လံာ်တၢ်ကဲထီၣ်အခီၣ်ထံး 48:18 - Sgaw Karen Common Bible

¹⁸ အဝဲစံးဘၣ်အပၢ်, “တမ့ၢ်ဒ်န့ၣ်ဘၣ်ပၢ်ဧၢ, အအံၤမ့ၢ်ပှၤအဒိၣ်တဂၤအဃိပာ်နစုထွဲလၢအဝဲအခိၣ်လိၤတက့ၢ်.”

လံာ်တၢ်ကဲထီၣ်အခီၣ်ထံး 48:18 Iomraidhean Croise

လံာ်တၢ်ကဲထီၣ်အခီၣ်ထံး 19:18

ဒီးစီၤလိာ်စံးဆၢဝဲ, “တသ့ဘၣ်. တၢ်ဒိၣ်ဧၢ, ဝံသးစူၤမၢပမၤတၢ်န့ၣ်တဂ့ၤ.

လံာ်တၢ်ကဲထီၣ်အခီၣ်ထံး 27:15

ဒီးနီၢ်ရံးဘကၤဟံးန့ၢ်စီၤဧ့ၡီၤအကူအသိးအဂ့ၤကတၢၢ်လၢအပာ် ဃာ်ဝဲလၢဟံၣ်ပူၤဒီးဒုးသိးထီၣ်စီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 29:26

စီၤလၤဘၣ်စံးဆၢဝဲဒၣ်, “တၢ်ဟ့ၣ်လီၤဆိဖိမုၣ်အဆံးလၢအဒိၣ် အမဲာ်ညါန့ၣ်တမ့ၢ်တၢ်လီၢ်ဖဲအံၤအလုၢ်အလၢ်ဘၣ်.

လံာ်တၢ်ကဲထီၣ်အခီၣ်ထံး 43:33

ပှၤဒီပုၢ်ဝဲၢ်ခွါတဖၣ်ဘၣ်တၢ်ပာ်လီၤန့ၢ်အလီၢ်လၢစီၢ်နီၤခိၣ်, မဲာ်သကိးမဲာ်ဒီးစီၤယိၤသးဒ်အသးအနံၣ်အလါဒၣ်ဝဲစးထီၣ်လၢ ပှၤသးပှၢ်ကတၢၢ်တုၤလၢအသးစၢ်ကတၢၢ်န့ၣ်လီၤ. ဖဲအဝဲသ့ၣ်ထံၣ်ဘၣ်ဝဲတၢ်ပာ်လီၤန့ၢ်အီၤအလီၢ်ဒ်လဲၣ်န့ၣ်, အဝဲသ့ၣ်ကွၢ်လိာ်အသးတဂၤဒီးတဂၤလၢတၢ်ကမၢကမၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:17

စီၤယိၤသးအသးဘၣ်တံာ်တာ်ဖဲအထံၣ်ဝဲလၢအပၢ်ပာ်အစုထွဲ လၢစီၤအ့ဖရဲၣ်အခိၣ်လိၤအဃိ, အဝဲဖီၣ်ထီၣ်အပၢ်အစုဒ်သိးကသုး က့ၤဝဲလၢစီၤအ့ဖရဲၣ်အခိၣ်လိၤဆူစီၤမနၤၡ့ၤအခိၣ်လိၤအဂီၢ် န့ၣ်လီၤ.

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 49:3

စီၤရူၤဘ့ၣ်, ယဖိဝဲၢ်ကိ, နမ့ၢ်ယဂံၢ်ယဘါ, ဒီးယတၢ်ဒိၣ်တုာ်ခိၣ်ပှဲၤအဖိအဆိကတၢၢ်, ပှၤဒိၣ်ဝဲထီဝဲကတၢၢ် ဒီးအဂံၢ်ဆူၣ်ကတၢၢ်လၢယဖိခွါတဖၣ်အကျါလီၤ.

လံာ်တၢ်ဟးထီၣ်ကွံာ် 10:11

တသ့ဘၣ်. တၢ်န့ၣ်မ့မ့ၢ်တၢ်လၢသုအဲၣ်ဒိးမၤအဃိဒီး, ထဲပှၤပိာ်ခွါတဖၣ်ဧိၤကဘၣ်လဲၤဘူၣ်ထီၣ်ဘါထီၣ်ယွၤန့ၣ်လီၤ.” ဒီးစီၤမိၤၡ့ဒီးစီၤအၤဟရိၣ်တဖၣ်ဘၣ်တၢ်ဟီထီၣ်ကွံာ်အီၤလၢ စီၤပၤအမဲာ်ညါန့ၣ်လီၤ.

လံာ်မးသဲ 25:9

ပှၤအသူၣ်ဆးအသးဆးတဖၣ်စံးဆၢဝဲ, ‘တသ့ဘၣ်. ပသိတအိၣ်လၢအိၣ်လီၣ်လၢသုဂီၢ်ဒီးပဂီၢ်ဘၣ်. လဲၤဆူတၢ်ဆါတၢ်ပှ့ၤအကျးဒီးပှ့ၤန့ၢ်သိလၢ သုဂီၢ်ဒၣ်သုဝဲတက့ၢ်.’

မၤတၢ် 10:14

ဘၣ်ဆၣ်ဒီးစီၤပ့းတရူးစံးဝဲဒၣ်, “ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢအဘၣ်တၢ်ပာ်အီၤလၢအတစီတဆှံဒီးတကဆှီ လၢတၢ်ကအီၣ်အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.”

မၤတၢ် 11:8

ဘၣ်ဆၣ်ဒီးယစံးယဲ, ‘ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢတၢ်ပာ်အီၤလၢအတစီတဆှံဒီးတကဆှီလၢတၢ်ကအီၣ် အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.’