လံာ်တၢ်ကဲထီၣ်အခီၣ်ထံး 49:1 - Sgaw Karen Common Bible

¹ စီၤယၤကိာ်ကိးဃီၤအဖိခွါတဖၣ်ဒီးစံးဝဲ, “ပာ်ဖှိၣ်သုသးဝးတ ရံးယၤ, ဒီးယကတဲသုတၢ်ကမၤအသးဒီးသုဆူညါန့ၣ်လီၤ.

လံာ်တၢ်ကဲထီၣ်အခီၣ်ထံး 49:1 Iomraidhean Croise

စံးထီၣ်ပတြၢၤ 105:15

“မၤဘၣ်ဒိဆါယခ့ယပှၤလၢ ယဃုထၢအီၤတဖၣ်တဂ့ၤ. ထိးဘူးယဝံတဖၣ်တဂ့ၤ”

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

လံာ်ယၡါယၤ 2:2

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်လၢယွၤအတၢ်လုၢ်ဟံၣ်အိၣ်ဆၢထၢၣ်န့ၣ် ကမ့ၢ်ကစၢၢ်အထီကတၢၢ်လၢအကစီၤ ထီၣ်ဒိၣ်ဘၢကစၢၢ်ခဲလၢာ်န့ၣ်လီၤ. ပှၤကလုာ်တဖၣ်ကဟဲယွၤနုာ်လီၤဝဲဆူအအိၣ်,

လံာ်ယၡါယၤ 22:14

ယွၤစိဒိၣ်ကမီၤထီ, သ့တၢ်လၢာ်ကစၢ်အကစၢ်ဒၣ်ဝဲကတိၤတ့ၢ် တၢ်ဒီးယၤဒီးစံးဝဲ, “ဖဲအဝဲသ့ၣ်အိၣ်မူဒံးအဖၢမုၢ်ဒီး, တၢ်အၢတၢ်သီအံၤတၢ်ပျၢ်ဖျဲးအီၤတသ့ဘၣ်နီတစုဘၣ်. ယၤ, ယွၤစိဒိၣ်ကမီၤထီ, သ့တၢ်လၢာ်ကစၢ်ကတိၤတ့ၢ်လံတၢ်လီၤ.”

လံာ်ယၡါယၤ 39:6

တၢ်ဆၢကတီၢ်ဟဲဝဲဖဲတၢ်ခဲလၢာ်လၢနနူၢ်ပူၤစီၤပူၤ, တၢ်ခဲလၢာ်လၢနမိၢ်ပၢ်ဖံဖုလၢပျၢၤတဖၣ်ပာ်ဖှိၣ်ပာ်တံၤအီၤ တုၤလီၤလၢမုၢ်မဆါတနံၤအံၤတဖၣ်ကဘၣ်တၢ်စိာ်ကွံာ်အီၤဆူကီၢ် ဘၤဘူၤလိၣ်လီၤ. တမ့ၢ်လၢတၢ်ကအိၣ်တီၢ်နီတမံၤလၢၤဘၣ်.

လံာ်ယၡါယၤ 48:14

သုဝဲခဲလၢာ်, အိၣ်ဖှိၣ်ရိဖှိၣ်ဒီးဒိကနၣ်တၢ်တက့ၢ်. ပှၤလၢယဃုထၢတ့ၢ်အီၤတဂၤကဒုးဝ့ၢ်ဘၤဘူၤလိၣ်အဂ့ၢ်န့ၣ်, ကစၢ်အဂၤတဖၣ်ကတိၤဆိပာ်အီၤတသ့နီတဂၤဘၣ်. အဝဲကမၤတၢ်လၢယသးအိၣ်လၢအဝဲကမၤဝဲန့ၣ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ဒၤနံးယ့လး 10:1

လၢစီၤပၤဖးဒိၣ်စီၤကိရ့ၣ်ပၢတၢ်လၢပၤရၣ်အဘီအမုၢ်သၢနံၣ် တနံၣ်အပူၤန့ၣ်, တၢ်ကစီၣ်တမံၤဘၣ်တၢ်လီၣ်ဖျါထီၣ် အီၤလၢစီၤဒၤနံးယ့လး, ပှၤလၢအဘၣ်တၢ်ကိးစ့ၢ် ကီးအီၤလၢစီၤဘ့ၤလးတၡါစၢ်, န့ၣ်လီၤ. တၢ်ကစီၣ်န့ၣ်မ့ၢ်အမ့ၢ် အတီဘၣ်ဆၣ်ဒီးတၢ်နၢ်ပၢၢ်အီၤကီဒိၣ်ဒိၣ်ကလဲာ်န့ၣ်လီၤ. တၢ်န့ၣ်ဘၣ်တၢ်တဲဖျါထီၣ်န့ၢ်အီၤလၢတၢ်ထံၣ်လၢညါခီအပူၤန့ၣ်လီၤ.

လံာ်ဒၤနံးယ့လး 10:14

ယဟဲတ့ၢ်ယဲဒ်သိးယကတဲနၢ်ပၢၢ်နၤလၢတၢ်ကမၤအသးဒီး နပှၤဂီၢ်မုၢ်လၢခါဆူညါအဂ့ၢ်န့ၣ်လီၤ. အအံၤမ့ၢ်တၢ်ထံၣ်လၢညါခီဘၣ်ဃးဒီးခါဆူညါအဂ့ၢ်န့ၣ်လီၤ.”

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.

