လံာ်တၢ်ကဲထီၣ်အခီၣ်ထံး 48:14 - Sgaw Karen Common Bible

¹⁴ ဘၣ်ဆၣ်စီၤယၤကိာ်ပာ်အစုထွဲလၢစီၤအ့ဖရဲၣ်, လၢအမ့ၢ်ပှၤအဆံးအခိၣ်အဖီခိၣ်, ဒီးပာ်ခီပတာ်အစုစ့ၣ်လၢစီၤ မနၤၡ့ၤလၢအမ့ၢ်ပှၤအဒိၣ်အခိၣ်အဖီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:14 Iomraidhean Croise

လံာ်တၢ်ကဲထီၣ်အခီၣ်ထံး 41:51

စီၤယိၤသးစံးဝဲ, “ကစၢ်ယွၤဒုးသးပ့ၤနီၣ်ကွံာ်ယၤယတၢ်နး တၢ်ဖှီၣ်ခဲလၢာ်ဒီးကယဲၢ်ယပၢ်အဟံၣ်ဖိဃီဖိခဲလၢာ်လံ.” လၢတၢ်န့ၣ်အဃိအဝဲယုၢ်န့ၢ်အဖိခွါဝဲၢ်ကိအမံၤလၢစီၤမနၤၡ့ၤ လီၤ.

လံာ်တၢ်ကဲထီၣ်အခီၣ်ထံး 41:52

အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

လံာ်တၢ်ကဲထီၣ်အခီၣ်ထံး 46:20

လၢကီၢ်အဲၤကူပတူးအပူၤန့ၣ်စီၤယိၤသးအိၣ်ဒီးအဖိခွါခံဂၤ လၢအမ့ၢ်ဝဲ, စီၤမနၤၡ့ၤဒီးစီၤအ့ဖရဲၣ်လၢနီၢ်အၤစနး, စီၤပိၤတံၤဖ့ရၤ, ပှၤလုၢ်တၢ်အဒိၣ်လၢဝ့ၢ်ဟဲလံအီၣ်ဖိလံာ်အဖိမုၣ်ဆံးစၢ်န့ၢ် အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:13

စီၤယိၤသးပာ်စီၤအ့ဖရဲၣ်လၢစီၤယၤကိာ်အစုစ့ၣ်ဒီးစီၤမနၤ ၡ့ၤလၢအစုထွဲတကပၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:17

စီၤယိၤသးအသးဘၣ်တံာ်တာ်ဖဲအထံၣ်ဝဲလၢအပၢ်ပာ်အစုထွဲ လၢစီၤအ့ဖရဲၣ်အခိၣ်လိၤအဃိ, အဝဲဖီၣ်ထီၣ်အပၢ်အစုဒ်သိးကသုး က့ၤဝဲလၢစီၤအ့ဖရဲၣ်အခိၣ်လိၤဆူစီၤမနၤၡ့ၤအခိၣ်လိၤအဂီၢ် န့ၣ်လီၤ.

လံာ်တၢ်ကဲထီၣ်အခီၣ်ထံး 48:18

အဝဲစံးဘၣ်အပၢ်, “တမ့ၢ်ဒ်န့ၣ်ဘၣ်ပၢ်ဧၢ, အအံၤမ့ၢ်ပှၤအဒိၣ်တဂၤအဃိပာ်နစုထွဲလၢအဝဲအခိၣ်လိၤတက့ၢ်.”

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

စံးထီၣ်ပတြၢၤ 118:16

အတၢ်စိတၢ်ကမီၤဟဲစိာ်န့ၢ်ပှၤတၢ်မၤနၢၤ, အစိအကမီၤဖးဒိၣ်လၢတၢ်ဒုးတၢ်ယၤအပူၤလီၤ.”

လံာ်တၢ်ဟးထီၣ်ကွံာ် 15:6

ယွၤဧၢ, နစုထွဲလီၤလးမးလၢတၢ်စိကမီၤအပူၤလီၤ. မၤဟးဂီၤဒုၣ်ဒါတဖၣ်တုၤအလီၤသဘှံးလီၤ.

လံာ်တၢ်ဂံၢ် 2:18

လၢမုၢ်နုာ်တခီန့ၣ်, ပှၤလၢအအိၣ်လၢအ့ဖရဲၣ်ကရူၢ်အနီၣ်တယၢ်အဖီ လာ်န့ၣ်ကပာ်လီၤအသူၣ်ဒဲလီၢ်လၢအကရူၢ်တဖၣ်ဒၣ်ဝဲ အပူၤလၢအကရူၢ်ခိၣ်နၢ်အဖီလာ်ဒ်လၢလာ်အံၤအသိးန့ၣ်လီၤ. အ့ဖရဲၣ်အကရူၢ်အပှၤအခိၣ်မ့ၢ် စီၤဧးမံၤဟူးအဖိခွါစီၤအလံၡမၤ, ဒီးအပှၤ လွံၢ်ကလးယဲၢ်ကယၤဂၤ. မနၤၡ့ၤအကရူၢ်အပှၤအခိၣ်မ့ၢ်စီၤပၤဒၤစူၢ်အဖိခွါစီၤကမၤလ့လး, ဒီးအပှၤ သၢကလးခံကထိခံကယၤဂၤ. ဘံၣ်ယၤမံၣ် အကရူၢ်အပှၤအခိၣ်မ့ၢ် စီၤကံးဒဧိနံၤအဖိခွါစီၤ အဘံဒၣ်, ဒီးအပှၤ သၢကလးယဲၢ်ကထိလွံၢ်ကယၤဂၤ. ပှၤအနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ဃိးကထိတကယၤ ဂၤန့ၣ်လီၤ. အ့ဖရဲၣ်အကရူၢ်ကလဲၤထီၣ်ဝဲသၢဖုတဖုလီၤ.

