လံာ်တၢ်ကဲထီၣ်အခီၣ်ထံး 48:20 - Sgaw Karen Common Bible

²⁰ လၢတၢ်န့ၣ်အဃိ, အဝဲဒၣ်ဆိၣ်ဂ့ၤအဝဲသ့ၣ်လၢမုၢ်တနံၤန့ၣ်ဒီး စံးဝဲ, “ဖဲပှၤအံၣ်စရ့လးဖိတဖၣ်ဆိၣ်ဂ့ၤတၢ်န့ၣ်, ကသူသုမံၤတဖၣ်လီၤ. အဝဲသ့ၣ်ကစံးဝဲ, မ်ကစၢ်ယွၤဒုးလီၤဂာ် သုဒ်စီၤအ့ဖရဲၣ်ဒီးစီၤမနၤၡ့ၤအသိးန့ၣ်တက့ၢ်. လၢကျဲဒ်အံၤန့ၣ်, စီၤယၤကိာ်ပာ်ဒိၣ်ပာ်ကဲစီၤအ့ဖရဲၣ်အါန့ၢ် ဒံးစီၤမနၤၡ့ၤတက့ၢ်လီၤ.”

လံာ်တၢ်ကဲထီၣ်အခီၣ်ထံး 48:20 Iomraidhean Croise

လံာ်တၢ်ကဲထီၣ်အခီၣ်ထံး 24:60

ဒီးအဝဲသ့ၣ်ဆိၣ်ဂ့ၤနီၢ်ရံးဘကၤ လၢတၢ်ကတိၤတဖၣ်အံၤလီၤ. “နဲဒၣ်ပဒီပုၢ်ဝဲၢ်မုၣ်ဧၢ, မ်နကကဲထီၣ်ပှၤအကကွဲၢ်တဖၣ်အမိၢ်တက့ၢ်. မ်နစၢၤနသွဲၣ်တဖၣ်မၤန့ၢ်မၤနၢၤအဒုၣ်အဒါတဖၣ်အဝ့ၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 48:21

အန့ၣ်ဒီး, စီၤယၤကိာ်စံးဘၣ်စီၤယိၤသး, “ဒ်နထံၣ်အသိး, ယကသံဘူးထီၣ်လံ. ဘၣ်ဆၣ်ဒီး, ကစၢ်ယွၤကအိၣ်ဒီးနၤ, ဒီးကဆှၢကဒါက့ၤနၤဆူနမိၢ်ပၢ်ဖံဖုလၢပျၢၤတဖၣ်အကီၢ်န့ၣ် လီၤ.

လံာ်တၢ်ဂံၢ် 13:16

အဝဲသ့ၣ်မ့ၢ်ပှၤကွၢ်ဟုၣ်ကွၢ်စုးတၢ်လၢစီၤမိၤၡ့မၢလီၤအီၤဒ် သိးကလဲၤဃုထံၣ်သ့ၣ်ညါကီၢ်အဂ့ၢ်န့ၣ်လီၤ. အဝဲလဲလိာ်ကွံာ်စီၤနိၣ်အဖိခွါစီၤဟိၤၡံအမံၤဆူစီၤယိၤ ၡူန့ၣ်လီၤ.

ဧ့ၤဘြံၤ 11:21

လၢတၢ်စူၢ်တၢ်နာ်ဖဲစီၤယၤကိာ်ဘူးထီၣ်လၢအကသံန့ၣ်, ဆိၣ်ဂ့ၤဆိၣ်ဝါစီၤယိၤသးအဖိခွါခံဂၤလိာ်လီၤ. အဝဲအိၣ်သန့ၤအသးလၢအနီၣ်ထိးဘိအလိၤဒီးဘူၣ်ထီၣ်ဘါထီၣ် ကစၢ်ယွၤလီၤ.

လံာ်စီၤယိၤၡူ 17:14

စီၤယိၤသးအစၢၤအသွဲၣ်တဖၣ်စံးဘၣ်စီၤယိၤၡူ, “ဘၣ်မနုၤအဃိနဟ့ၣ်ပှၤကီၢ်ထဲတပူဧိၤလၢပတၢ်န့ၢ်သါအဂီၢ်န့ၣ်လဲၣ်. ပမ့ၢ်ပှၤအအါတဖုမ့ၢ်လၢယွၤဆိၣ်ဂ့ၤပှၤအဃိလီၤ.”