လံာ်တၢ်ဂံၢ် 24:14

စီၤဘံးလၣ်စံးဘၣ်စီၤဘၤလး, “ခဲအံၤ, ယကက့ၤကဒါက့ၤဆူယပှၤဂီၢ်မုၢ်ဒၣ်ယဲအအိၣ်, ဘၣ်ဆၣ်ဒီးတချုးလၢယက့ၤဒံးဘၣ်န့ၣ်, ယဟ့ၣ်ပလီၢ်နၤတၢ်လၢခဲ ကိာ်ကီၢ်အံၣ်စရ့လးအပှၤဂီၢ်မုၢ်ကမၤဘၣ်နပှၤဂီၢ်မုၢ်ဒ်လဲၣ်အဂ့ၢ် န့ၣ်လီၤ.

လံာ်လူၤကၣ် 2:26

ဒီးဒုးနဲၣ်အီၤလၢ, တချုးအဝဲဒၣ်ထံၣ်ဘၣ်ခရံာ်လၢ ကစၢ်စံးပာ်တ့ၢ်လၢအဂ့ၢ်တဂၤဒံးဘၣ်န့ၣ်ဒီး, အဝဲတသံဒံးဘၣ်န့ၣ်လီၤ.

မၤတၢ် 2:17

‘ကစၢ်ယွၤစံးဝဲဒၣ်, အအံၤမ့ၢ်တၢ်လၢယကမၤအီၤလၢ မုၢ်နံၤမုၢ်သီ လၢခံကတၢၢ်တဖၣ်, ယကလူလီၤဂၢ်လီၤယသးလၢ ပှၤဟီၣ်ခိၣ်ဖိခဲလၢာ်အလိၤ, သုဖိမုၣ်ဖိခွါတဖၣ်ကတဲဖျါထီၣ်ယတၢ်ကစီၣ်, သုပှၤသးစၢ်တဖၣ်ကထံၣ်တၢ်ထံၣ်လၢညါခီတဖၣ်, ဒီးသုပှၤသးပှၢ်တဖၣ်ကမံမီၢ်တၢ်မံမီၢ်တဖၣ်လီၤ.

လံာ်သိၣ်လီၤသီလီၤတၢ် 31:12

ကိးဖှိၣ်ဃီၤကယဲၢ်ပှၤပိာ်ခွါတဖၣ်, ပှၤပိာ်မုၣ်တဖၣ်, ပှၤဖိသၣ်တဖၣ်ဒီးပှၤတခီဘီမုၢ်ဖိတဖၣ်လၢအအိၣ်ဝဲဆိးဝဲလၢ သုဝ့ၢ်တဖၣ်အပူၤ, ဒ်သိးပှၤကိးဂၤဒဲးကနၢ်ဟူဘၣ်တၢ်အံၤဒီးမၤလိန့ၢ်လၢကယူးယီၣ်ပာ်ကဲယွၤ, သုကစၢ်ယွၤဒီးကစူၢ်အဝဲ အတၢ်သိၣ်လိတဖၣ်လၢတၢ်သူၣ်တီသးရၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 4:30

ဖဲသုအိၣ်လၢတၢ်ကီတၢ်ခဲအပူၤ, ဒီးကယဲၢ်တၢ်ကိးမံၤအံၤဟဲ ဘၣ်သုဒီး, အန့ၣ်တစုလၢခံကတၢၢ်သုကဃၣ်ကဒါက့ၤသုသးဆူယွၤ အအိၣ်ဒီးစူၢ်အီၤန့ၣ်လီၤ.

၁ တံၤမသ့း 4:1

ယွၤအသးစံးဝဲလီၤတံၢ်လီၤဆဲးလၢပှၤတနီၤကစူးကွံာ်ညိကွံာ် တၢ်စူၢ်တၢ်နာ်အံၤလၢမုၢ်နံၤခံကတၢၢ်တဖၣ်အပူၤန့ၣ်လီၤ. အဝဲသ့ၣ်ကစူၢ်သးလၢအလီတၢ်တဖၣ်ဒီးကပိာ်ထွဲတၢ်ဝံတၢ်နါ တဖၣ်အတၢ်သိၣ်လိသီလိအခံန့ၣ်လီၤ.

၂ တံၤမသ့း 3:1

သ့ၣ်နီၣ်ထီၣ်က့ၤလၢတၢ်ဆၢကတီၢ်အကီအခဲကအိၣ်ထီၣ် ဝဲလၢမုၢ်နံၤခံကတၢၢ်တဖၣ်အပူၤန့ၣ်တက့ၢ်.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

ဧ့ၤဘြံၤ 13:1

တၢ်အဲၣ်ပုၢ်အဲၣ်ဝဲၢ်န့ၣ် မ်အအိၣ်တဘိယူၢ်ဃီတက့ၢ်.

လံာ်လီၣ်ဖျါ 4:1

တၢ်န့ၣ်တဖၣ်အလီၢ်ခံန့ၣ်, ယအိၣ်ဒီးတၢ်ထံၣ်လၢညါခီအဂၤ တမံၤ, ဒီးထံၣ်ဘၣ်တြဲၤတဘ့ၣ်အိၣ်အိးထီၣ်အသးလၢမူခိၣ်န့ၣ်လီၤ. ဒီးတၢ်ကလုၢ်လၢအသီၣ်လီၤဂာ်ဒီးကွဲၤအသီၣ်, လၢယနၢ်ဟူဘၣ်တ့ၢ်ယဲအကတိၤတၢ်ဒီးယၤလၢအခီၣ်ထံးန့ၣ်စံးဝဲ, “ဟဲထီၣ်နဲဖဲအံၤ, ဒီးယကဒုးနဲၣ်နၤတၢ်လၢအကဘၣ်မၤအသးဖဲတၢ်တမံၤအံၤမၤ အသးဝံၤအလီၢ်ခံန့ၣ်လီၤ.”