လံာ်တၢ်ကဲထီၣ်အခီၣ်ထံး 48:22 - Sgaw Karen Common Bible

²² ဒီးယဟ့ၣ်လီၤနၤလၢကီၢ်ၡက့ၣ်, ဟီၣ်ခိၣ်ညၣ်ထ့ၣ်အလီၢ်ကဝီၤလၢ ယမၤန့ၢ်လၢပှၤအမိၢ်ဖိအစုပူၤလၢယနးဒီးယချံၣ်လီၤ. ယတဟ့ၣ်လီၤဘၣ်နဒီပုၢ်ဝဲၢ်ခွါတဖၣ်လၢတၢ်လီၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 48:22 Iomraidhean Croise

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်တၢ်ကဲထီၣ်အခီၣ်ထံး 33:19

အဝဲပှ့ၤန့ၢ်ဝဲပျီတတီၤန့ၣ်လၢစီၤၡက့ၣ်အပၢ်ပှၤဃမိၣ်ဖိအစၢၤ အသွဲၣ်တဖၣ်အအိၣ်လၢစ့ညၣ်အဘ့ၣ်တကယၤလီၤ.

လံာ်တၢ်ကဲထီၣ်အခီၣ်ထံး 34:28

အဝဲသ့ၣ်ဟံးန့ၢ်ကွံာ်သိအဖုတဖၣ်, ဂီၤဘုၣ်ဂီၤဖံးတဖၣ်, ကသ့ၣ်ယီၤတဖၣ်ဒီးကယဲၢ်တၢ်အိၣ်လၢဝ့ၢ်ပူၤဒီးပျီပူၤခဲလၢာ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:14

စီၤကနၤဧၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,

လံာ်ကွဲးနီၣ်တၢ်အခီၣ်ထံးတဘ့ၣ် 5:2

မ့ၢ်နာ်သက့ဒီး, ယူဒၤမ့ၢ်ဒူၣ်တဒူၣ်လၢအကဲထီၣ်ပှၤဂံၢ်ဆူၣ်ဘါ ဆူၣ်ကတၢၢ်ဒီးဒုးအိၣ်ထီၣ်ပှၤပၢတၢ်တဂၤလၢကယဲၢ်ပှၤအဒူၣ်ခဲလၢာ် အဂီၢ်န့ၣ်လီၤ.)

လံာ်ယဃ့းစက့လး 47:13

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “အအံၤမ့ၢ်ကီၢ်အဆၢတဖၣ် လၢကဘၣ်တၢ်နီၤဖးလီၤဆူပှၤတဆံခံဒူၣ်အကျါအိၣ်ဒီးစီၤယိၤသး အဒူၣ်လၢအမၤန့ၢ်တၢ်နီၤဖးခံတီၤန့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်ယိၤဟၣ် 4:5

လဲၤတုၤဝဲလၢဝ့ၢ်စံဃၢ်, အိၣ်လၢကီၢ်ၡၤမရံအပူၤ, ဘူးဒီးဟီၣ်ခိၣ်အကဝီၤလၢစီၤယၤကိာ်ဟ့ၣ်လီၤအဖိခွါ စီၤယိၤသးန့ၣ်လီၤ.

လံာ်သိၣ်လီၤသီလီၤတၢ် 21:17

အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်စီၤယိၤၡူ 24:32

စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:23

မၤသးဒ်န့ၣ်ဒီးယွၤ, အံၣ်စရ့လးအကစၢ်နီၣ်ထီၣ်ကွံာ်ပှၤအမိၢ်ဖိ တဖၣ်လၢအပှၤဂီၢ်မုၢ်ပှၤအံၣ်စရ့လးဖိတဖၣ်အဂီၢ်န့ၣ်လီၤ.