လံာ်တၢ်ကဲထီၣ်အခီၣ်ထံး 49:16 - Sgaw Karen Common Bible

¹⁶ စီၤဒၣ်ကမ့ၢ်ပှၤပၢတၢ်တဂၤလၢအပှၤဂီၢ်မုၢ်အဂီၢ်လီၤ. အဝဲသ့ၣ်ကလီၤဂာ်ဒ်ကီၢ်အံၣ်စရ့လးအဒူၣ်အဂၤတဖၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 49:16 Iomraidhean Croise

လံာ်တၢ်ကဲထီၣ်အခီၣ်ထံး 30:6

ဒီးနီၢ်ရၤဃ့လးစံးဝဲ, “ကစၢ်ယွၤစံၣ်ညီၣ်တီတၢ်လၢတၢ်ကွၢ် မဲာ်ယၤအပူၤလီၤ. အဝဲနၢ်ဟူတ့ၢ်လံယတၢ်ထုကဖၣ်ဒီးဟ့ၣ်ယၤလၢဖိခွါတဂၤလံ.” ဒီးယုၢ်ဝဲအမံၤလၢစီၤဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 49:15

ဘၣ်ဆၣ်အဝဲထံၣ်ဝဲလၢလီၢ်အိၣ်ဘှံးအံၤဂ့ၤဝဲ ဒီးထံကီၢ်မ့ၢ်လီၢ်အမုာ်အခုၣ်လီၤ. လၢတၢ်န့ၣ်အဃိ, အဝဲသကူးလီၤအပျိၢ်ဒ်သိးကဝံထီၣ်ယိးထီၣ်တၢ် ဘိၣ်ဒီးကဘၣ်တၢ်မၤဆူၣ်အီၤလၢကမၤတၢ်ဒ်ကုၢ်တဂၤအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 49:17

စီၤဒၣ်ကမ့ၢ်ဂုၢ်တဘိလၢကျဲကပၤ, ဂုၢ်လၢအအိၣ်ဒီးအစုၣ်အၢတဘိလၢကျဲဖိအကပၤလၢကဖျးကသ့ၣ်အခီၣ် နၢၣ်ခံဒ်သိးပှၤဒိးကသ့ၣ်ကလီၤတဲာ်ကွံာ်ဝဲဆူတၢ်လီၢ်ခံန့ၣ်လီၤ.

လံာ်တၢ်ဂံၢ် 10:25

လၢခံကတၢၢ်န့ၣ်, ပှၤတဖၣ်လၢအအိၣ်လၢစီၤဒၣ်အဒူၣ်အကရူၢ်အနီၣ်တယၢ် အဖီလာ်လၢအမၤတၢ်ဒ်ကရူၢ်ခဲလၢာ်အပှၤပၢၤတၢ်ကစးထီၣ်လဲၤတၢ်တဖု ဘၣ်တဖု, ဃုာ်ဒီးစီၤဧးမံၡဒံၤအဖိခွါစီၤအဃံဧ့စ့ၣ်ဒ်ပှၤပၢဆှၢတၢ် အသိးန့ၣ်လီၤ.

လံာ်သိၣ်လီၤသီလီၤတၢ် 33:22

ဘၣ်ဃးဒီးဒၣ်အဒူၣ်အဂ့ၢ်န့ၣ်အဝဲစံးဝဲ, “ဒၣ်မ့ၢ်ခ့ယုၢ်ဖိတဒု, အဝဲစံၣ်ထီၣ်ဝဲလၢကီၢ်ဘၤၡၣ်အပူၤန့ၣ်လီၤ.”

လံာ်ပှၤစံၣ်ညီၣ်ကွီၢ် 13:2

အကတီၢ်ဖဲန့ၣ်ပှၤအိၣ်ဝဲတဂၤအမံၤလၢစီၤမၤနိလီၤ. အဝဲဒၣ်အိၣ်လၢဝ့ၢ်စိးရၤလီၤ. အဝဲဒၣ်မ့ၢ်ဝဲစီၤဒၣ်အဒူၣ်ဖိထၢဖိအကျါတဂၤလီၤ. အဝဲအမါန့ၣ်အိၣ်ဒံၣ်အိၣ်ဖိတန့ၢ်ဝဲနီတစုဘၣ်.

လံာ်ပှၤစံၣ်ညီၣ်ကွီၢ် 15:20

ဒီးစီၤၡံၣ်ၡိၣ်ဆှၢပှၤအံၣ်စရ့လးဖိအနံၣ်ခံဆံဖဲပှၤဖလ့ၡသးဖိပၢဘၣ်ကီၢ်အခါန့ၣ်လီၤ.