လံာ်တၢ်ဂံၢ် 8:10

ကီၢ်အံၣ်စရ့လးအပှၤဂီၢ်မုၢ်ကဘၣ်ပာ်ထီၣ်အစုတဖၣ်လၢပှၤလ့ၤဝံ ဖိတဖၣ်အခိၣ်အဖီခိၣ်,

လံာ်တၢ်ဂံၢ် 8:18

ခဲအံၤယဟံးန့ၢ်ပှၤလ့ၤဝံဖိတဖၣ်လၢကယဲၢ်ပှၤအံၣ်စရ့လးဖိ အဖိခွါဝဲၢ်ကိတဖၣ်အလီၢ်

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်မးသဲ 19:13

ပှၤတနီၤဟဲဆှၢဖိသၣ်တဖၣ်ဆူအအိၣ်, ဒ်သိးအကပာ်ထီၣ်အစုလၢ အလိၤ, ဒီးကဃ့ဘါထုကဖၣ်လၢအဂီၢ်လီၤ. ဘၣ်ဆၣ်အပျဲၢ်အဘီၣ်တဖၣ်ဒူပှၤတဖၣ်န့ၣ်အလိၤလီၤ.

လံာ်မးသဲ 19:15

ဒီးအဝဲပာ်ထီၣ်အစုလၢအဝဲသ့ၣ်အလိၤ, ဝံၤဒီးဟးထီၣ်ကွံာ်ဝဲဖဲန့ၣ်လီၤ.

လံာ်မးသဲ 6:5

တဘျီလၢ်လၢ်ဖဲသုဃ့ထုကဖၣ်ယွၤန့ၣ်, တဘၣ်မၤသုသးဒ်ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်အဲၣ်ဒိးဂဲၤဆၢထၢၣ်ဒီးဘါထုကဖၣ်ယွၤလၢဘူၣ်ဘျီၣ် လၢအမ့ၢ်တၢ်ဘါလီၢ်အပူၤဒီးလၢကျဲသဂၢၢ်လိာ်သးအလီၢ်တဖၣ် ဒ်သိးပှၤကထံၣ်ဘၣ်အီၤကိးဂၤဒဲးအဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်လူၤကၣ် 13:13

အဝဲဒၣ်ပာ်ထီၣ်အစုလၢအလိၤဒီးတဘျီဃီ, အဝဲဒၣ်အပျိၢ်ဘျၢထီၣ်က့ၤဒီးစံးထီၣ်ပတြၢၤကစၢ်ယွၤလီၤ.

လံာ်လူၤကၣ် 4:40

ဖဲမုၢ်လီၤနုာ်ဝံၤအလီၢ်ခံန့ၣ်, ကယဲၢ်ပှၤအိၣ်ဒီးတံၤသကိးလၢအအိၣ်ဒီး တၢ်ဆူးတၢ်ဆါအကလုာ်ကလုာ်တဖၣ်ဟဲဆှၢပှၤဆါတဖၣ်န့ၣ်ဆူ ယ့ၣ်ၡူးအအိၣ်, ဒီးအဝဲဒၣ်ပာ်ထီၣ်အစုခံခီလၢ အဝဲသ့ၣ်တဂၤဘၣ်တဂၤအလိၤ, ဒီးမၤဘျါအဝဲသ့ၣ်ကိးဂၤဒဲးလီၤ.

မၤတၢ် 13:3

အဝဲသ့ၣ်ဒုၣ်တၢ်အီၣ်တၢ်အီဒီးဃ့ဘါထုကဖၣ်တၢ်ဝံၤ အလီၢ်ခံ, ပာ်ထီၣ်အစုလၢစီၤဘၢ်နါဘၤဒီးစီၤစီလူးအလိၤဝံၤဒီး, မၢလီၤအဝဲသ့ၣ်လီၤ.

မၤတၢ် 6:6

အဝဲသ့ၣ်ဆှၢထီၣ်ပှၤတဖၣ်အံၤဆူပှၤတၢ်မၢဖိတဖၣ်အမဲာ်ညါ, ဒီးပှၤတၢ်မၢဖိတဖၣ်ဃ့ထုကဖၣ်ယွၤဒီးပာ်အစုလၢပှၤတဖၣ် အံၤအခိၣ်လိၤလီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.