လံာ်တၢ်ကဲထီၣ်အခီၣ်ထံး 49:21 - Sgaw Karen Common Bible

²¹ စီၤနးသၤလံမ့ၢ်တၤယုၢ်တဒုလၢဃ့ၢ်လၢတၢ်သဘျ့အပူၤအိၣ်ဒီး အဆူၣ်လၢအလွဲၢ်ဃံလၤဝဲလီၤ.

လံာ်တၢ်ကဲထီၣ်အခီၣ်ထံး 49:21 Iomraidhean Croise

လံာ်တၢ်ကဲထီၣ်အခီၣ်ထံး 30:8

ဒီးနီၢ်ရၤဃ့လးစံးဝဲ, “ယဒုးတၢ်ဒုးလၢအဆူၣ်ဒီးယဒီပုၢ် ဝဲၢ်မုၣ်လီၤ. ဘၣ်ဆၣ်ယမၤနၢၤအီၤလံ.” ဒီးယုၢ်န့ၢ်ဝဲအမံၤလၢစီၤနးသၤလံလီၤ.

လံာ်တၢ်ကဲထီၣ်အခီၣ်ထံး 46:24

စီၤနးသၤလံအိၣ်ဒီးအဖိခွါတဖၣ်လၢအမ့ၢ်ဝဲ, စီၤယၤစအ့လး, စီၤကူနံၤ, စီၤယ့စ့ၢ်ဒီးစီၤၡံးလ့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:7

အဝဲသ့ၣ်စံးဆၢဝဲ, “နမ့ၢ်သူၣ်ကညီသးကညီၤပှၤဂီၢ်မုၢ်တဖၣ် အံၤဒီးကျဲးစၢးမၤဘၣ်အဝဲသ့ၣ်အသးခီဖျိတၢ်ဟ့ၣ်အီၤတၢ်စံး ဆၢလၢအအိၣ်ဒီးတၢ်ဆိကမိၣ်န့ၢ်တၢ်လၢအဝဲသ့ၣ်အဂီၢ်န့ၣ်ဒီး, အဝဲသ့ၣ်ကမၤနတၢ်မၤလၢတၢ်သးတီအပူၤထီဘိန့ၣ်လီၤ.”

တၢ်ကတိၤဒိ. 5:19

လၢအဃံအလၤဒီးလီၤအဲၣ်ဒ်တၤဟိမိၢ်တဒုအသိးအအိၣ်န့ၣ်တက့ၢ်. မ်အတၢ်လီၤအဲၣ်လီၤကွံမၤမုာ်နသး, ဒီးမ်အတၢ်အဲၣ်ထိၣ်ဂဲၤမၤမူၤနသးထီဘိတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 2:7

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ, ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ, လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.

လံာ်ယံးရမံယၤ 14:5

လၢစံာ်ပျီအပူၤန့ၣ်တၤဟိမိၢ် ပာ်လီၤတဲာ်ကွံာ်အဖိလၢအဖှံလီၤဝဲသီသီ, မ့ၢ်လၢနီၣ်ဧိၤမံၤဧိၤတအိၣ်ဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 33:23

ဘၣ်ဃးဒီးနးသၤလံအဒူၣ်အဂ့ၢ်န့ၣ်အဝဲစံးဝဲ, “နးသၤလံဘၣ်ဆိၣ်ဂ့ၤဝဲထူးထူးတီၤတီၤလၢယွၤအတၢ်ကွၢ်မဲာ် အဂ့ၤအဃိ, အဝဲသ့ၣ်အကီၢ်လဲၤတုၤဃီၤဝဲဆူပီၣ်လဲၣ်ကၤလံၤလါအကလံၤထံး န့ၣ်လီၤ.”

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:6

တနံၤန့ၣ်အဝဲမၢပှၤလဲၤကိးစီၤအဘံနိၣ်အဖိခွါစီၤဘါရးအိၣ် လၢဝ့ၢ်က့ဒ့ၣ်လၢကီၢ်နးသးလံအပူၤဒီးစံးဘၣ်အီၤ, “ယွၤ, အံၣ်စရ့လးအကစၢ်ယွၤဟ့ၣ်လီၤနၤတၢ်မၤလိာ်တထံၣ်အံၤလီၤ. ဟံးန့ၢ်ပှၤနးသၤလံဖိဒီးပှၤစဘူလိၣ်ဖိအဒူၣ်အကျါအဂၤတကလး ဒီးဆှၢအီၤဆူကစၢၢ်တၤဘိၢ်တက့ၢ်.

လံာ်ပှၤစံၣ်ညီၣ်ကွီၢ် 5:18

ဘၣ်ဆၣ်ဒီးစဘူလိၣ်အပှၤဂီၢ်မုၢ်ဒီးနးသၤလံအပှၤဂီၢ်မုၢ်ဟ့ၣ်လီၤအသးဒူဒူလၢတၢ်ဒုးပျီအပူၤန့ၣ်လီၤ.