီၤဆူ ကီၢ်အဲၤကူပတူးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:4

တုၤအဒီပုၢ်ဝဲၢ်ခွါတဖၣ်ထံၣ်ဝဲလၢအပၢ်စီၤယၤကိာ်အဲၣ်တ့ၢ်စီၤ ယိၤသးဒိၣ်န့ၢ်အအဲၣ်တ့ၢ်အဝဲသ့ၣ်န့ၣ်, အဝဲသ့ၣ်သးဟ့ တ့ၢ်အီၤနးမးတုၤဒၣ်လဲာ်တကတိၤတၢ်ဒီးအီၤမုာ်မုာ်ဘၣ်လီၤ.

လံာ်တၢ်ကဲထီၣ်အခီၣ်ထံး 42:21

ဒီးစံးလိာ်အသးတဂၤဒီးတဂၤ, “မ့ၢ်မး, ခဲအံၤပဘၣ်တၢ်နးတၢ် ဖှီၣ်လၢတၢ်လၢပမၤဘၣ်တ့ၢ်ပဒီပုၢ်ဝဲၢ်ခွါတဂၤအဃိလီၤ. ပထံၣ်တ့ၢ်အဝဲအိၣ်လၢတၢ်ကီတၢ်ခဲဖးဒိၣ်အပူၤဖဲအဝဲဃ့ကညးပှၤ လၢတၢ်မၤစၢၤအဂီၢ်, ဘၣ်ဆၣ်ပတဒိကနၣ်ဘၣ်အီၤဘၣ်. လၢတၢ်န့ၣ်အဃိခဲအံၤပအိၣ်လၢတၢ်ကီတၢ်ခဲအဝဲအံၤအပူၤန့ၣ် လီၤ.”

လံာ်တၢ်ကဲထီၣ်အခီၣ်ထံး 49:22

စီၤယိၤသးလီၤဂာ်ဒီးကသ့ၣ်ယီၤအရၢၢ်တဒုလၢထံထီၣ်ပၢၢ်တပူၤအ ဃၢၤ, ကသ့ၣ်ဖိအရၢၢ်တဒုလၢတၢ်လူၢ်တလူၢ်အဒီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 49:24

ဘၣ်ဆၣ်ဒီးအဝဲအချံၣ်အိၣ်ဂၢၢ်ကျၢၤဝဲဒီးအစုဒုၣ်တဖၣ်ဘၣ်တၢ် ဒုးဆူၣ်ထီၣ်အီၤလၢတၢ်စိတၢ်ကမီၤလၢအဟဲဝဲလၢသ့တၢ်လၢာ်, ပှၤကွၢ်သိ, ဒီးပှၤကဟုကယာ်ကီၢ်အံၣ်စရ့လးတဂၤအအိၣ်လီၤ.

စံးထီၣ်ပတြၢၤ 118:13

ယဘၣ်တၢ်ဆီၣ်လီၤတ့ၢ်ယၤနးမး ဒ်သိးယကလီၤဃံၤလီၤ. ဘၣ်ဆၣ်ယွၤမၤစၢၤတ့ၢ်လံယၤလံ.

စံးထီၣ်ပတြၢၤ 64:3

အဝဲသ့ၣ်ကျ့အပျ့ၤတဖၣ်ဒ်နးတဖၣ်အသိး, ဒီးပညိၣ်အတၢ်ကတိၤအအၢအသီတဖၣ် ဒ်ပျၢ်တဖၣ်အသိးန့ၣ်လီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.