လံာ်တၢ်ကဲထီၣ်အခီၣ်ထံး 48:5 - Sgaw Karen Common Bible

⁵ စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 48:5 Iomraidhean Croise

လံာ်တၢ်ကဲထီၣ်အခီၣ်ထံး 46:20

လၢကီၢ်အဲၤကူပတူးအပူၤန့ၣ်စီၤယိၤသးအိၣ်ဒီးအဖိခွါခံဂၤ လၢအမ့ၢ်ဝဲ, စီၤမနၤၡ့ၤဒီးစီၤအ့ဖရဲၣ်လၢနီၢ်အၤစနး, စီၤပိၤတံၤဖ့ရၤ, ပှၤလုၢ်တၢ်အဒိၣ်လၢဝ့ၢ်ဟဲလံအီၣ်ဖိလံာ်အဖိမုၣ်ဆံးစၢ်န့ၢ် အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:1

လၢခံတယံာ်ဘၣ်န့ၣ်, စီၤယိၤသးဘၣ်တၢ်တဲဘၣ်အီၤလၢအပၢ်ဘၣ်ဆူး ဘၣ်ဆါဝဲဒၣ်န့ၣ်လီၤ. အဃိအဝဲ, ကိးထီၣ်အဖိခွါခံဂၤလၢအမ့ၢ်စီၤမနၤ ၡ့ၤဒီးစီၤအ့ဖရဲၣ်, ဒီးလဲၤထံၣ်စီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:6

နဖိခွါမ့ၢ်အိၣ်အါထီၣ်န့ၣ်, ယတပာ်အီၤဒ်အဘၣ်ဃးဒီးယၤလၢၤဘၣ်. တၢ်န့ၢ်သါလၢအဝဲသ့ၣ်ကမၤန့ၢ်ဝဲန့ၣ်, ကဟဲခီဖျိဒၣ်လၢစီၤအ့ဖရဲၣ်ဒီးစီၤမနၤၡ့ၤန့ၣ်လီၤ.

စံးထီၣ်ပတြၢၤ 77:16

ကစၢ်ယွၤဧၢ, တုၤမ့ၢ်ထံတဖၣ်ထံၣ်နၤဒီးအဝဲသ့ၣ်ပျံၤတၢ် ဒီးပီၣ်လဲၣ်အတၢ်ယိာ်တဖၣ်ဟူးဝးဝဲလီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 47:13

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “အအံၤမ့ၢ်ကီၢ်အဆၢတဖၣ် လၢကဘၣ်တၢ်နီၤဖးလီၤဆူပှၤတဆံခံဒူၣ်အကျါအိၣ်ဒီးစီၤယိၤသး အဒူၣ်လၢအမၤန့ၢ်တၢ်နီၤဖးခံတီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:26

ဒီးသုကဘၣ်စီဆှံလၢယဂီၢ်လီၤ. အဂ့ၢ်ဒ်အံၤ, တၢ်လၢယၤယွၤအံၤယစီဆှံဝဲဒၣ်န့ၣ်လီၤ. ဒီးယပာ်လီၤဆီသုဒီးပှၤကလုာ်ဂၤတဖၣ်ဒ်သိးသုကမ့ၢ်ယတၢ်လီၤ.

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.

၂ ကရံၣ်သူး 6:18

ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

အ့းဖ့းစူး 1:5

မ့ၢ်လၢကစၢ်ယွၤအတၢ်အဲၣ်ဘၣ်ပှၤအဃိ, အဝဲဒၣ်ပာ်လီၤတ့ၢ်လံအသးလၢခီဖျိယ့ၣ်ၡူးခရံာ်န့ၣ်, အဝဲကဒုးကဲထီၣ်ပှၤလၢအဖိဒၣ်ဝဲန့ၣ်လီၤ. အအံၤမ့ၢ်ယွၤအတၢ်ဘၣ်အသးဒီးအတၢ်တိာ်ပာ်န့ၣ်လီၤ.

ဧ့ၤဘြံၤ 11:21

လၢတၢ်စူၢ်တၢ်နာ်ဖဲစီၤယၤကိာ်ဘူးထီၣ်လၢအကသံန့ၣ်, ဆိၣ်ဂ့ၤဆိၣ်ဝါစီၤယိၤသးအဖိခွါခံဂၤလိာ်လီၤ. အဝဲအိၣ်သန့ၤအသးလၢအနီၣ်ထိးဘိအလိၤဒီးဘူၣ်ထီၣ်ဘါထီၣ် ကစၢ်ယွၤလီၤ.

လံာ်စီၤယိၤၡူ 13:7

ဒီးခဲကနံၣ်အံၤ, နီၤဖးထံဧိၤကီၢ်ဧိၤလၢဒူၣ်အဂၤခွံဒူၣ်အကျါဒီးပှၤမနၤၡ့ၤ အဒူၣ်တဝာ်ဒ်သိးအဝဲသ့ၣ်ကန့ၢ်ဘၣ်ဝဲဒ် အတၢ်န့ၢ်သါဒၣ်ဝဲအသိးန့ၣ်တက့ၢ်.”

လံာ်စီၤယိၤၡူ 14:4

မ့မ့ၢ်, စီၤမိၤၡ့တဟ့ၣ်ပှၤလ့ၤဝံဖိတၢ်န့ၢ်သါလၢအကျါဘၣ်. အခိၣ်တလိာ်, အဝဲသ့ၣ်ဒိးန့ၢ်ဘၣ်ဝ့ၢ်တဖၣ်လၢကအိၣ်ဆိးဝဲလၢ အပူၤဃုာ်ဒီးပျီတဖၣ်လၢအဂီၤဖံးဒီးအသိတဖၣ်ကအီၣ်အဆၣ်အဂီၢ်န့ၣ်လီၤ.